ليه بتقول على نفسك اهلاوى وليه بتقول على نفسك زملكاوى ......وجهة نظر

فى الموضوع ده هسأل سؤال

وهو ليه احنا فى مصر منقسمين على اننا نقول على نفسنا

انا اهلاوى والتانى يقول انا زملكاوى

ويكون فيه بينا بعض الصراع

طبعا انا عن نفسى لست اهلاوى ولا زملكاوى ولا اى فريق مصرى

ولا بشجع اى نادى مع انى من عشاق الكورة وبحب الكورة جدا

ولكن انا بشجع منتخب مصر فقط

وانا هقولكم اسبابى ووجهة نظرى فى الموضوع

ومنتظر رأيكم بالاتفاق او النفى لكلامى

بداية

المفروض الانسان لما يجى يشجع او لما يجى ينتمى او يعشق شئ

المفروض الشئ ده او الحاجة دى تكون فعلا تستحق ذلك

ويكون حاجه ليست غرضها الربح وحاجه المسئولين والقائمين عليها ينتمون اليها ايضا

طبعا انتوا مش فاهمين انا اقصد ايه

هوضح اكتر

نادى الزمالك او نادى الاهلى او اى نادى

عباره عن شركات ارباح وغرضها هو الربح

مجرد شركات لها مجلس ادارة ولها مديرين ولها محاسبين ومجالها هو مجال الرياضة وكورة القدم

اذن اول حاجه دى شركات ارباح اموال همها الاول والاخير هو الفلووووووووووووووس

بتعمل مباريات كورة وتشترى لاعيبة عشان الفلوس وتكسب فلوس

يبقى هما مش بيعملوا كده حبا فى كلمة الزمالك ولا حبا فى كلمة الاهلى ولا حبا فى انهما يقولك اهلاوى ولا زملكاوى

لا هما بيدخلوا دوريات ويلعبوا كورة ويعملوا مباريات عشان الفلوس

عشان اى واحد زيكم يروح يشاهد المباريات دى ويدفع حق المشاهده فى المدرجات وبالتالى كل دى اموال لخزينة النادى

لكن هل النادى ببلاش

هل انت ليك الحق انك تتفرج ببلاش

طبعا ممكن تقولى اه ليا الحق بتفرج على التليفزيون ببلاش

طبعا تبقى غلطان جدا جدا جدا

لان مجرد فرجتك على التليفزيون على مباريات الاندية دى فى حد ذاتها

ربح كبير جدا للنادى

لان النادى بيبيع حقوق مبارياته للقنوات الفضائية

حقوق البث للمباريات

فالبتالى انت برده مكسب ليه

فلو قعدت فى البيت وشجعت واتفرجت على التليفويون بتكسبهم

ولو روحت الاستاد هتكسبهم وتدفع حق التذكرة

تانى شئ وهو الانتماء

هل اللاعيبة اللى انت بتحرق دمك عليهم او انك بتعشقهم

هل هؤلاء بينتموا لنادى الزمالك او عندهم انتماء

او هل هؤلاء بينتموا لنادى الاهلى او عندهم انتماء

طبعا لاء والف لاء

لان اى لاعب منهم لو جه ليه عرض احتراف بمرتب مغرى

هيسافر ويسيب النادى ويبقى ضد النادى

زى احمد حسام ميدو زى اى لاعب

زى عصام الحضرى كان اهلاوى وهو دلوقتى اسمعلاوى

لان دى تجارة بيزينس فلوس وربح وشركات

وطبعا كتير مبيفكروش فى كده

الكل بيشجع ويقول انا زملكاوى وانا اهلاوى

واساسا اللاعبين اللى انت بتشجعهم

مش اهلاوية ولا زملكاوية

دول موظفين بياخدوا فلوس وربح ومرتبات جامدة وخيالية
الموضوع ده بقلم مدير منتدى حبيتك elmontoo

ولو جالهم عروض احتراف فى اى نادى تانى

هيسيب الاهلى او الزمالك وهيقول طظ

يهمه فى المقام الاول اللى يدفع اكتر

يبقى انا ازاى اشجع ناس اساسا مش عندها انتماء

يبقى انا ازاى يكون عندى انتماء واعشق حاجه زى دى

اعشق شركات ارباح ؟؟؟؟؟؟؟

لكن نيجى لاخر نقطة وهى منتخب مصر

اولا منتخب مصر

انا بشجعه

لانه مش غرضه ربح

لانه منتخب وطنى او منتخب للوطن فليس لغرض الربح

وليس شركة ارباح هذا مجرد منتخب يمثل جمهورية مصر العربية
جميع الحقوق لصالح منتدى حبيتك
تانى شئ اللاعبين اللى فيه هل من المعقول لو جه ليهم عروض احتراف ممكن يسافروا طبعا

هيحترفوا فين او ازاى هل ممكن لاعب فى منتخب مصر يحترف فى منتخب ايطاليا

طبعا ده استحاله

اذن انا بشجع منتخب مصر فقط لانه مش غرضه الربح ولانه فيه انتماء للفريق

لان المفروض التشجيع والانتماء والحب والعشق يكون لشئ ليس غرضه اموال ويكون القائمين عليه منتميين ليه

وده طبعا عكس اى نادى فى مصر كلهم يجرون وراء الفلوس والشهرة والربح

وزى ماقولت اى لاعب فى اى نادى لو اتى له عرض احتراف

حتى ولو فى نادى منافس سيذهب طالما هناك اموال ونقود

وبعدين منتخب مصر يضم كافة اشكال اللاعبيين من كافة الاندية واحسنهم وافضلهم

ياعنى انا بشجع افضل لاعبين فى مصر وده احسن من انى اشجع نادى فيه لاعب او اتنين حلوين والباقى وحشين

ونقطة اخيرة الصراعات بين الاندية للاسف بتؤدى الى وجود صراع عنصرى

ان الانسان يتحول لشخص عنصرى

يقول على نفسه اهلاوى والتانى يقول انه زملكاوى

وفى الاخر كلنا مصريين

مش فارقة اهلاوى ولا زملكاوى

ياعنى زملكاوى ده بيتكلم لغة تانية ودين تانى

والاهلاوى عكسه

طبعا لاء

عموما دى وجهة نظرى الشخصية بخصوص الموضوع ده وحبيت اعرضها عليكم

بقلمى

elmontoo

موضوع رائع يااحمد وجهة نظرى انا اننا شعب طيب ومتعصب جداا

وكلواحد بيشجع الفريق اللى بيحبة واكدب لوقاوللك انى مش

متعصبىة بالعكس انا متعصبة جدا لانى اهلوية لمنى مش قى مصرر

وعايشة فى دولة تانية بس لما بيلعب منتخب مصر اكيدبنشجعةمن

قلبنا ودة ميمنعش اننا نشجع الفريق اللى احنا بنحبة

ورايك فوق الراس ويحترم جدااا زى ماانت هتحترم رايى اكيد

تحياتى

بشكرك يامايا على وجهة نظرك الجميلة

ومرورك الرائع

وطبعا وجهة نظرك انا محترمها جدا

واحنا شعب طيب ومتعصبين بعض الشئ

اشكرك مرة تانية لمرورك

سلمت استاذي وبارك لنا في رأيك وافكارك المميزة

طبعا انا زملكاوية

وطبعا انا بحب الزمالك جدا

بس الحمد لله مفيش تعصب ولا حاجة

واكيد بشجع المنتخب

بكل حب وبدون تعصب

لكن بجد انا اتولدت في بيت كله زملكاوي

كنت بسمع وبتابع

لحد ما اتعودت وحبيت النادي

فعادي الموضوع مش محتاج

تعصب ولا حاجة

وطبعا انا بحترم الاهلي جدا

لان اللاعبية معظمهم بشجعهم في المنتخب

فكرة الموضوع هايلة بجد

ربنا يوفقك

مع احترامى ليكى ياسارة ولكل الزملكاوية انا ببقى متعصبة جدا

والزماللك دقلوتى بصراحة مش حلو خالص كان زمان احلى

المفروض يشد حيلة شوية وادعلينا بقى نكسب بكرة

وادعيبلى ونبى انى انجح

ملائكة النور كتب:: سلمت استاذي وبارك لنا في رأيك وافكارك المميزة

طبعا انا زملكاوية

وطبعا انا بحب الزمالك جدا

بس الحمد لله مفيش تعصب ولا حاجة

واكيد بشجع المنتخب

بكل حب وبدون تعصب

لكن بجد انا اتولدت في بيت كله زملكاوي

كنت بسمع وبتابع

لحد ما اتعودت وحبيت النادي

فعادي الموضوع مش محتاج

تعصب ولا حاجة

وطبعا انا بحترم الاهلي جدا

لان اللاعبية معظمهم بشجعهم في المنتخب

فكرة الموضوع هايلة بجد

ربنا يوفقك

شكرا لمرورك ولردك الجميل منورانى ياساره وشكرا جدا لوجهة نظرك الجميلة دى

السلام عليكم يا ابو حميد

مبدئيا الاختلاف في الراي لايفسد للود قضيه

انت بتقول انك من عشاق الكره يعني اكيد بتابع الكره العالميه يعني دوريات اوروبا ولكن احب اعرفك معلومه

ان الكره الاوروبيه استثمار حقيقي وشركات ارباح حقا فهل من المنطق ان يترك عشاق مانشستر الانجليزي

تشجيع الفريق لان المستثمرون الامريكان اصبحوا يملكوا 51% من حقوق النادي .....او يترك عشاق تشلسي

بسبب ان المستثمر الروسي اللي خلي الفريق علي الخريطه الاوربيه...وريال مدريد وغيرها وكل الانديه

العالميه اصبحت يتم ادراتهاا بطريقه راسماليه....وعلي فكره الانديه المصريه مش قادره تطبق ده صح .

ثانيا بالنسبة لنقطة الانتماء والولاء فالمعروف ان الانتماء بيبقي للنادي (يعني للكيان نفسه )يعني مش عشان انا

ابو تريكه مثلا لو راح الزمالك ابقي زملكاوي ...انما الفلوس والشهره فده حلم اي حد فينا يعني انا لو مكان اي

لاعب هيبقي نفسي يكون معايا فلوس كتير......

وانا شايف كمان انه مش عيب اننا نتعصب لنادينا طالما مش بنضر حد ....وصدقنا لما تسارف ان شاء الله

حاجات كتير ممكن تتغير جواك

.....والله انت متعرفش حجم الزعل اللي المصريين فيه هنا بسبب المونديال

بالتوفيق دايما يا ابو حميد

مبقاش عندي ثقه في حد كتب:: السلام عليكم يا ابو حميد

مبدئيا الاختلاف في الراي لايفسد للود قضيه

انت بتقول انك من عشاق الكره يعني اكيد بتابع الكره العالميه يعني دوريات اوروبا ولكن احب اعرفك معلومه

ان الكره الاوروبيه استثمار حقيقي وشركات ارباح حقا فهل من المنطق ان يترك عشاق مانشستر الانجليزي

تشجيع الفريق لان المستثمرون الامريكان اصبحوا يملكوا 51% من حقوق النادي .....او يترك عشاق تشلسي

بسبب ان المستثمر الروسي اللي خلي الفريق علي الخريطه الاوربيه...وريال مدريد وغيرها وكل الانديه

العالميه اصبحت يتم ادراتهاا بطريقه راسماليه....وعلي فكره الانديه المصريه مش قادره تطبق ده صح .

ثانيا بالنسبة لنقطة الانتماء والولاء فالمعروف ان الانتماء بيبقي للنادي (يعني للكيان نفسه )يعني مش عشان انا

ابو تريكه مثلا لو راح الزمالك ابقي زملكاوي ...انما الفلوس والشهره فده حلم اي حد فينا يعني انا لو مكان اي

لاعب هيبقي نفسي يكون معايا فلوس كتير......

وانا شايف كمان انه مش عيب اننا نتعصب لنادينا طالما مش بنضر حد ....وصدقنا لما تسارف ان شاء الله

حاجات كتير ممكن تتغير جواك

.....والله انت متعرفش حجم الزعل اللي المصريين فيه هنا بسبب المونديال

اولا اشكرك على رايك وردك

والاختلاف فى الرأى لايفسد للود قضية

ولكنك تتطرق لأمر بعيد تماما عن ماتحدث عنه

لو نظرت جيدا لعنوان الموضوع

سترى اننى اقول

لماذا تطلق على نفسك اهلاوى والاخر يطلق على نفسه زملكاوى

وبتطبيق الكلام ده على الدورى الانجليزى

فاكيد فى مشجعين للنادى بيطلقوا على نفسهم تشلساوى او مانشتراوى ومتعصبين كرويا

اذن المسالة ليست المسألة التى تذكرها

انا كل اللى بتحدث فيه

ان المفروض نشجع اللعبه فقط

نشجع كرة القدم او نحب اللعبه وبس

لكن احنا مالنا بالاندية وبارباحهم وبخسائرهم او اننا نشجعهم ونتعصب عشانهم واقول على نفسى عاشق لنادى معين او بيجرى فى دمى

او الكلام ده

اللى مالوش معنى ولا اهمية

احنا لو اتعصبنا عشان نادى يبقى المفروض اننا كمان نتعصب عشان اى شركة تانية حتى لو مش مجال كرة قدم

ياعنى مثلا شركة كمبيوتر نفترض اسمها لايف وشركة تانية نفترض اسمها ميديا

نتخانق عشانهم بقه

انا اقول انا لايفى والتانى يقول انا ميديى

هل هذا كلام عاقل

االمفروض الكمبيوتر ومجالاته بنحبها وبنمارس كل شئ متعلق بالكمبيوتر لكن لانتعصب ونطلق على انفسنا زملكاوى واهلاوى

وحب الاهلى بيجرى فى دمى وحب الزمالك بيجرى فى دمى والكلام ده

وبعشق الزمالك والتانى يقول انا بعشق الاهلى

هل الاهلى ده شخص او وطن عشان اعشقه او عشان اموت فيه

هو مش وطن ولا هو شخص

ايه هو نادى الاهلى او نادى الزمالك

هو عباره عن شركة تستثمر لعبة كورة القدم فى تحقيق ارباحها

هل من المعقول ان الانسان يعشق شركة او يقول على نفسه اهلاوى

انا لا اقول اننا لانتابع الكورة او نشاهدها

بالعكس انا كما قولت انا من عشاق الكورة

وبتابعها لكن مش بتابعها عشان نادى بعينه

لا انا بتابع الكورة حبا للعبه نفسها لعبة كرة القدم

انا بحب كورة القدم وبتابعها

لكن مش فى دماغى مين يكسب ومين يخسر او انى ازعل او انى اتعصب

او انى اقول انا اهلاوى او انا زملكاوى

واساسا انا قولت فى تعليقى ان الاهلى او الزمالك

افراده غير منتمين ليه

ياعنى لو اتى عقد احتراف لاحد بينتقل للتانى وعادى جدا

انت طبعا شوفت مبارة الاهلى والزمالك

حسام حسن كان اهلاوى من سنين طويلة

والان زملكاوى ومدير فنى

كان فى فترة من سنين طويلة بيموت فى الاهلى

دلوقتى هو زملكاوى وبيكره الاهلى

لكن بخصوص كلامك اللى ذكرته فوق

ونسبة ارباح الشركات وان مانشستر فى يد شركة امريكية

انا ليس لى علاقة بان مانشستر فى يد شركة امريكية ولا انجليزية

انا بتكلم على وجهة نظرى عامة

حتى لو كان مانشستر فى يد شركة انجليزية

كل ده ليس لى علاقة بيه

انا وجهة نظرى ثابتة حتى لو مانشستر فى يد شركة انجليزية

وجهة نظرى ثابتة

شكرا لمرورك ولوجهة نظرك

منورنى

كلمة مختصرة
مليش فى الكورة

بس انا بشجع منتخب مصر

يعنى لما يكون منتخب مصر بيلعب اقعد و اتفرج غير كدة
لالالالالالالالالا

موضوع جميل يا احمد

شكرا لمرورك ولردك

وكتير من البنات مالهمش فى الكورة

وانا زيك بشجع منتخب مصر فقط

موضوع جميل
طبعا كل المصريين بيشجعوا منتخب مصر بس ده ميمنعش ان يكون الشخص بيشجع نادى تانى و بينتمى ليه
بس طبعا من غير تعصب و الكلام فاضى ده
بس الانتماء الاول و الاخير بيكون لمنتخب مصى
مشكور كتير و رايك جميل وواضح طبعا
موضوع رائع

شكرا لردك ولمرورك

منورانى وشكرا لوجهة نظرك

مــــوضــوع فـــي قــمــة الـــروعـــه ... تــحــيــاتـي لـــك يـــا مـــبـــدع

مشاركة متميزة

انتوا عارفين سر حبنا وتعصبنا للكوره والانديه هو اننا شعب بيكافح طول الوقت منهك طول الوقت مكبوت طول الوقت مش عندنا قدره ولا وقت نفرغ الشحنات المتخزنه جوانا المهم اننا لقينا فى الكوره وسيله لتفريغ الشحنه المتخزنه جوانا وهو ده سر تعلقنا وحبنا للكوره المشكله هنا مش فى الكوره لا دى فينا احنا لاننا حولنا الكوره لهوس وجنون بس والله لينا عذر ان عملنا كده واحب اقولكم انى بشجع الاهلى دائما بدون تعصب واهلى اهلى اواو هههههههههه

انا بقول اانا زملكاوى علشان ....
1_فريقى
2_فريق محترم
3_احسن فريق فى افريقيا
4_دى خارج الموضوع بس لو اى حد اهلاوى او زمالكاوى يريد يشجع باحترام وبدون تعصب التعصب لام الدنيا فقط والف مبروك على الجزائر امبارح

شكرا لمرورك ولردك

جد الموضوع مهم وحوار جميل وبالذات لما بيكون الكلام فى رياضه زى دى

محور اهتمام الجميع ومحور اهتمام العالم كله

وعندنا فى مصر موضوع الكره المصريه الكل متعصب فيها وكتير موش بيقبلوا جدال

ولا كلام عن الفريق الل بيشجعه

بس بجد طريقتك فى كتابه عنوان الموضوع زى كتابة الخبر فى الصحف القوميه

وانا عن نفسى اهلاويه

وبحب فريق الاهلى جدا جدا واوقات موش انكر انى بكون عصبيه لحد ما

ومن الطبيعى ان فريقى لما بيجى يلعب مع فريق زى الزمالك اتمنى ان

فريقى يكسب ويفوز وان الزمالك حتى موش تجيب هدف واحد

لانى اتولدت فى وسط اسره بأكملها بتشجع الاهلى والبيت كله يوفق يوم مايكون فيه

مباراه للاهلى والقلوب توقف وقت الهدف ضده والفرحه والسعاده والتهليل لما بيجيبوا هدف

بس وقت لعب المنتخب بشجع المنتخب مش شرط من اى فريق اللاعب الل اتسبب بالفوز

للمنتخب وانا معاك انها وجهة نظر مختلفه وفيها تعصب جامد بس احنا اتنشأنا على كده

كبرنا وشوفنا فى بيوتنا وبيوت كل المصريين التعصب للفريق الل بتحبه

وثااانكس للحوار والفرصه الذهبيه الل انت ادتها لينا عشان نعبر عن حبنا لفريقنا ومنتخبنا