ليه الناس بقت عاملة كده ؟؟؟؟؟؟؟؟؟؟؟؟

السلام عليكم ورحمة الله وبركاته

أولا كل سنة وأنتم طيبين ورمضان مبارك عليكم جميعا

ثانيا أنا عايزه أخد رأيكم فى موضوع يمكن أخد منكم خبرة
أنا أول ما دخلت النت مكنتش بكلم حد ولا بكتب فى منتديات ولا كنت بنزل كلية ولا اعرف حد
بعد كده لظروف الصحية وعدم نزولى الكلية اضطرت ادخل منتديات تبع تجارة أخد محاضرات واخرج
اتعرفت على بنت عن طريق منتدى ونزلت وقابلتها فى الجامعة وكانت بتساعدنى كتير
البنت دى ارتبطت بولد وكانوا على وشك الخطوبة والولد ده كان صاحب منتدين
منتدى تجارة اللى كنت عليه ومنتدى للزمالك
منتدى تجارة لما عرفت أن هو المدير طبعا عن طريق صحبتى قالى أنتى زى أختى بالظبط وعايزك تساعدينى
قلتله طبعا اتفضل قالى تمسكى اشراف القسم الاسلامى فى منتدى تجارة
وافقت وكنت سعيدة جدا بالرغم من أن مكنش حد بيدخل المنتدى الاسلامى
بقضل الله قدرت اقسم القسم الاسلامى لأقسام فرعية ستة وبدأت اكتب عناوين تشدهم يدخلوا يقرأوا الموضوع
وعلى الرغم من أنى ماليش فى الكورة خالص الا أنه لما فتح المنتدى التانى للزمالك
طلب مساعدتى بس مش فى القسم الاسلامى بس فى جميع الأقسام وساب ليا المنتدى كله
عمرى ما رفضت مساعدة الشخص ده وكنت دايما بقوله أنت أخويا وجوز أختى
ظهرت النتيجة نجحت أنا وصحبتى وهو سقط
كمان مشروع الخطوبة بتاعتهم اتفسخ لظروف بينهم ماليش دعوى بيها
تتخيلوا بقى بعد مساعدتى ليه حتى فى أيام الامتحانات يكون شكره ليا أزاى ؟؟؟؟؟؟؟؟؟؟؟؟

















الشكر هو حذفى من المنتدى وكتابة جميع مواضيعى باسم زائر
أنا مش زعلانة على تعبى ولا على ضياع مواضيعى
بس نفسى صعبانة عليا ومبقاش عندى ثقة فى حد
ولا ثقة فى أنى لو كتبت موضوع فى منتدى ممكن أحس تانى بكلمة شكر
حقيقى تعبت
لو أنا غلطانة قولوا ومش هزعل والله بس ريحونى