حاجه مضيقانى حبيت اعرف رايكم

كتير لما يكونك بتتفرج على برنامج او اى حاجه وطبعا فى النصف لازم يكون الاعلان
الاعلان لو عن مسحوق غسيل يجيبوا ناس بلبس غريب ليه اصل دول فلاحين وطريقه الكلام اغرب
لا والى يغيظ الغساله فى الارض يعنى انا نفسى اعرف هو دا لبس افلاحين
ماانا ساكنه ف مدينه بس اغلب الناس فلاحين لا اللبس كده ولا بنتكلم كده
او مثلا تيجى كل البنات لابسه قصير وبشعرها هى كل القاهرة كده
ليه بيعكسوا الواقع بحاجات منافيه للحقيقه
مش فاهمه هما بيضحكوا علينا ولا بيضحكوا ع نفسهم
حتى الافلام كلها او اغلبها الايام دى بتتكلم عن العشوائيات ومعلهش سورى فى الكلمه عن الجنس
كل الناس الى عايشه فى عشوائيات وحشين مش محترمين
ده زنبهم عشان غلابه
ليه بقينا كده
دى كانت حاجه مضيقانى
دى وجهة نظرى ومستنيه مشاركتكم

فعلا الإعلانات المصرية غريبة أوى عن الواقع . بتجيب صور خيالية و للأسف بتخلى نظرة الناس لبعضها مش كويسة محتوى و توقيت الإعلان المصرى يحرق الدم . علشان كدة أنا بهرب منهم للقنوات العربية

شكر يا مروه على ردك ومشاركتك
نورتينى

والله عندك حق فعلا الموضوع دا وحش جدا

وبيعكس صورة مصر بطريقة غبية

ممكن تكون محاولة منهم لعرض صورة مشكلة

بس مش معقول ان الكل كدة

انا عن نفسي شرقاوية يعني فلاحة جدا

بس بكل فخر

مش معني كدة انا بلبس اشرب بورد ولا العباية ستين لون

وبتكلم بالطريقة دي

وكمان انا من قرية ومفيش عندنا كدة

انا فعلا بعيش احيانا في مصر والزقازيق

وبرغم ان فكرة الناس عن الشرقيه انها كلها ارياف

بس انا شايفة غير كدة تماما

واللي بيقول غير كدة طبعا كلام من غير رؤية

لاني لما بعيش مثلا في القاهرة

هي طبعا مش اغلبية الوضع بس احيانا كتير بكون هناك وبتعامل مع جيران او ناس

مش بحس اني غريبة عنهم

ولا كمان بحس ان وضعهم مختلف عني

ولا انا ينقصني اي حاجة عنهم

عادي تماما يعني لو مقولتش اني من الريف محدش يصدق

الوضع والصورة اللي بيقدموها حببتي

دا من خيالهم بس

بس مش موجود في الطبيعية

انا عارفة كدة كويس

عندك حق يا بطاطا والله

التليفزيون المصري بقى في قمة التفاهة

وللاسف الافلام كمان

معظم الافلام دلوقت تلاقيها عليها للكبار فقط

بس هنعمل ايه بقى

حسبنا الله ونعمى الوكيل

شكرا على موضوعك يا جميل

انا كمان يا ساره فلاحه ومايعبنيش ده
شكرا لردك ومرورك
تشرفت بيكى

شكرا يا ميدو على ردك ومرورك
منور الموضوع

batata كتب:: انا كمان يا ساره فلاحه ومايعبنيش ده
شكرا لردك ومرورك
تشرفت بيكى

شكرا ليكي حببتي

وفي النهاية اكيد كل المصريين بيجمعهم نفس التفكير

لاننا كلنا مجتمع شرقي له عاداته وتقاليده

ليه عرف اعتاد عليه

زي الاسرة الواحدة

وكمان لو تلاحظي يا فاطمة

تحسي بنا في مصر روح اسمها روح القرية

يعني مهما كانت بتبعد مسافات من محافظة لمحافظة

احنا بردة مجتمع شرقي

وعمر الموضوع دا ما هيتغير

لاننا واحد حببتي

بشكرك مرة تانية علي موضوعك

موضوعك فعلا مهم وسؤالك فعلا يحتاج للنقاش

انا هقولك خلاصة الموضوع ده بس بعيدا عن التليفزيون المصرى والاعلانات لان كل ده مجرد probaganda

بيعملوها فقط لبيع المنتج والسلعه وان هى مناسبة لجميع الطبقات

بصى يافاطمة دايما المجتمع بينظر للى اقل منه على انه فلاح او غير متمدين والنظرة دى على الكل وشاملة الكل من القاهره لاسوان وهقولك ازاى

اللى عايشين فى القاهره بينظروا للى عايشين فى المنصورة واللى فى جامعة المنصورة على انهم فلاحين وارياف

مع ان المنصورة مدينه وجامعة المنصورة جامعة محترمه وكبيرة بس هى دى نظرتهم للجامعة ولمدينة المنصورة وللى عايشين فيها وانا طبعا خوضت حوارات مع اشكال زى دى كتير من بتوع القاهره اللى شايفين المنصورة كده

بتوع المنصورة او اللى عايشين فى المنصورة بينظروا للمراكز المجاورة للمنصورة مثل شربين / بلقاس / المنزلة / السنبلاوين

على انها بلاد ارياف وفلاحين وان المنصورة هى بلد التحضر والتمدين

المراكز زى بلقاس وشربين والمنزلة والسنبلاوين بينظروا للقرى التابعه لها والع***التابعه لها على انها بلاد التخلف والفلاحين والارياف

وانهم يعيشون فى المركز او فى المدينة وان هما ناس متمدينه ومتحضره

ولو نظرتى نظرة بعيده يافاطمة للعالم الخارجى او بره مصر

هتلاقى نظرة الاوربيين والامريكان لينا كمصريين او كمصر عموما

بلد متخلفة ونامية وفيها جمال وصحارى الخ الخ وطبعا ده مخالف للواقع

ولو مصرى من القاهره سافر الى اوربا

هيقولوا عليه انه عربى وبتاع جلابيب وجمال وكلام من ده

فالحكاية زى مابقولك ان كل مجتمع بينظر للى تحته نظره تانية غير الحقيقة

وفى النهاية كلنا بشر وكلنا انسان

لايفرق بيننا سوا الدين والتقرب الى الله

طبعا بجانب العلم والتكنولوجيا والتحضر

موضـــــــــــــــــــــوع بجد جميل

وسؤال فعلا ملوش اجابه

وانا شايف ان القصه مش قصه فلاحين او اولاد المدن

انا شايف ان القصه غير كده خالص يعني تتعلق بافكارنا نفسها نحو الاخر

وطريقه تعاملنا في الحياه واللي الاعلام له الدور الكبير والتاثير الاكبر فيها

(ماعلاقه المبيد الحشري بالموديلات في الاعلانات)

يعني الاعلام بيصور لينا صوره غير الحقيقه ودايما مش بيجيب الحقيقه كما هي

والافلام بتاعتنا اللي بتتاثر بموجة الحر زي ما احنا شايفين

فالموضوع لازم فيه تغيير لثقافتنا وافكارنا اللي بنقلد فيها الغرب في كل حاجه

دون النظر الي قيمنا الاسلاميه والشرقيه

اسف للاطاله

شكرا ليكى يا ساره على اهتمامك بالموضوع
بجد مرورك اسعدنى جدا

شكرا ليك يا احمد
زى ماقلت فعلا جايز لاننا بننظر للى اقل مننا ع انه فلاح
وكتير من الناس بتعتبر كلمه فلاح شتيمه بس دا غلط مالهم الفلاحين
بس انا اقصد انهم بيبعدوال تماما عن الحقيقه وكتير من الاوقات تلاقيهم بيشوهو الصورة
مرسى ليك ولمرورك
جزاك اللخ خيرا

شكرا ليك 00(مبقاش عندى ثقه ف حد
وفعلا الافلام والاعلانات متاثره بالحر عشان كده لازم نعذرهم فى اللبس
والله كل حاجه بيعملوها ماليها علاقه بالواقع
ابسط حاجه لما بنت فى اى مسلسل عايزة تتجوز واحد
يقولك ايه هى مش قاصر جاوزت السن القانونى تجوز نفسها
يا سلام
مايعرفوش تقريبا ان لا نكاح الا بولى
دا شرعنا
ربنا يهديم وجزاك الله خيرا
مرورك اسعدنى