البــــــــــيه .. المــــشرف .. على راسو ريشه .. والاعضاء مساكين!!

البيه المشرف..... بيحذف زي ما هو عايز ويحرر مشاركات برااحته خاااااااالص......مفكر انه مبيغلطش...ومستحيل حد يمسك عليه غلطة واحدة...

البيه المشرف ..فاكر انه علي راسي ريشة ...وعمر ما بيتمسحله مواضيع ولا يتحررله مشاركة...طبعا ما هو البيه المشرف

سعادة البيه المشرف..يلف في كل حتة في المنتدي...ويشيل اللي ميعجبهوش ويخلي اللي بيعجبه....وان حطّ عضو في دماغي....يبقي يا ويله......

ديكتاتور وده طبعه...واللي مش عاجبه يبقي يدوق من غضبه

السلام عليكم يا أخوننا...طبعا عنوان الموضوع يخض...والكلام اللي فوق يخض اكتر

بس بصراحة كدة وبدوووووووون مجاملة؟

عمرك ولا عمريك قلتي الكلام ده عن مشرف/مشرفة ولو في سرك حتي؟

والله يا جماعة الحكاية مش كدة خاااااالص...ده كلنا زي بعض...عضو ولا مشرف...تفرق ايه؟

ما المشرف اللي بتقول عليه كدة كان في يوم من الايام عضو جديد ..وبدأ زي ما بدأت بمشاركة واحدة ...

يعني زيه زيك

بس هو يفرق عنّك في حاجة واحدة...انه شايل مسئولية انت مش شايلها

موضوع عايز تنسيق بينسقه...موضوع علمي أو اسلامي عايز مصدر موثوق فيه...يا بيطلب من صاحب الموضوع يجيببه يا اما بيدور هو عليه..وكل ده عشان المعلومة في الأخر توصلك جاهزة وصح وموثوق فيها

حتي يا عم لو نقلك موضوع لقسم تاني...فيها ايه يعني...ما كدة أحسن برضه...بينظم الأقسام عشان تقدر توصل للي انت عاوزه بسهولة

ولو يا سيدي حذفلك موضوع...وماله..أكيد هو شايف حاجة انت مش شايفها....مفيهاش حاجة يعني

حتقوللي اشمعني المشرف مش بيتحذفله...ممكن وليه لأ؟ وحصلت قبل كدة والله بس من غير ما أذكر أسامي بقي

اه كنت حنسي......عمركوا شفتوا مشرف أخد عضو مميز؟محصلتش ومش حتحصل

انما انتوا بقي.....ربنا يسهلكواJ

وأخييييييييييييرا

المشرفين يا جماعة ناس طبيعية والله...زيكم يعني...وشايلين علي راسهم مسئولية والله هو المستعان

محدش يزعل ولا يشيل من مشرف...موافقون؟والا انتوا عارفيييييييييين

وخلي الموضوع ده فرصة اللي شايل من مشرف ولا مشرفة يقول وبصراحة
( مع الالتزام بأداب الحوار الراقي)

تسلمي طمطم علي مواضيعك الجميله والمميزه

انا اه مشرفه بس انا كنت في يوم من الايام واحده داخله لسه متعرفشي اي حاجه في اي حاجه

يعني زيي زيكوا وجايز كمان فيكوا ناس احسن بكتير مني

ويارب ميكونشي حد شايل مني في حاجه ولا فيه اي حد منفسن من اي حد لان بصراحه

المنتدي جميل جدا جدا وانا من الناس الي مبهوره بكل حاجه فيه واسلوب الحوار

والجديه من كل الاعضاء واتمني اننا نكون كلنا اخوات واصحاب لان المنتدي يعتبر

البيت التاني لينا كلنا وبتمني ان بايدينا اننا نوصل بيه لفوق ولفوق اوي ويبقي احلي المنتديات.

تسلمي حبيبتي علي موضوعك الهايل

بصراحه الموضوع جميل جدا والكلام كمان اجمل وطبعا مفيش فرق بيننا كلنا اصحاب شكرا على الموضوع الجميل ده

شكرا على التوبيك وعندك حق فى اللى بتقوليه طبعا

كلنا هنا واحد مفيش فرق بين مشرف وعضو وزائر

تسلمى ياجميل ع التوبيك ده

فعلا المشرفين ناس عاديين زينا زيهم

مانا مشرفه ف منتدى تانى ومديره لمنتدى تانى برده

عادى خلاص وانا والاعضاء حبايب ولا فيه اى حاجه بينا

وانا اعرف مشرفين كمان مش بيلغوا توبيكات او بينقلوها من مكانها لقسم تانى الا بعد مايستاذنوا من صاحبها عشان مايزعلش

هو الفرق بينا وبينهم انهم زى مابتقولى واخدين القب ده عشان يتحملوا المسؤليه مش اكتر

تسلمى تانى ياجميل ع التوبيك

موضوع رائع

واكيد المشرفين زى الاعضاء بظبط

بس بيبقى عليهم مسؤولية اكبر