ايهما تفضل لســانك ام قـلمـــك ؟

هل يشعر البعض منكم أنه يكتب أفضل مما يتكلم!

أو أن مواجهته للمواقف أو للناس تجعله أكثر قدرة على التعبير ؟

أو لربما أنت تجيد الإثنين معاً....

هناك الكثيرون ممن يجيدون التعبير عن أنفسهم في الرسائل مثلاً...

ولا يجيدون ذلك عند مواجهة ما عليهم مواجهته...

وفي عالم النت فهناك الكثيرون أيضا يجيدون الكلام بالكيبورد بينما هم أنفسهم يعرفون

أنهم لا يستطيعون ذلك بنفس الجودة في مواجهة العالم الواقعي

ربما يسمّي البعض ذلك نقصا في الشخصية...أو تناقضاً فيها...

ولكن شخصياً اعتقد أنه أمر طبيعي الى حد معين...

فنحن بالكتابة نستطيع التحكم في أنفسنا وانفعالاتنا بصورة أفضل...

ونحن بالكتابة ليس هناك من يرانا...أو يراقبنا...

وربما هذا ما يجعلنا نفرغ ما بداخلنا أو نواجه مواقفنا بشكل مختلف

ولكن هذا المختلف قد يكون جميلاً ...

وقد يكون أحيانا قبيحاً وتُستخدم مساحة الحرية هذه بشكل سيء من نفس الباب ....

ومن يفعل فهو لا يعبر عن ظاهره بل عن باطن يخاف ان يواجه به الاخرين حتى في حياته الواقعية

ففرق كبير بين وضع الأقنعة وبين استخدامنا القلم أو الكيبورد لطريقة تعبير أفضل

أو كوسيلة مساعدة لجعل الناس تفهم بوضوح أكثر أو أجمل ما هو ظاهر لهم

وانــت ايهمــا افضــل لك لســانـك ام قلمـك .. ؟

هل يشعر البعض منكم أنه يكتب أفضل مما يتكلم!

انا اكيد الكتابة عندي افيد كتير من مجرد الكلام

ممكن تكون دي طبعتي وممكن كمان يكون تعود

يمكن اكون بخاف من الكلام

لان من شرط ان كلامك يعبر عن احساسك

لكن كل كلمة بكتبها بحسها

وطبعا بكتب كل حاجة بحسها

بحس ان صعب اتكلم لكن سهل اوي ان اكتب كل اللي جوايا

لو اتكلمت مع الناس هيحسوا ضعفك

ولوحسوا ضعفك مش هيرحموك

طبعا ممكن يكون دا عدم قدرة علي المواجهة في نظر الكتير

بس دا في بعض الاحيان

لكن في معظم الاحيان السكوت بيكون افيد كتير

طريقتي للتعبير عن اللي جوايا بترفض الكلام

بس بعترف اني احيانا بحتاج اني اتكلم

بس للاسف مبعرفش

ميرسي علي الموضوع الجميل

جزاك الله خيرا

موضوع رائع

شكرا لمرورك ولردك الجميل ياسارة

بس المسالة مسالة تعودعلى مواجهة الاخريين

والموضوع ده مش بييجى بين يوم وليلة

لا محتاج يوم واتنين وتلاته وشهر

عشان تقدرى تواجهى الناس وتتكلمى معاهم

وترتاحى فى الكلام

وطبعا اهم حاجه ان يكون فى حد فى حياتك

يشجعك على كده وياخد بايدك ويكون جمبك

اتمنالك التوفيق

ايهما تفضل لســانك ام قـلمـــك ؟

انا شايفه ان القلم افضل بكتير من اللسان اولا لان اللسان ممكن يخطاء بسهوله لكن القلم نادر الخطاء الا اذا كان الشخص نفسه قاصد انه يخطاء سواء فى حق حد او فى حق نفسه

وكمان فى ناس شايفه ان الانسان كثير الكلام بيكون ضعيف الشخصيه لكن بالعكس انا شايفه ان الانسان اللى بيتكلم بحريه تقريبا بيكون عنده ثقه فى النفس

بس انا بردو بفضل القلم عن اللسان بكتير

لان اللسان ممكن يوضح كل ما بداخل الانسان و بالتحديد الانسان الضعيف زى ماقالت ساره والناس اللى نفوسهم ضعيفه لما بيعرفوا ان الشخص ده ضعيف بيستغلوه اسواء استغلال وبيجرحوه بلا رحمه

مشكور على التوبيك الرائع

تقبل مرورى

شكرا ليكى يايسرا على مرورك ولردك الجميل والرائع

والقلم قليل مايخطأ عكس اللسان

ممكن العصبية تجعله يتلفظ بالفاظ غير مناسبة

نورتى الموضوع

اللسان ترجمان الانسان

بس بيبقى فيه احيانا ناس ما ييعرفوش يعبرو

عن اللى جواهم بالسنتهم

فبيلجئو للكتابه

لانهم بيحسوا انهم اول ما بيمسكوا

ورقه وقلم بيكتبوا كل اللى هم حاسين بيه

وبيطلعوا كل اللى جواهم

فبيفضلو القلم عن اللسان

لان القلم قليل الاخطاء

واللسان كثيرا ما يخطأ

مشكور ع الطرح الرائع

جزاك الله خيراا

شكرا ليكى ياكرميلا

لمرورك ولردك الرائع

نورتينى

موضوع رائع جدا

اما بالنسبه لى فاحيانا يعبر قلمى عما بداخلى باتقان وبلاغه

واوقات بيعجز حتى عن التعبير عما بداخلى من مشاعر مختلفه

وفى الوقت ده ممكن يعبر لسانى افضل عن ما اريد ايصاله

وايضا اوقات هو كمان بيعجز عن التعبير وده موش معناه ضعف شخصيتى

لكن اوقات كتير بيعجز قلمى ولسان عن شرح وايضاح ما اتمناه وما اريده

وده اوقات بيسبب ليا احباط جامد مشكور على موضعك المميز

بشكرك لمرورك ولردك ياسندريلا

نورتى الموضوع

وشكرا لردك وتعليقك الجميل