انا عندى كلام كتيرر اوى عن الحــب نخش ونشوف مع بعــض

أنا عندى كلام كتير اوى عن الحب وعن تجارب وازاى نحافظ عن الحب ده لو فعلا بنعرف معنى الحب الموضوع ده كبير ومهم وياريت تساعدونى بارائكم عشان نوصل لنتيجه عشان نحافظ عن

الحب

أولا : معنى الحب

الحب هو مشاعر وأحاسين تنبع بين طرفين (الحبيب والحبيبه)ولهو معانى كثيره المهم ان هو يكون حب حقيقى يعنى أخلاص وصدق وأحترام مشاعر الطرفين وأهم حاجه إن هما يكونوا بيفهموا

بعض

وغير كده إن الحياه مش حب وبس، الحياه عمل وعباده وفعلا عشان يبقى حب لازم نرتقى بالحبيب ده لازم تقف جنبه ونخليه أحسن من الاول سواء فى دراسته وعمله حتى فى التعامل التعامل مع

اهله واصدقائه لازم يتغير للاحسن

ثانيا : اليه معظم الناس بتخاف من الحب من ناحيه البنات خاصا

عشان اصلا متعرفش تحب عشان البنت تقابل صحبتها تفضل تقولها شفتى اللى حصل فى المعهد أو فى الشارع ده سبها ده بعها أو تخلى عنها الكلام ده بيدور فى اى حته بين بنتين عشان كده البنت

بتخاف من الحب وفى نفس الوقت بيبقى نفسها تحب نفسها واحد يحس بيها وبمشاعرها وباحسسها ويخاف عليها ويطمن عليها دايما ويشاركها باحساس وحنان الام والاب حتى الاخ بيبقى نفسها يبقى

كل حاجه فى حياتها وفعلا بتعمل اى حاجه عشانه

ثالثا: ليه معظم الولاد مش بيفكروا يحبوا ويلعبوا بمشاعر البنات

الولد بيفكر بتفكير كل الولاد نفسه يعيش وقته وخلاص يعرف البنت ويروح لكل اصحابه ان عرفت بنت وكلام الشباب بقى بس يوم لما بيحب بيحب بقلبه اوى ويوم لما بينسا حبيبته فعلا بيجى على

قلبه وفعلا بينساها

ايه هى الشروط اللى تخلى الحب فعلا ناجح))

1- لا يتعدى عن المعاملات الشرعيه

2- المحافظه عن الحب ده
3- عدم التخلى عن الطرف الاخر فى كل الاحوال

المشاكل التى تواجه الحب))

1-عدم موافقه الاهالى عن الحب ده

2- تدخل اكتر من واحد بينهم
3- تدخل الصديقه وحبها للحبيب صحبتها ودى فعلا معظم الشباب بيواجوا المشكله دى

4-تخلى الحبيب عن حببته بعض فترة من الحب بحاجه ان انتى مفهمتنيش ومش قادرة تفهمينى ومش هينفع نكمل مع بعض

5- تخلى الحبيبه عن حببها بحاجه ان فى واحد اتقدملى وهو اغنى منك وانت له قدامك مشوار كبير

نمسك نقطه نقطه ونحاول نحلها))

1-عدم موافقه الاهالى عن الحب ده

ليه الاهالى ميوفقوش عن الجواز او الحب ده لازم الشباب يقتنع باسباب الرفض ده

2-تدخل اكتر من واحد بين الاحباب

التدخل بين الاحباب بيولد غيرة وعدم ثقه بين المحبين

3-تدخل الصديقه وحبها لحبيب صحبتها

لابد من حزم الموقف من أوله ودى مشكله معظم الشباب بيواجهها فى حياتهم ولازم طرف منهم هم لازم يضحى عشان خاطر الاتنين وكمان عشان الحياه تكمل بص المشكله بقى إن الصديقه تبعد

عن صحبتها وتتمنلها الشر لازم الصديقه تضحى عشان صحبتها وتتمنلها السعاده

4-تخلى الحبيب عن حببته بحاجه ان هى مفهمتوش ازاى بعد فترة من الحب والثقه والبنت عايشه على امل إن هى هتعيش مع حببها اللى بقيت حياتها متوقفه على الحب ده وفى الاخر مش هتعرفى

تفهمينى ازاى
5- بعد فترة من الحب جيه تقول لحببها انا فى واحد اتقدملى وغنى وانا هوافق عليه

امال يابنت حبيبتى من الاول ليه وربطى الانسان اللى حبك وعايش على امل انه هيبنى مستقبله عشانك ازاى تفكرى فى الفلوس وتسيبى حبيبك

نصيحه لكل بنت وكل شاب لما تحبوا حافظوا على حبكم للنهايه

من أختكم جيجى يارب أكون قدرت أوصل الحب لقلوبكم :

موضوع رائع فعلا

وكلام جميل جداااااااااا عن الحب

وفعلا كلام يتحس وملىء بالمشاعر

ومشاكل موجودة بالفعل

شكرا على الموضوع الجميل دة

ولكن اعتقد ان الموضوع مكانه غلط

مكانه الصحيح

منتدى الحب والرومانسية

شكرا ليكى

مــوضــوع رائــع بــمــعــنــى الــكــلــمــة وكــلــمــات تــعــبــر بــصــدق عــن واقــعــنــا الــحــالــي ..

شــكــرا عــلــى مــجــهــودك ..

شكل رائع وحلو

احــب اضــيــف ان مــكــان الــمــوضــوع صــحــيــح ولا يــمــكــن نــقــلــه لــغــيــر قــســم ..

حضرتك لو كان الموضوع مش هنا فى القســم كان منالنتدى

هينقل الموضوع

الموضوع بيتكلم عن المشاكل الحب

مش بيتكلم عن الرومانسيه الحب

ميرسى ليـــك

ميرسى ياغالـــى