"لا اتزوج فتاه تكتب في المنتديات...."

بسم الله الرحمن الرحيم

السلام عليكم ورحمه الله وبركاته

انا شوفت القصه دى مكتوبه فى منتدى تانى ونقلتها ليكم عشان اعرف رايكم ايه

شاب يبحث عن فتاه للزواج...
المواصفات العاديه وربما الاكثر من عاديه...
فتاه غايه في الأدب والاحترام وكل معاني النبل والحياء....
مثلها مثل معظم _إن لم يكن كل_ فتياتنا اللتي لاتستحق سوى التقدير والاحترام..

تقدم إليها لخطبتها..ووافقت

ولم لا؟؟
انسان مهذب ومثقف ومُتعـلّم .....ومُـتفــتّــــــح!!!

وهي كما علمنا انسانه عاديه ، ليس لها في امور السفه شيء يُذكر....
وما كان ذنبها الا انها كانت مُــشتركه في احد المنتديات -التي لاتناقش سوى الموضوعات الهادفه والهامه...... - وكانت مشتركه باسم ٍ مستعار، طبعا وده شيء عادي..وكانت قد أخبرت احدى صديقاتها بذلك....
ولكن.....
لماذا كل ما حدث؟؟؟؟؟؟؟؟

**************************

ذهب هذا الشاب في احد الايام لزياره احد اصدقائه المقربين ، وأخبره عن فتاته التي اصبحت الآن خطيبته.. وأخبره عنها وعن ادبها وأخلاقها..
فقال له الشاب: "نعم ..انني اعرفها، انها الصديقه المُقربة لاختي..انها فتاه مُثقفه..، اتعلم ، انها مشتركه باحد المنتديات والذي تشارك فيه باعمالها وابداعاتها... وهو منتدى كبير وضخم ويضم الكثير من المثقفين.....وهي مشتركه فيه باسم..(كـذا..)-اسمها المستعار هناك_..

فلم يُصّدق الفتى ما قاله صديقه
فسأله عن موقع هذا المنتدى وقام بالدخول عليه وتأكد فعلا مما قاله صديقه له عن امر الفتاه المسكينه ،وانها فعلا لها اسم مستعار هناك..

فمن فوره...قام بتركها رافعا شعاره.(لا اتزوّج فتاه تكتب في المنتديات!)
تركها دون ان تدري اي ذنب اقترفته..سوى انها فقط..تكتب بالمنتديات!!!

اعزائي.....
الآن...
بعد تلك القصه الحقيقيه
هل ترون انه فعلا من حق اي شاب ان يرفض فتاه لمجرد انها تشارك في منتدى؟؟؟
بالله اخبروني؟؟ هل هذا جـُرم أم اذناب؟؟
هل تتوقف الفتيات عن المشاركات لمجرد ان الفتيان يرغبون بزوجه لا تدري من امور الدنيا شيئا؟ وهل نحن مطالبات بالتخلي عن منتدياتنا من اجل ارضاء غرور امثال هذا الشاب من مُنعدمي الضمير؟؟؟

انها حقا مشكله اريد آراء الجميع فيها..............
وخاصة انتم ياشباب ، هل وجهة نظركم مطابقه لهذا الشاب المُـتعسّف الرأي؟؟ وهل توافقون على ما حدث؟؟
=============
في انتظار مشاركاتكم وأجوبتكم التي ستغير من الامور....امـــــــــــــورااا



_________________

انا مش شايفه انها شمكله
طالما البنت كويسه ومحترمه
فيها ايه يعنى لما تكون مشتركه ف منتدى
وفيها ايه برده لو كانت ع الفيس بوك
طالما هى بنت مؤدبه وبتحترم نفسها
وردودها ع المنتدى محترمه يبقى مفيش اى مشكله

فعلا عندك حق وانا معاكي جدا
وشكرا علي مرورك

لاء
انا شايفة انه عادي طالما انها واثقة في نفسها ومتاكدة انها مش هتعمل حاجة تغضب ربنا ومحترمة
واكيد هيبقي في حدود لاي حد يكلمها بس

شكرا علي مروركم

أختى الغاليه موضوعك فعلا عجنى لانه فى غايه الاهميه وعشان كده انا هقولك راى بكل صراحه بس يلريت محدش يزعل منى
0 بالنسبه الى انك بتقولى ايه الذنب اللى اقترفته النت عشان يعمل معاها كده فهيا غلتط اكبر غلط لما خبت عليه حاجه زى كده وخصوصا انه عرف من صاحبه وفى الوقت اللى هو كان بيمدح فيها وفى ادبها وفى صراحتها 0

0 وبالنسبه الى انك وصفتى الشاب ده بانه معدوم الضمير ومغرور فلازم تعرفى ان الشباب انواع ومثل هذا الشاب من الدرجه الاولى يعنى مش ناقصه اى شى وصدقينى ان اى بنت هترتبط بمثل هذا الشاب وتلتزم معاه بالصراحه والاخلاص هتكون اسعد مخلوقه فى الدنيالانه هيعرف يحافظ عليها ويحميها
0 اما بالنسبه الى ان الشباب عايز بنت لا تدرى عن امور الدنيا شىء فدى وجه نظر خطا لان كل شاب عايز البنت اللى هيرتبط بيها تكون احلى واحده فى الدنيا من حيث الادب والصراحه والثقافه والجمال والاخلاص وده طبعا مش هيتحقق من خلال النت والفيس بوك بدليل ان امهاتنا كان متوفر فيهم الصفات دى اكتر من دلوقتى وكمان ان نسب الطلاق زادت فى عصرنا بصوره رهيبه وخصوصا مشكله فسخ الخطوبه منتشره جدا ولازم كل بنت تعرف ان من يوم النت والدش والموبايل دخل كل بيت والمشاكل الخاصه بالشرف كترت لدرجه انها فى معظم البيوت فده بدوره بيسبب قلق عندمعظم الشباب ومش معنى كدة انى بقول ان الولد ميسقش فى البنت بالعكس المفروض انه يثق فيها فى حدود المعقول والمفروض ان البنتاللى ترتبط بشاب زى ده وهى موافقه عليه تتلتزم بعادات وتقاليد مجتمعنا الشرقى وبتعليم الدين الاسلامى0
0 اما بالنسبه لتصرف الشاب فاسمحيلى اختى ان اتحدث عن لسان الشاب كان من المفرض ان لما صاحبى يقولى حاجه زى كده اردعليه و اقوله انا عارف اصل هى بتحكيلى عن كل حاجه بالرغم من ان الذنب مش منى منها هى لانها حتطنى فى موقف احراج بعدم صراحتها معايا وكان ممكن معرفش اتصرف ووقتها وأنتم عارفين ان فى حساسيه بين الشباب فى الامور دى
تانى حاجه كنت هعملها كنت هعرض عليها الموضوع وأوضح وجه نظرى وأوضحلها غلطها وان مأقتنعتش هحاول معاها تانى باسلوب افضل وان اصرت على موقفهاصدقينى مش عارف وقتها هعمل ايه بس اكيد هستخير ربنا وهو هيقدم ما فيه الخيروربنا يستر والحكايه متوصلش الى عدم توافق فى التفكير لان فى اعتقادى ان اى اثنين مش قادرين يفهموا بعض هيكون من الصعب انهم يكملوا مع بعض ولو كملوا هتكون حياتهم كلها مشاكل 0
اضافه اخيره الى كل شاب (حرام ترتبط ببنت و تواعدها بوعودك وتجى بعد فتره تكتشف اى حاجه او يحل سوء تفاهم بسيط ومتقدرش تحله فتتسرع و تنفصل عن وخصوصا لما تكون البنت دى ممتستاهلش منك كده ) (يا ابن ادم افعل ما شئت فكما تدين تدان)


أسف للاطاله

يعطيك العافيه غاليتي عالطرح الرائع
من رايئ...
تصرف هذا الشاب يدل على جهله
ودليل اكيد بان ثقافته بالنت سطحيهفقليل من الشباب الجاهلين يعتبر دخول الفتاه على النت بانها ليست محترمه

فهو لايرى سوى الجانب السلبي من الانترنت

تقبلي مروري
احلى حنين

شكرا ليك يا سمير علي مرورك وردك
وفعلا لازم اي اتنين مخطوبين يكون ما
بينهم صراحه في اي موضوع
شكرا يا حنين علي مرورك