اسئلة عامة عن الحب ...............

ما هو تعريف الحب ؟
* هى أن تذوب فى الآخر تخاف علية . تحب اللى يحبة و تكرة اللى يكرهة . تحترمة . تيجى على نفسك عشانه

- هل تؤمن بالحب ؟
* طبعا - أنا أتنفس عشقا

- هل تؤمن بالحب من أول نظرة؟
* أيوة . بحس ان الأرواح اتقبلت قبل كدة

- هل يختلف معنى الحب عبر العصور؟
* لا أعتقد فالحب هو الحب فى كل العصور و الجنسيات و الديانات و المعتقدات

- ما هو تأثير العمر على معنى الحب في المراحل التالية

( مراهقة , شباب , بعد الأربعين )

* حب المراهقة بيبقى خيالى شوية و مجنون بش بنحس بالفرق الإجتماعى و لا فرق التعليم ولا فرق السن بنحس بالحب وبس

* الحب فى فترة الشباب بيكون أعقل شوية بنعرف نميز كل الفروق عشان كده بنتعب أوى و بيكون حب جارف
* الحب بعد الأربعين فى أعتقادى العقل هيغلب على القلب هو اللى هيوجهه و هيكون حب ناضج جدا جدا


- فرق العمر بين الطرفين هل يؤثر على علاقة الحب؟
* أه ممكن بالإيجاب ان الرجل لو هو الكبير هيحتوينى و يدللنى و مش هيهون علية زعلى
* وممكن بالسلب لأنة فى فرق فى الأجيال فممكن يحس انى طفلة فيحاول يربينى من أول و جديد

- أيهما أنجح ,الزواج عن طريق الأهل أو عن معرفة سابقة؟
* أكيد معرفة سابقة

- هل ممكن ان تحب أكثر من مرة؟
* اه ممكن لو الحب الأول كان فاشل اكيد هدور على حب جديد

-هل يمكن أن يكره الأنسان الشخص بعد أن أحبه؟
* ايوة لو حصلت منه خيانة

- هل للمادة دور رئيسي في استمرار الحب؟
* لا لأن اللى بيحب بيستحمل

- نجاح الحب مستحيل أم ممكن , و كم نسبة نجاحه؟
* ممكن اه و ممكن لا بنسبة 50 %

- هل يمكن أن يستمر الحب في حال تغير الطرف الآخر من نواحي :

أ- عاطفية ب- غير عاطفية
* يستمر الحب فى خال تغير امور غير عاطفية

- أيمكن للحب ان يغير مجرى حياتك؟
* أكيد أه

- البعد أيخفف المشاعر أم يلهب الأشواق؟
* يخفف المشاعر

- هل يتغير الحب بعد الزواج؟
* أعتقد انة بيتحول لمودة و رحمة و عشرة بالمعروف

- بوجود الحب أيشترط وجود السعادة؟
* لا مش شرط

- هل الغيرة ضرورية في الحب و ما دورها ؟ سلبي أم ايجابي؟
* اكيد الغيرة ضرورية و ايجابية بتدى حيوية للحب

- أيهما أخلص الشاب أم البنت؟
* الإتنين مخلصين

- هل الحب عبر الأنترنت و غرف الدردشة ممكن؟
* اه ممكن لو الإتنين صادقين و بيتقو الله _ و أكيد الشات هيبقى صوت و صورة لغاية ما يقابلو بعض فى الحلال

الحب انك تلاقى حبيبك خايف عليكى خايف عليكى ع سمعتك ع كل حاجه بس الحب الصح الحلال
اه اؤمن بالحب لكن مش من اول نظرة
اه طبعا السن بياثر الراجل لازم يكون اكبر ياما هيعيلوا سوا
زواج الاهل لان اغلب اولاد مابتتزوجش بواحده كلمها هيقول مش هثق فيها
لو الحب الاول فاشل صعب احب تانى ع الاقل عما انسى كل حاجه عنه
الحب فى المراهقه شغل عيال الشباب هيام اجمل حاجه بتحصل وفى الاربعين احتلرام ووفاء
الحب عبر العصور هو الحب
اه ممكن اكره الى احبه لما تحبيه اوى ومايقدرش وفى النايه يخون
البعد يخفف المشاعر
لا يتغير الحبب بل يزيد
السعاده مصدرها الحب والاحترام
نجاح الحب الى مش صح مش بينجح مابنى ع باطل فهو باطل وما عند الله لا ينال الا بطاعته
الغيره ضروريه
لعن رسول الله الرجل الديوث
لا حب عن طريق الشات

ما هو تعريف الحب ؟

من وجهة نظري الحب بهدله

- هل تؤمن بالحب ؟

اكيد طبعا كلنا لازم نؤمن بالحب

- هل تؤمن بالحب من أول نظرة؟

لا طبعا مش معقوله يعني حد يحب حد عشان نظره ممكن يكون اعجاب

- هل يختلف معنى الحب عبر العصور؟

رايي لا الحب مفهوم ثابت مش ممكن يتغير باختلاف العصور بس ممكن تتغير الدوافع حسب اختلاف الاشخاص

- ما هو تأثير العمر على معنى الحب في المراحل التالية

..المراهقه ..بيكون من وحي الخيال وبيكون متكون من احلام كتيره جواك يعني بيكون ابعد عن الواقع

الشباب..بيبدا في النضوج وتحديد الاهداف والعقل يبدا يتدخل في بعض اموره

بعد الاربعين ..هنا بقي بيكون حب العشره والتعود والاحساس ان كل فرد مكمل للاخر وده نادرا مابيكون موجود

يعني بتبقي اهي يالا عيشه والسلام

- فرق العمر بين الطرفين هل يؤثر على علاقة الحب؟


ده بيتخلف حسب ثقافتهم وافكارهم واهتمامتهم يعني لو فيه بينهم توافق في ميولهم اعتقد ان فرق العمر بيبقي مش

مهم

- أيهما أنجح ,الزواج عن طريق الأهل أو عن معرفة سابقة؟


ممكن ده ينجح وممكن ده كمان ينجح يعني مساله نسبيه

- هل ممكن ان تحب أكثر من مرة؟

رايي انك ممكن تحب مره واحده في حياتك بس تشوف ناس كتير تعجبك اشكالهم وارئهم وافكارهم وحياتهم

-هل يمكن أن يكره الأنسان الشخص بعد أن أحبه؟


ممكن جداااا
- هل للمادة دور رئيسي في استمرار الحب؟


حاليا لها دور كبير جدا في استمرار الحب

- نجاح الحب مستحيل أم ممكن , و كم نسبة نجاحه؟

اذا توافرات العوامل المساعده واهمها الماده وموافقة الاهل اعتقد ان هينتهي نهايه سعيده ونسبة نجاحه هتبقي كبيره

- هل يمكن أن يستمر الحب في حال تغير الطرف الآخر من نواحي :

ما اعتقدش انه يستمر في الحالتين يعني بيفضل يقل لحد ممكن ينتهي وتبدا كمان حاله من الندم

- أيمكن للحب ان يغير مجرى حياتك؟


ممكن يغير حياتك للاحسن وكمان ممكن يغيرها للاسوأ يعني كل الاحتمالات موجوده


- البعد أيخفف المشاعر أم يلهب الأشواق؟


مش عارف بس ممكن بيخلي الواحد بيحس بحنين اكتر للناس اللي بعيده عنه وبيحبهم

- هل يتغير الحب بعد الزواج؟

ده سؤال للمتزوجون يعني مش ليا


- بوجود الحب أيشترط وجود السعادة؟


لا طبعا الحب ممكن يكون سبب للحزن يعني مش شرط وجود السعاده


- هل الغيرة ضرورية في الحب و ما دورها ؟ سلبي أم ايجابي؟

الغيره ضروريه دورها ايجابي اذا لم تصل الي مرحلة الشك


- أيهما أخلص الشاب أم البنت؟


البنت ...........طبعا
- هل الحب عبر الأنترنت و غرف الدردشة ممكن؟

مش عارف بس انا مش بفضله

(بمعنى أن تحب شخص لمجرد معرفتك لأفكاره بدون معرفة شكله أو صوته )


مينفعش احب حد عشان افكاره وحتي لو اتكلم عن نفسه بصراحه فهو بتكلم عن نفسه زي ما هو شايفها مش زي

ماحد تاني شايفها