لو حكمت العالم في يوم واحد....ماذا ستفعل؟؟

كَثِيرَةٌ هِيَ أَحْلاَمُنَا ..

وإِنْ كَانَ بَعْضُهَا صَعْبُ المَنَالِ أَوْ حَتَّىْ مُسْتَحِيلاً

لَكِنَّهَا أَحْلاَمْـ ..

لاَتَعْرِفُ لـِ الوَاقِعِ حُدُودًا

تَخَيَّلْ مَعِيْ

:
(( لَوْ أُتِيحَتْ لَكَ الفُرْصَةَ وحَكَمْتَ العَالَمَـ فِيْ يَوْمـٍ وَاحِدٍ .. مَاذَا سـَ تَفْعَلْ ..؟! ))

بـِ اِنْتِظَارِ رُدُودِكُمْـ وخَيَالاَتِكُمْـ وأَحْلاَمِكُمْـ

دُمْتُمْـ فِيْ أَمَانِ الله

__________________

وطبعا انا علي نفسي لو كنت رئيسا للجمهورية

افضل اني اطبق الشريعة الاسلامية

لو حكمت العالم ليوم واحد :
أولا : سأعيد توزيع الثروات الطبيعية مثل البترول و الغاز الطبيعى و الماس و الذهب و أكيد المياة العذبة
ثانيا : سأهتم بالصحة و سأمنع احتكار مصانع الأدوية للعلاج و سأجعل الأدوية متاحة للجميع
ثالثا : السلام السلام السلام لكل شعوب العالم بكل ثقافاتهم و ألوانهم و دياناتهم
رابعا : سأجعل الحج و العمرة بالمجان لكل الناس
خامس : هعمل فى كل دولة وزارة للإتيكيت تعلم كل الشعوب ازاى نحترم بعض و نعطف على الصغير و نحترم الكبير زى زمان

شكرا ليكى يا ساره على الموضوع
وبجد موضوع فى قمه الروعه

انا لو حكمت العالم لمده يوم واحد
اول حاجه بعملها نشر الاسلام فى كل دول العالم
ان احكم بالعدل واعطاء كل زى حق حقه
هشيل الوزاره كلها واعين وزاره جديده
اقوم بتحرير الاراضى الاسلاميه المحتله
دى بعض الحاجات الا ممكن اعملها لو مسكت العالم ليوم واحد

شكرا ليكى يا قمر على الموضوع مره تانيه
ربنا يوفقك

ميرسي حبايبي

والله كلامكم جميل

منورين التوبيك

اممممممممممممم انا شايف ان يوم واحد مش كفايه بس هحاول

اولا /القرارات الدينيه /..هقوم بنشر تعاليم الدين وان يكون المرجع الاول والوحيد للحكم هو كتاب الله وسنة نبيه

ثانيا القرارات الاقتصاديه/..المرور من قناة السويس يكون بالجنيه المصري فقط ولا يكون بالدولار او اليورو

ثالثا القرارات الاعلاميه....نشر اعلام هادف يفيد المجتمع ومفيش برامج بتاع بقي (الروجاجو والميكاب والحاجات

دي) اصل بصراحه احنا فاضيين لكلام ده

رابعا القرارت السياسيه ....جعل مدة الرئاسه دورتين فقط مش طول العمر

وفي قرار سياسي كما مفيش حاجه اسمها بنات تبقي موظفه والكلام ده وبعدين مش لما نشغل الشباب الاول

يبقي يطلعوا يقولوا المراه نصف المجتمع والمساواه و الكلام الفاضي ده

(بعد كده بقي وفي اخر اليوم ......هجمع الشعب كله والوزارء في مكان واحد وكل واحد بقي ياخد حقه براحته)

ياخساره اليوم خلص

هو حلو اوي يا طارق

بس لية بس موقفك من المرأة

انا موافقة بس علي موضوع الشباب الاول

اما ربنا مش ضد عمل المرأة

بس زي ما قولت قبل كدة

العمل الهادف

اللي ميحملش في مضمونه اي فتنه للرجال

شكلك هتكون رئيس صعب

حلو اوي ان اليوم خلص

قبل ما تنزل قرار باعدام البنات

ميرسي علي المشاركة

وان شاء الله يجي اليوم اللي الاسلام وحكمه ينتصر

ويسود فيه قرارته ودستوره كدولة اسلامية

ونطبق فيه حدود الله

الحكاية مش حكايه موقف ضد المراه

بس انا رايي الشخصي ان طالما هي ماديا مش محتاجه للشغل يبقي البيت افضل

الاختلاف في الراي لا يفسد للود قضيه

جزاك الله خيرا

مفيش اختلاف ولا حاجة

انا موافقة معاك علي رأيك

شكرا للمتابعة والاهتمام