&&..السكن مع الزوج في بيت (اهله) للنقاش !!..&&

السكن مع الزوج في بيت (اهله) للنقاش !!

السكن مع الزوج في بيت العائلة(بيت اهله) هل يؤثر على الاستقرار

منذ سنوات مضت كان من الطبيعي أن تسكن الزوجه مع والدة زوجها في منزل

واحد بل كانت تسعد الزوجة بهذا ويسود بينهما كل الود والحب والتعاون

أما الآن فعادة ما تحلم العروس ببيت الزوجية المستقل

الذي يضمها وحدها مع شريك حياتها لتكون هي صاحبة الأمر

وآلاتي يرفض العيش في بيت العائله ينسقن وراء حلم الاستقلالية

متذرعات بالمثل كن بعيداً تصبح حبيباً

:: لكي ايتها الزوجه ::

عزيزاتي هل تقبلن السكن في بيت عائلة زوجك؟؟

ام تفضلن الاستقلالية في بيت خاص لكِ؟؟

وان كان زوجك وحيد والديه واكبر عائلتة؟؟ماذا ستفعلين؟؟

لك أيها الزوج

هل تفضل ان تسكن في بيت خاص لك وحدك

وتستقل بحياتك بعيد عن امك وابوك واخوانك ام تفضل العيش في بيت العائلة

واذا كنت وحيد والديك وزوجتك تريد الاستقلال بمنزلها الخاص ماذا ستفعل ؟
؟

.بانتظار أرائكم حول السكن مع أهل الزوج ونواحيه السلبية والإجابيه

اختي الفاضله/هذا الموضوع هذا مهم جدا اليومين دول وعلي فكره كمان بتتحكم فيه الامور الماديه بشكل كبير

يعني ممكن تبقي الزوج والزوجه بيحلموا انهم يعيشوا حياه مستقله لكنه ماديا ميقدرش علي كده

اما بالنسبه ليا انا افضل العيش في بيت خاص لي ولكن يكون بجوار بيت العائله

دائما مميز

شكرا ليك ولمرورك يا طارق

وفعلا عندك حق

بس انا اختلف معاك اني افضل اعيش مع الاهل

وطبعا لاني تعبت من العيشة لوحدي

وبحب اوي جو العايلة

موضوع رائع يا سارة وانا طبعا افضل السكن لوحدى واكيد دة

من حقى الشخصى ومش هنقول انو مش هينجح لو اتجوزت فى بيت اهلة

بالعكس ممكن ينجح بس نادر وفى كل الاحوال افضل فى بيت مستقل

على الاقل علشان الراحة النفسية نسبمى حبيبتىِ على الموضوع

موضوع اكتر من رائع يا سارة تسلمى
بس الصراحة انا عن نفسى افضل انى اعيش فى بيت مستقل علشان برده نتجنب الخلافات اللى هتحصل مع مرور الزمن و اللى بتقتل الحب و السعادة فى البيت و مهما قلنا ان مش هتحصل مشاكل نبقى غلطانين مسير المشاكل هتحصل و غصب عننا ممكن مش هتؤدى الى فشل الزواج بس على الاقل شوية شوية هتقتل الحب مش معنى كده اننا نقصر مع الاهل هنبقى نشوفهم على طول و اهلى زى اهله بالظبط و العكس
مشكورة كتير

مش عارفة أنا خايفة جدا من الموضوع دة لأن خطيبى مصر نعيش فى الدور التانى فى بيت أهلة أحسن ما نتجوز فى شقة إيجار لغاية ما نقدر نتفع تمن شقق المحافظة و مش عارفة أنا أكيد بحب حماتى وحمايا و كمان اخواتة بس خايفة يتغيرو معايا بعد الجواز ربنا يستر ... ادعولى

ان شاء الله خير متقلقيش

شكرا لرأيكم ومروركم الجميل

منورين لتوبيك

شكرا ليكى يا ساره على الموضوع بجد فى غايه الاهميه

بس طبعا انا افضل انا اعيش فى بيت لوحدى بعيد عن بيت العائله اكون فيه مستقله
واكيد كل بنت بتحلم انه يكون لها بيت لوحدها مستقل بيها مع شريك حياتها
وتتجنب المشاكل الا ممكن تحصل .لان احيانا بتحصل مشاكل كتير بنهم
شكرا ليكى يا ساره على الموضوع مره تانيه
تسلم ايدك يا قمر
ربنا يوفقك

ربنا يوفقك حببتي ويرزقك باللي بتحلمي بيه

ميرسي ليكي حببتي