هل تعتقد انك تعرف البنات عايزة ايه

هل تعتقد انك تعرف البنات عايزة ايه

تقعد مع أي ولد تلاقيه بيقولك "يا عم أنا عارف الستات دي عايزة إيه .. اسألني أنا" وواحد تاني يقول "

أنا فاهم دماغ البنات بتفكر إزاي" تعالوا بقى نعرف إيه الحاجات إللي الرجالة فاكرين إنها بتجنن الستات.

الراجل دايما معاها وميسبهاش لحظة

كل الرجالة فاكرين إن اللزقة للمرأة بتعجبها وإنها بتحب الراجل إللي دايما تحت عينها وميروحش بعيد أبدا،

ولكن المقوله دي مش صح على طول الخط، فأحيانا تكون لزقة الرجل للست خنقة وتتضييع وقت ورخامة.

مساعدتها في الأعمال المنزلية

من كتر ما المرأة بتشتكي في الحقيقة وفي الأفلام من إن الراجل رامي عليها شغل البيت كله،

فالرجالة افتكروا إن مساعدتها في الأعمال المنزلية سيجلب عليها السعادة والحب،

طبعا مش بقول يطبخ ويغسل

لا على الاقل يساعدها فى مثلا تحضير الغدا يساعدها مثلا فى تحضير بعض متطلبات المنزل

ولكن الموضوع مش سهل كدة، صحيح المرأة عايزة إللي يساعدها في البيت

ولكن الراجل أحيانا بيقوم بالدور ده بشكل خاطئ ويدخل نفسه

في حاجات ميفهمهاش ويبوظ الدنيا بفكاكته ونصاحته ويقلب البيت على بعضه.

الصراحة والشفافية

وطبعا الصراحة مطلوبة، ولكن كتير من الرجالة فاكرين إن الصراحة تساوي البجاحة، يعني لو مراته سألته

"هل ملكة جمال العالم أجمل مني؟" تلاقيه قالها "طبعا أحلى منك .. دي ملكة جمال العالم كله"

وهنا بقى سلملي على الصراحة، وابقى قابلني لو الشفافية نفعتك.

لو قالتلك كده قولها انتى فى عنيا اجمل من اى بنت فى العالم

كفاية عنيا اللى شايفينك ملكة جمال

الإصرار على دفع الحساب

مش هنقول هنا إن المرأة مش دايما عايزة الراجل إللي يدفع الحساب، ولكن في بعض الأوقات

وخصوصا في فترة التعارف بتبقى عايزة تبينله إنها مش فقيرة وإنه مشترهاش بفلوسه، وتعمل فيها عنتر بن شداد وتبقى عايزة تدفع الحساب،

وكل ما الراجل يصر على الدفع هي ممكن تسترخمه جدا.

مداعبتها ومغازلتها دائما

برضه مش هنقول إن المرأة مش عايزة إللي يغازلها، لكن تخيل كدة البنت تكون تعبانة ومتبهدلة وساقطة في الامتحان،

وييجي فارس أحلامها بكل سماجة ويقولها "أنا بموت في جمال عنيكي"

وهو طبعا فاكر إن الكلمتين دول هيخففوا عنها، ولكن العكس هو الصحيح، ويمكن تطلع غلها كله فيه.

وبعدين خليك تقيل شوية

الستات بتحب الرجل المهزار دائما

وهنا الرجالة بيعتبروا إن الست تريد أن تسخسخ دائما طول ما هي قاعدة،

وفاكرين إن المرأة تهوى الرجل الفكاهي إللي قالبها مسخرة وضحك وتريقة ومقضيها افيهات،

ولكن احذر عزيزي الرجل فالمرأة تريد أن تراك جاد وحازم في أمور عديدة ولا تعتقد انك انسان هايف وتافه

يا ترى انت فعلا عارف الستات عايزة ايه???

ناااايس توبيك يا احمد

تسلم ايديك

تقبل مروري

بارك الله فيـــــــك

يا ترى انت فعلا عارف الستات عايزة ايه???

يااااااااااااااااااااااااااااا

هو احنا لغز كبير كدة

الموضوع ممكن يكون محتاج الشباب للرد

بس انا احب اعلق علي كلامك يا احمد لو سمحتلي

الراجل دايما معاها وميسبهاش لحظة

انا الموضوع دا بالنسبة ليا مهم جدا

يعني مش طول اليوم مشغول عني بالشغل وخلافه

ولو طول اليوم قاعد في البيت

يعني الوسطية كويسة

مع العلم اني افضل الشغل المستقر بعيد عن السفر طبعا

لانه لو مسافر يبقي اكيد انا معاه

مساعدتها في الأعمال المنزلية

طبعا انا محبش اني جوزي يشارك في الاعمال المنزلية خالص

هو ليه شغله وكمان انا ليا شغلي

مش معقول طول اليوم تعبان في شغله وكمان اقوله ساعدني لا طبعا

بس مساعدته ليا

ممكن تكون بالذوق

يعني مثلا مش اكون انا مشغولة في حاجات كتير ودا كمان بيطلب

تعاونه في ذوقه ومراعاته لتعبي

الصراحة والشفافية

الموضوع دا بقي

اتفق معاك في الرأي

انا مش اجمل واحدة في الدنيا ولا جمالي محدود

بس لازم عيونة متشفوش غيري

المفروض اكون الاجمل دايما في نظره

وطبعا دا انا ليا دور كبير فيه

الإصرار على دفع الحساب

هو مفيش فرق بين الست وجوزها

بس من باب الذوق انه المسؤلية دي عليه مش عليا

مداعبتها ومغازلتها دائما

لا الجو دا بيضايقني جدا

لاني عادة محبش الرومانسية

مش كل الرومانسية بتبقي مقبولة بالنسبة ليا

الرومانسية الهادية اللي بتتحس دي

مش كلام هابط بيتكرر علي طول

وبعدين معظم البنات بتحب الرجل الهادي الرزين

وطبعا انا معاك مش كل المواقف بتكون عاوزة كلام

انا بقي بحب رومانسية الفعل مش الكلام

يعني احس بأفعاله بحبه

مش بكلامه

الستات بتحب الرجل المهزار دائما

هو الانسان مش المفروض يكون جاد علي طول

ولا كمان يبقي علي طول مقضيها ضحك

لازم يكون في جادية

وخاصة انه الرجل

يعني القوة

وقوة الشخصية عادة مبتجتمعش في الشخصية الهزلية

يعني كل حاجة بحدود

مش علي طول ضحك ولا علي طول ساكت ومكشر

ويقولي جاد

وفي النهاية انا عاوزه الانسان اللي يحترمني

ويحبني وانا كمان

وفي النهاية اكيد التفاهم هيساعد بنا في حاجات كتير

وكل الحاجات دي هنكون متفقين فيها ان شاء الله

ميرسي اوي يا احمد علي الموضوع الجميل دا

وسوري لو طولت عليك

ربنا يوفقك

jasy كتب:: ناااايس توبيك يا احمد

تسلم ايديك

تقبل مروري

شكرا جاسى على مرورك ولردك الجميل

نورتينى

ملائكة النور كتب:: يا ترى انت فعلا عارف الستات عايزة ايه???

يااااااااااااااااااااااااااااا

هو احنا لغز كبير كدة

الموضوع ممكن يكون محتاج الشباب للرد

بس انا احب اعلق علي كلامك يا احمد لو سمحتلي

الراجل دايما معاها وميسبهاش لحظة

انا الموضوع دا بالنسبة ليا مهم جدا

يعني مش طول اليوم مشغول عني بالشغل وخلافه

ولو طول اليوم قاعد في البيت

يعني الوسطية كويسة

مع العلم اني افضل الشغل المستقر بعيد عن السفر طبعا

لانه لو مسافر يبقي اكيد انا معاه

مساعدتها في الأعمال المنزلية

طبعا انا محبش اني جوزي يشارك في الاعمال المنزلية خالص

هو ليه شغله وكمان انا ليا شغلي

مش معقول طول اليوم تعبان في شغله وكمان اقوله ساعدني لا طبعا

بس مساعدته ليا

ممكن تكون بالذوق

يعني مثلا مش اكون انا مشغولة في حاجات كتير ودا كمان بيطلب

تعاونه في ذوقه ومراعاته لتعبي

الصراحة والشفافية

الموضوع دا بقي

اتفق معاك في الرأي

انا مش اجمل واحدة في الدنيا ولا جمالي محدود

بس لازم عيونة متشفوش غيري

المفروض اكون الاجمل دايما في نظره

وطبعا دا انا ليا دور كبير فيه

الإصرار على دفع الحساب

هو مفيش فرق بين الست وجوزها

بس من باب الذوق انه المسؤلية دي عليه مش عليا

مداعبتها ومغازلتها دائما

لا الجو دا بيضايقني جدا

لاني عادة محبش الرومانسية

مش كل الرومانسية بتبقي مقبولة بالنسبة ليا

الرومانسية الهادية اللي بتتحس دي

مش كلام هابط بيتكرر علي طول

وبعدين معظم البنات بتحب الرجل الهادي الرزين

وطبعا انا معاك مش كل المواقف بتكون عاوزة كلام

انا بقي بحب رومانسية الفعل مش الكلام

يعني احس بأفعاله بحبه

مش بكلامه

الستات بتحب الرجل المهزار دائما

هو الانسان مش المفروض يكون جاد علي طول

ولا كمان يبقي علي طول مقضيها ضحك

لازم يكون في جادية

وخاصة انه الرجل

يعني القوة

وقوة الشخصية عادة مبتجتمعش في الشخصية الهزلية

يعني كل حاجة بحدود

مش علي طول ضحك ولا علي طول ساكت ومكشر

ويقولي جاد

وفي النهاية انا عاوزه الانسان اللي يحترمني

ويحبني وانا كمان

وفي النهاية اكيد التفاهم هيساعد بنا في حاجات كتير

وكل الحاجات دي هنكون متفقين فيها ان شاء الله

ميرسي اوي يا احمد علي الموضوع الجميل دا

وسوري لو طولت عليك

ربنا يوفقك

شكرا ليكى ياسارة لردك ولمرورك الجميل

وطبعا انا متفق معاكى فى كلامك

ولكن كل عنصر من عناصر الموضوع

مكتوب تحته عكس العنصر

ياعنى مثلا

الستات بتحب الرجل المهزار دائما

طبعا هى مقولة قد تتردد فى اذهان الشباب

ان البنت تحب الواد ابو دمه خفيف

ولكن الحقيقة ان البنت مش بتحب الارجوز او اللى مستخف دمه كل شوية

المفروض طبعا يكون فيه جدية وفى نفس الوقت دم خفيف او روح حلوة او واحد مقبول دمه او ظريف فى مواقف اللى تستحق كده

وطبعا تعليقك جميل جدا ياسارة وصحيح فعلا

وجميع ماذكرتى مظبوط ومتفق مع الموضوع

شكرا ليكى ياسارة على الرد والمرور

اسعدنى تواجدك وردك الجميل ووجهة نظرك

الراجل دايما معاها وميسبهاش لحظة
دى اكتر حاجه مااعتقدش ان الستات بتحبها فى الراجل
لانه بدون زعل الراجل مش بيريح نفسه دى كده ليه ومحطوطه هنا ليه ومااتعملش كذا ليه وطول ماهو قاعد تعليقات
فيخليه خفيف عشان المعزة تزيد
مشكور يا احمد ع موضوعك الحلو ده

ميرسى يا احمد على التوبتك الراااااااائع

وتسلم الايادى

بشكركم على المرور الرائع

شكرا فاطمه

شكرا فتاة التوحيد

ربنا يوفقكم