ايه أكثر شئ بيسعدك في الدنيا؟

--------------------------------------------------------------------------------

سلام عليكم ورحمة الله وبركاته

عمركم يا اخواتى فى الله فكرتوا ايه أكثر حاجة بتسعدكم في الدنيا؟

ممكن منكم اللي يستغرب أنا ليه فتحت الموضوع ده في الساحة دي بالذات...دي مش صدفة ولا غلطة، ربنا بيفرح لفرحة عبادة، بل ويريد- سبحانه- فرحة عباده، إذاً، فطبيعي جداً أن نتحدث عن سعادتنا وفرحتنا في هذه الساحة

في ناس بتلاقي سعادتها في الصلاة...بتحس انها بتكلم ربنا سبحانه وتعالى ولو ينفع نقول "بتفضفض"، وبتتوكل على الله وبتتخلص من مشاكلها وهمومها في ركعتين لا يعلم ما يُقال فيهم غير الرب وعبده

في ناس بتلاقي سعادتها في مساعدة الناس...بتستمد طاقتها من ابتسامة طفل يتيم لعبت معاه أو فرحة أم كان همها قوت أولادها

وفي ناس بتشعر بالسعادة لما تشعر بالحب...لما تحس انها بتحب وبتتحب، لما بتحس ان في حد بيحبها لشخصها، بيحبها "دون علائق" - أي دون مصلحة أو رغبة في أئ شي، حد بيحبها لنفسها، بتحس بالأمان لأن مهما حصل، عارفة ان الحب موجود في حياتها

وفي ناس بتشعر بأقصى سعادة عند تحقيق نجاح معين، لما تحس انها تغلبت على مشكلة أو معضلة ما وخرجت منها منتصرة

وفي ناس معنى السعادة بيتمثل لها في شئ صغير قوي، قد يظهر أنه تافه لبعض الناس بس هو فعلا مصدر سعادة...ممكن حد يحس بالسعادة عند التأمل في هدوء على بحر أو في الصحراء، أو في رؤية طفلها الصغير يتمتع بصحة جيدة، وفي دعوة طالعة من القلب برضا وحب من أمها، وفي ناس سعادتها أبسط من كده بكثير...قد تكون في راحة البال أو حتى في كوب شاي تشربه مع الأصدقاء في جلسة كلها ود وحب


ايه أكثر شئ يشعرك بالسعادة في الدنيا؟

في انتظار المشاركات

ربنا يسعدكم دنيا وآخرة

اكتر لحظه تسعدنى لما تكون امى راضيه عنى وبتدعيلى
مشكوره ع موضوعك زجزاكى الله خيرا

batata كتب:

اكتر لحظه تسعدنى لما تكون امى راضيه عنى وبتدعيلى
مشكوره ع موضوعك زجزاكى الله خيرا

cinderela كتب:

اجمل واسعد لحظات حياتي هما كتير بصراحة لكن اكيد في لحظات معينة

الواحد بيكون في قمة سعادته:

اولها لما ابكي من خشية الله واللي مش كتير بوصلها للاسف بس لما بتيجي بحس اني اسعد

واحد ه في الدنيا يارب متحرمنيش لذة مناجاتك.

واهم من ده وده لما احس ان والدي ووالدتي راضيين عني

موضوع تحفه وربنا يجعله في ميزان حسناتك

موضوع يستحق الاشاده

ميرسى على مرورك يا قمر

jasy كتب:

اولا توبيك جميل جدااا
انا اكتر شئ ممكن يسعدني اني احس ان ربنا راااضي عني و اني بعمل وااجباااتي لديني
و اكتر شئ كمااان اني اشوف امي اداامي و أتأاامل فيها و في حنانهاا

و اني احس اني انتصرت ع حزني او يأسي و حققت اللي بتمناااه
تقبلي مروري

انتي بقي يا قمرر ايه اطتر شئ بيسعدك في الدنيااا؟؟؟

ميرسى على ردك الجميل يا قمر

وهقولك يا قمرى ايه اكتر شى بيسعدنى فى الدنيا


انا اكتر شىء بيسعدنى مناجاة ربى وبكائى وتذللى لوجه الكريم
وكمان انى اقدر اسعد اى شخص
ودعوة امى بطلعنى لحد باب الجنة وبحس انى طفلة صغيرة فى قمة السعادة
لما بحس برضاها علية وانها بتدعيلى فى اناء الليل واطراف النهار
واشكر كل اخوانى واخواتى الذى اشتركوا فى الرد على هذا الموضوع
لان كل رد منهم اضاف شىء لجمال الموضوع جزاكم الله كلكم خيرا وثبتكم على دين الله

ملائكة النور كتب:

بجد موضوع هايل بشكرك عليه

اكتر حاجة بتسعدني في الدنيا لما احس اني قدرت اعمل حاجة كويسة تسعد حد

او لما احس انا ماشية صح وربنا راضي عني

جزاكي الله خيرا

منتحرمش من جديدك

نورتنى بمروك الجميل يا قمر

اولا موضوع جميل جدا وثانيااكتر بتسعدني لما ان اهلي راضين عني ولما اتفوق في الدراسه