لـِ مَنْ يَجرؤ فَقَــطْ ..؟!

مَدْخَلْ / لا أَعْلَمـْ لِمَاذَا لاَ أُرِيدُ أَحَداً أَنْ يَعْلَمـْ ..!

/
/
يَتَظَاهَرُ المَرْءُ بِالوُضُوحْ ..

وأَنَّهُ يَعْمَلُ تَحْتَ ضَوْءِ الشَّمْسِ لِأَنَّهُ يُدْرِكُ بِأَنَّهُ مَاشِيْ بِالسَّلِيمـْ
.
.
لَكِنْ لَدَيْ مَقْطَعْ هُنَا بِـ حَاجَةٍ لـِ إِسْتِفْهَامٍـ ..؟!

أَنَا مَنْ سَـ يَضَعْ الإِسْتِفْهَامْـ والوَقْتُ مَفْتُوحٌ لِـ إِجَابَاتِكُمْـ ..

لاَتُوجَدُ هُنَا ضَوَابِطٌ لِـ مَنْعِ الهَنْدَسَةِ أَوْ إِسْتِخْدَامِـ المُوبَايْلْ أَوْ الأَلَةِ الحَاسِبَةِ ..

يُسْمَحُ بـِ البَرَاشِيمِـ , ويُسْمَحُ بِـ الإِتِّصَالِ بـِ صَدِيقٍ صَدُوقْ ..

فَقَطْ الشَّرْطُ الوَحِيدُ هُنَا هُوَ الصَّرَاحَة والصِّدْقْ فِيْ إِجَابَاتِنَا ..
.
.
ذَكَراً أَوْ أُنْثَىْ نَتَوَاجَدُ هُنَا فِيْ المُنْتَدَيَاتِ

والمَاسِنْجَرْ وجَمِيعِ أَجْزَاءِ هَذِهِ الشَّبَكَةِ العَنْكَبُوتِيَّةِ .

.
نَتَحَاوَرْ / نُنَاقِشْ / نَبْتَسِمـْ / نَسْتَفِيدْ / نَحْزَنْ / نُفِيدْ / نُصَمِّمـْ / نَتَدَلَّعْ / نَتَفَلْسَفْ /

نُعَبِّرْ عَنِ الحُبْ / نَكْتُبْ الشِّعْرَ والخَوَاطِرْ /

ونَتَغَلْغَلْ بـِ السِّيَاسَةِ / وجَمِيعِ أُمُورِ الحَيَاةْ ....إِلَخْ

سُؤَالِيْ يَخْتَصُّ فِيْ جُزْئِيَّةِ المُنْتَدَيَاتْ

وهُوَ سُؤَالْ مُوَجَّهْ لـِ الذَّكَرِ والأُنْثَىْ هُنَا
.

هَلْ أَنْتُمْـ قَادِرُونْ عَلَىْ كَشْفِ اَسْمَاءَكُمْـ

بـِ المُنْتَدَيَاتْ لِأُسْرَتِكُمْـ وزُمَلاَئِكُمْـ وأَقَارِبِكُمْـ ..؟!

بِمَعْنَىْ أَنَّنَا الآنْ نُشَارِكُ فِيْ المُنْتَدَيَاتْ بـِ أَسْمَاءٍ مُسْتَعَارَةٍ ..

ونَتَعَامَلْ مَعَ كُلِّ مَنْ نُوَاجِهْ بِهَذِهِ المُنْتَدَيَاتِ بِـ أَسْمَائِنَا المُسْتَعَارَةِ ..

ولَكِنْ ..!

هَلْ مَثَلاً نَحْنُ قَادِرُونْ عَلَىْ مُصَارَحَةِ أَخِينَا / أُخْتِنَا / أَبَائِنَا /

زَوْجَتَكَ زَوْجُكِ / المُقَرَّبِينَ لَنَا مِنَ الأُسْرَةِ

بـِ أَنَّنَا نُشَارِكُ بِـ المُنْتَدَىْ الفُلاَنِيْ بـِ إِسْمِـ فُلاَنْ أَوْ فُلاَنَةْ ..؟!

وهَلْ نَحْنُ قَادِرُونَ أَنْ نُطْلِعَهُمـْ عَلَىْ كُلِّ مَا نَكْتُبْ بـِ المُنْتَدَيَاتْ ..؟!

قَدْ تَكُونُ الإِجَابَةْ بِـ نَعَمْـ مِنْ فِئَةْ ..

وقَدْ تَكُونُ الإِجَابَةْ بِـ لاَ مِنْ فِئَةْ أُخْرَىْ ..!

إِنْ كَانَتْ الإِجَابَة بِـ لاَ ..؟!

فَـ مَاهِيَ الأَسْبَابْ الَّتِيْ أَدَّتْ أَيْضًا لِـ التَّوَاجُدِ بِـ إِسْتِخْدَامِـ

ضَوْءِ الشُّمُوعِ خِشْيَةً أَنْ يُعْرَفَ سِرُّنَا ..؟!
.

.
عَنْ نَفْسِيْ ..

سَـ تَكُونْ إِجَابَتِيْ بَعْدَ أَنْ أَرَىْ مُشَارَكَاتِكُمْـ ..

الَّتِيْ بـِ دُونِهَا لَيْسَ لـِ المَوْضُوعِ مَعْنَىْ ..!

عادى جدا انا عن نفسى اسمى اسما وبشارك فى المنتدى معاكم

واهلى عارفين كده كويس واخواتى بنات وولاد عارفين

وقرايبى كمان عارفين وصحابى

واما عن مواضيعى فهما بيدخلوا ويقرأوها بنفسهم

مش غلط انى اشارك وافيد واستفيد ده مش غلط ولا عيب

بشكرك ساره موضوعك رائع ومفيد

ربنا يكرمك وكل سنه وانتى طيبه يا قمر

موضوع جميل وصريح جدا وفعلا لمن يجرؤ

وانا عن نفسى بادخل على اى منتدى باسمى الحقيقى

وكتير من قرايبى واهلى وجيرانى واصحابى عارفين

لان انا مش باعمل حاجة غلط ولا باعمل حاجة وعايزة اخفيها

ولا انا داخلة متخفيه لغرض ما انا بادخل بشخصيتى

اللى كل الناس عارفاها لان مهما الانسان بيغير من شخصيته

او يحاول يدخل باسم مستعار وفى النهاية كل شئ بيبان

يبقى ليه بندخل باسماء مستعارة ومش بنكشف عن هويتنا الحقيقية

وفى النهاية باحييكى اختى الكريمة على موضوعك الجميل

واتمنى انى اشوف اجابتك

ميرسي حبايبي علي مروركم ورأيكم الجميل

واكيد ليا عودة للاجابة

موضوع جميل جدا بس عادى خالص انا مشتركه معاكم

واخواتى بنات وشباب ووالدى ووالدتى عارفين ده كويس

وبالنسبه لكلامى فهو موش غلط بالعكس انا بفيد وبستفيد

النت موش كله غلط ولا الكل بيستغله غلط انا موش شايفه فيها اى حاجه

مشكوره على السؤال والتوبيك ياقمرايه

انا عجبني مروركم كلكم واجابتك الجميلة

وانا احب اقول رأيي في الموضوع

انا مشتركة في المنتدي من حوالي اربع شهور

اخويا واختي طبعا عارفين لاني بقعد عليه اوقات طويلة

واحيانا كتير اخويا بيدخل يشوف مواضيعي وكمان ناس كتير اعرفها وخاصة المنتدي الاسلامي

دا علي نفسي

لكن احب الفت نظركم جميعا لحاجة مهمة جدا

ان مش كل الناس مثالية

يعني زي ما في كدة اكيد في ناس تانية متحبش حد يعرف هي مين

ودا طبعا لانه بيكون انسان كداب لانه عايش بشخصيتين شخصية معانا في المنتدي

واكيد بتكون الشخصية المثالية

وشخصية العادية ودي طبعته

وفي الاخر والغرض من الموضوع

اني اقولكم بلاش الثقة الزيادة لان مش كل الناس زي بعضها

انا عادى بطاطا وقلت قبل كده انى فاطمه واهلى عارفين
ع العكس والله كتير اخويا بيكون جنبى وانا بتصفح المنتدى
انا مش بعمل غلط عشان اتدارى
مشكورة يا سارة موضوع رائع

طبعا توبيك جميل قوي منك بجد ...

بس أنا عايزه أقول نقطه معينه ...

مش معني اني بدخل باسم مستعار ومش حابه حد يعرفه خالص ومخبيه عن اهلي

وكده يعني زي ما انتي بتقولي يبقى مش معني كده اني كذابه او بشخصيتين ...

ممكن غير كده ممكن عادي يعني .. لان في اهل عندهم عادي ومش بيسالو وكده يعني

فالموضوع احيانا عند معظم الناس بيكون عادي خالص ... ولكن برده في فئه بتكون

طالعه بمليون شخصيه وخلاص وبتكدب وهكذا بس مش كله برده ....

وانا عن نفسي أمي عارفه واخويا الكبير واحيانا بيدخل ويتصفح وبيشوف كل شئ

وحتى الايميل والفيس بوك والمواقع كلها فالموضوع عندي عادي خالص

وهو كمان اللي شجعني اني اشارك في المنتديات وكده يعني ... وهو اصلا اللي دخل لينا النت واقنع امي

والموضوع عندنا في ثقه وكده يعني ... وبس يعني ... ويارب اكون قدرت اوضح اللي انا عايزه اقوله ..

وعايزه اقول شئ انا بدخل بالاسم ده دايما ولو حد سال عن اسمي بيكون ديدا ... واهلي عارفين اني

اسمي ديدا بالمنتديات والاسم المستعار حزينه العمر ... وكمان هما اللي قالولوي قولي ديدا ...

وللعلم في ناس معينه هنا عارفه اسمي الحقيقي ... وميرسي كتير وربنا يوفقك الي الامام ...

وعندك حق فعلا مش لازم تكون الثقه زياده عن اللزوم في الحياه عامهـ يعني ...

موضوع جمييييييييييييييييييييييييييل جدااااااااااااااااا
وفعلا مش كل اللى بتدخل او بيدخل اى منتدى باسم مستعار بيكون بشخصيتين
هو يعنى ممكن يكون من باب التغير بيعبر عن نفسه باسمه المستعار دا
وطبعا لازم يكون ف ثقه بينى وبين اهلى وانا مش بعمل حاجه غلط علشان اخبى عليهم
اكييييييييد اهلى عارفين انا بعمل ايه وبكلم مين ومش بكلم مين
وفعلا لازم الواحد مش يثق ف اى حد بسهوله

اولا- موضوعك حلو اووووى مشكوووره عليه ...

ثانيا- انا مع ديدا وعاشقه الحب ان مش معنى انى مسجله باسم مستعار او مش باسمى مباشر يبقى عشان بكدب او خايفه وبعمل حاجه غلط
لا بالعكس انا مقتنعه جدا باللى بعمله وكمان المنتدى مش فيه اى حاجه غلط
ولا انك تكتبى موضوع سواء يفيد او فكاهه او اى نوع وانا ارد عليكى ونتناقش سوا يبقى حاجه غلط ....
وبعدين كان فى لعبه كرسى الاعتراف وكل الى عاوز يعرف حاجه بيسال وانا كنت بجاوب وبكل صراحه
يعنى انى اختار اسم مستعار ده ممكن يكون اسم بحبه ,حاجه بتوصفنى ,او حتى اسم بمضى بيه تحت اى حاجه بكتبها

واحب اقول تانى تسلم ايدك لان الموضوع فعلا مهم .....