اقتلنـى من فضلكـ !!

عندما تعشق الحياة وتحبها

عندما تتسع عينيك وهى تنظر الى كل شىء فى الحياة

تراهـ جميل وهى فى قمة الرضا والسعادة

لكن

فجأة !

تحل عليك عاصفة من المشاكل والاوضاع تتغير

ترى كل شىء فى الحياة اصبح اسود اللون

تصبح فى قمة التعاسة

تكرهـ الحياة

الاصدقاء يصبحون اعداء

هنا

نبدأ فى التفكير بالانتحار

اى مشكلة توجهنا ونيأس من حلها

نذهب للانتحار

كنا بنشوف فى افلام زمان ان ناس بتأجر ناس علشان تقتلها

طب ليه منرجعش لربنا

لو كل انسان يائس فى الحياة فكر ينتحر

مش هيتبقى حد فى الدنيا

المشاكل والصعوبات الـ بتوجهنا

بتبقى اختبار من ربنا

لما اب ينتحر

اسرته واولادهـ يضيعوا

لما بنت او ولد فى ريعان الشباب ينتحروا

اهلهم ممكن يموتوا بالحسرة عليهم

عاوزة اعرف منكم

ليه الانسان ممكن يفكر فى الانتحار ؟

بيبقى ساعتها مش فى وعيهـ

ومش عارف انه هيموت كافر

ولا علشان صفقة خسرها ؟

ولا امتحان فشل فيهـ ؟

ولا زوجته اتوفت قبلهـ ؟

ولا حب عمرهـ ضاع منه ؟

ولا دا سبب البعد عن ربنا

وايه نتائج الانتحار دا ؟

اسبابه كتيرة بس النتيجة واحدة

عاوزة رأيكم فى الموضوع دا

لان بجد فى الزمن دا اى حد تقابله مشكلة يروح

ينتحر

تم حذف المشاركات اللى لا تتعلق بالرد على نص الموضوع

يا ريت اللى يدخل التوبيك يركز على الرد على نص التوبيك...

موضوعك جميل جدا ياساره وهايل بجد

وبيعرض مشكلة فعلا موجودة دلوقتى فى مصر وهى مشكلة الانتحار

المشكلة دى سببها الاساسى

ان الشخص المقبل على الانتحار بيكون شخص محطم تماما تماما

او بمعنى تانى كان عايش على حلم او هدف معين

وفجاة صحى على كابوس وان هدفه ده اصبح شئ مستحيل

وخصوصا لو كان هدف كبير فى حياته

بالتالى بيعتقد ان حياته ليس لها قيمة وبالتالى يفكر فى الانتحار والموت كافر والعياذ بالله

طبعا لو هو استمر فترة وحاول انه يستحمل اللى حصل ويحاول انه يقرب من ربنا زى ماقولتى

وانه يعرف ان مافيش اى حد فى الكون ده كله يجعله انه يموت كافر عشانه

وان الموت يكون فقط لله سبحانه وتعالى فى سبيله والاستشهاد عشان ربنا وعشان الدين فقط

ولكن طبعا للاسف تفكير هؤلاء المنتحرين والمقبلين على الانتحار

بيكون تفكير انسان يائس بائس

يعتقد ان الحياة انتهت بمجرد انتهاء مثلا حلم كان يطمح اليه

بمجرد انتهاء علاقة حب حدثت وكانت النتيجة خطبة حبيبته الى اخر

لكن لو فكر كويس واقعد مع نفسه وقرب من ربنا

صدقينى هيعرف ان ده اكبر خطأ ممكن يرتكبه فى مدار حياته كلها

لان ده يعنى هلاكه ويعنى وفاته كافر

الموضوع فعلا قضية محتاجه نقاش

شكرا ليكى ياسارة جدا ربنا يوفقك

اعتقد أن سبب الانتحار البعد عن ربنا وضعف الايمان

السبب الاول ال بيوصل الانسان لانتحار هو البعد عند ربنا لكن كتير من المشاكل ساعات بتوصل الانسان ان يشوف الدنيا لونها اسود قاتم بس لو جينا نفكر ان ده اختبار من ربنا واكيد لازم ننجح فيه ساعتها ربنا بيعوضنا كتير يعنى لو كل انسان فكر ان لو حاجة افتقدها وايقن من جواه ان ربنا هيغوضه بالاحسن منها وربنا قال على نفسه انا عند ظن عبدى فيه يعنى لو الانسام ظن فى ربنا انه هيعوضه اكيد ربنا هيعوضة وديما ربنا رحيما فى قضائه وساعات حاجات كتيرة بنفتكرها خير لكن ربنا اعلم وبيبعدها عننا لانه عالم الغيوب

جزاكم الله خيرا

وميرسي لمروركم ومشاركتكم الحلوة ومروركم الجميل

بارك الله فيكم جميعا

اسباب الانتحار فعلا هى ضعف الايمان و البعد عن ربنا هو ده فعلا السبب او بقى ربنا يحفظنا حالة نفسية او تعب نفسى
نايس توبيك يا سارة بجد مشكوووووووورة

ميرسي يا قمر

متحرمش من مشاركتك معايا

جزاكي الله خيرا