بعد ارتفاع اسعار السجاير(الحشيش هو الحل)

الكيمى كيمى كا..والكيمى كيمى كيه

نفض للدنيا يابيه وشوف لنا معاك سيجاره

وهات كوباية شاى واطفلنا النور

وابعدنا عن (المصرى اليوم والدستور)

_لولا انقطاع الحشيش ماكنا انتبهنا

لكل مايجرى حولنا ولا كنا سألنا عن

التجديد النصفى لمجلس الشورى

ولا انتبهنا الى القرار الجمهورى بتعين

44عضواً بالمجلس ولا لآخر طريقه

لعمل المهلبيه .

_عزيزى القارىء لو مولع سيجارة بانجو

وطافى النور بدلها بسيجارة حشيش لآن

صدرى ملبش واخاف اموت حاليا والطب

الشرعى يثبت اننى كنت متعاطى وسبب

وفاتى هو اسفكسيا الخنق .

_ايه اخباركم واخبار العيال مع الثانويه العامه.نظرا

لتخفيف العبىء على اولياء الامور واولياء الله الصالحين

تم التنسيق بين وزارة التربيه والتعليم ووزارة الداخليه

بعمل مشانق بطول كوبرى قصر النيل لآستقبال الطلبه

الراغبين فى الانتحار قبل فتح مكتب التنسيق.

_وانا كنت نايم ساعة العصريه لما سمعت امى بتدعى

على الحكومه علشان النور قطع وهى بتغسل،وصحيت

على صوت زينهم جارنا السئيل وهو بيصوت على السلم

فتحت الباب لقيته قاعد يعيط وبيقولى ضربونى

ياض يااستاذ ........ علشان بسألهم معاكو تليفونات بكاميرا

قبل مايحطولى جسم صلب فى المسائل فافتكرونى

بتنطط عليهم وعينك ماتشوف الا النور فأخبرته ان الكمبيوتر

بتاعنا متراقب ومايصحش نزعج السُلطات وهى بتتصنط

_إن كنت تطمح لآن تكون وزيرا او رجل اعمال متصيط.

فأنا عندى ليك جزيره فى النيل بتطل على مجلس الوزراء

ومتحملش هم تزوير الاوراق وتلبيس العمم والضحك ع الذقون

بس اشترط ان تجيب جماعتك واجيب جماعتى ونتصور وتنزل

الصور فى المجلات علشان ابين الضب.

_من فضلكم دام عزكم متضحكوش ومتخافوش

فالموضوع محتاج كُتّاب ومشاركين واجرى واجركم على الله

والكلبش وقرش الحشيش هديه منى

حفظا لحقوق الملكيه الفكريه

فاني قد نسيت سهوا ان اكتب ان الموضوع منقوووووووووووول

لان عجبتني فكرة طرح كاتب المقال جداااااااااا واسلوبه الساخر البسيط

هو دا الوضع

بس باسلوب كل شخص وتعبيره بيختلف

بس صدقني انا مع الحكومة في ارتفاع اسعار

السجاير

يمكن دا يقلل نوعا ما من استعمالها

ويعرف الشخص اللي بيدمر حياته

انه كمان هيفضل طول عمره انسان بلا هدف

لما تسأله يقولك

امنع الاكل والشرب

واموت عيالي من الجوع بس مسبش السجاير

ماشي براحتك

انت فعلا هتعمل كدة بس مش بكيفك

وخلي السجاير تنفعك

دا في الدنيا

لكن عند ربي

الله اعلم من اللي هيحصلك

لو فاكر ان نفسك ملكك تتصرف فيها براحتك

تبقي جاهل وكمان سوري مجنون

النفس ملكه وحده

مجرد تفكيرك في اذاء نفسك

لوحده ذنب كبير

مش بتموت نفسك

دا انتحار

مش معني كلامي اني موافقة علي تفكير الحكومة

بس من امتي حد قدر يعمل حاجة

هو الوضع كدة

لحد ربنا ما يرضي عنا

وموضوع المصايب التانية

البانجو والحشيش

دي ناس مريضة متستهلش ان الناس تفكر فيهم وفي مشاكلهم

يعني خلاص المشاكل اللي عندنا خلصت هنفكر في دول

دا لوحده مش عايز يساعد نفسه

انسان مريض

وربنا يهدي

ولو علي موضوع الثانوية العامة

انا نفسي ضحيه الثانوية

بس الحمد لله

قدر الله وماشاء فعل

في الثانوي العام بنلاحظ كلام كتير من سوء تصحيح

وصعوبة الاسئلة

وكمان ارتفاع تنسيق

يعني الموضوع ظلم للجميع

وتسئل الحكومة تقولك دا سياسة دولة

حاسب ملكش تتكلم في الموضوع دا

طب شوف معانا الازهر كدة

منارة العلم

لما يكون اللي جايب نفس مجموعك في كلية وانت في كلية

هو يدخل طب من 95% وانت الطب من 99%

لية هو ولد وانتي بنت

احمدي ربنا انك تلاقي كلية من الاساس

الظلم كتير

والضعف اكتر

مفيش حل غير الرجوع للخالق

يمكن دا كله من بعدنا عنه

ولا ممكن نصرخ ونقول الحل يارب

ربنا العالم بقي

هترسي علي ايه

وكمان ايه اللي هيحصل بعد كدة

ربنا يرضي عنا

سوري اني طولت

ميرسي علي الموضوع الجميل

جزاك الله خيرا

تحليل اكثر من رائع

وان كنت اختلف معك في بعض النقاط

زي

دي ناس مريضة متستهلش ان الناس تفكر فيهم وفي مشاكلهم

دول جزء من المجتمع لازم نساعده كلنا بجد واالله دول بيبقوا محتاجين بجد اننا نساعدهم

الجزء الفاسد لابد من بترة

ودول جزء فاسد

لو فيه منهم ممكن نعلجه

لكن صدقني الباقي وحصل لمرحلة التبلد

نسي ربه وعقيدته ودنيته علشان متعه لحظة

وتقولي نساعد

خلاص يعني مفيش مشاكل في مصر

غير الناس دول

البانجو والحشيش

وفي النهاية طبعا

الحكم لله

وربنا يهدي

نوكومينت بعد اللي قالته ساره ميرسي اوي ليك لموضوعك الجاااااامد ده

شكرا ليكم علي المرور

وابداء ارائكم

مشاركة متميزة

حاجه كويسه ان السجاير تغلى عشان الناس تبطلها
مع ان فى ناس مش بتفرق معاها
انا ف يوم سمعت حاجه كان اسمها انا مدخن بمزاجى
بيقول ان الضريبه الى على السجاير هى الى بتصرف علينا
وبيطالب باحترام المدخنين زى ما بنحترم المدمنين
ربنا يهديهم ويكرهم فيها

يارب امين

شكرا للمشاركه والرد الرائع