العضوة الجميلة سندريلا معانا في كرسي الاعتراف

العضوة الجميلة سندريلا معانا في كرسي الاعتراف 524842917

اجتمع بيكم علي خير في استضافة جديدة للبرنامج مع عضوة جميلة ومحبوبة

حازت علي اعلي الاصوات ليتم استضافتها اليوم في كرسي الاعتراف

في وقت قصير استطاعت ان تلقي الضوء عليها من جمال

ردودها ومواضيعا التي دايما تجذنبا نحوها

استطاعت السندريلا ان تحوز باعجاب وحب من اعضاء اسرة حبيتك

انا برحب بيها جدا وبقولها اني حابه جدا اتعرف عليها

وبقولها منورة الدنيا يا سندريلا

وكل سنة وانتي طيبة يا قمر

العضوة الجميلة سندريلا معانا في كرسي الاعتراف 830878750

اتفضلي يا قمر ارتاحي علي الكرسي

العضوة الجميلة سندريلا معانا في كرسي الاعتراف 471541637

سندريلا انا عايزاكي تسرحي خالص ومتفكريش في الاجابة

جاوبي من قلبك

ولو اي سؤال هيضايقك ولا مش عاوزة تجاوبي مفيش مشكلة سيبي السؤال

انا دلوقت هسألك شوية اسئلة صغيرين

وهسيبك للاعضاء اللي بيحبوكي يسألوكي وهرجعلك تاني متقلقيش

1_ ايه اكتر حاجة عجبتك في المنتدي وكانت سبب في قرار انضمامك للمنتدي ؟

2_ مين هي سندريلا ؟ عرفيني علي نقسك ؟

3_ ماذا يعني لكي مصطلح حرية المرأة وما هو مفهوم الحرية في نظرك ؟

4_ ياتري ليكي قدوة في حياتك تتمني تكوني صورة منها ولا حياتك لها مسار خاص؟

5_من هو توأم روحك ؟

افتكر اسئلتي سهلة

يارب تكون خفيفة عليكي يا قمر

اتركك في سلامة الله وامنه

ولي عودة مرة اخري ان شاء ربي

كل سنة وانتي طيبة حببتي

اجمل عصير لاجمل سندريلا اللي هتنورنا في البرنامج

العضوة الجميلة سندريلا معانا في كرسي الاعتراف 760748113

فى الاول بشكر كل الل اخترتنى اكون ضيفه معاكم على كرسى الاعتراف

لانى بعتبرها شهاده تقدير افتخر بيها من أسرة منتدى جميل زى منتدى حبيتك

وسعيده أنى اتعرفت عليه وكان ليا الشرف أنى عضوه فى المنتدى وفى أسره جميله ومحبوبه مثل

أسره منتدانا الجميل حبيتك

وبشكر ساره جدا على كلامها الرقيق والمجامله الجميله

من مشرفه مميزه على المنتدى وليها تقديرها واحترامها من الجميع وانا عن نفسى بحبها رغم عدم معرفتى بيها

بس ليها مكانه مميزه عندى وشور بقدرها

وأتمنى انى اكون ضيفه خفيفه عليكم ومرغوب فيها وسطكم وميرسى ياقمرايه على العصير

والترحيب الرهيب والجامد ده

وأنا ليا الشرف انى اجاوب على اسئلتك

1_ ايه اكتر حاجة عجبتك في المنتدي وكانت سبب في قرار انضمامك للمنتدي ؟

الروح الجماعيه الملفته للنظر بين الاعضاء

الترابط بين الاداره والمشرفين والاعضاء والمواضيع المفيده فى المنتدى

2_ مين هي سندريلا ؟ عرفيني علي نقسك ؟

أنا اسمى راندا ودراستى صيدله لسه هكتشفها على حق واتمنى انى اتفوق فيها واحقق

طموحاتى من خلال دراستى دى هى اه التنسيق جبها بعيد شويه فى الزقازيق بس ربنا يسهل

واقدر عليها ادعولى بس

3_ ماذا يعني لكي مصطلح حرية المرأة وما هو مفهوم الحرية في نظرك ؟

الحرية ببساطة هي ممارسة حقي الذي أعطاه الله سبحانه وتعالى لي وذلك دون أن أضر بأحد أو أسيء لأحد ...

وهي أنى أعبر عن ما يجول في خاطرى أو وجهة نظرى أو راي دون أي قيد أو شرط

والحريه فى وجهه نظرى هى الحياه وعندما تسلب الحريه منى بكده اصبحت الحياه بلا معنى لان كل انسان

فينا بيتولد حر لو انسلبت الحريه دى بيكون الواحد فينا زى الاله بتعمل المطلوب منها

4_ ياتري ليكي قدوة في حياتك تتمني تكوني صورة منها ولا حياتك لها مسار خاص؟

بصراحه فيه كتير ممكن يكونوا قدوه ليا بس انا عاوزه يكون ليا مسارى الخاص

وانا الل اتعلم وموش عيب انى اغلط فى مسيرة حياتى بس اتعلم من اخطائى واحاول

اعدى بنفسى لبر الامان

5_من هو توأم روحك ؟

أختى الاكبر منى وبنت عمى

مشكوره ساره على الاسئله الجميله دى

شكرا يا قمر علي كلامك الجميل وجمال روحك

واهلا بيكي في اسرة حبيتك

منورانا بجد ومنورة البرنامج ومنورة الدنيا كلها

ويارب تكوني مبسوطة معانا

واهلا بيكي في الزقازيق

الزقازيق جميلة جدا واهلها طيبين اوي وان شاء الله تعجبكم

وجامعة الزقازيق جميلة جدا بس صعبة شوية شدي حيلك بقي

وممكن تحولي عادي علي فكرة مفيش اي مشاكل

لو مش ارتحتي في الزقازيق

عاوزينك كدة اجمل دكتورة يا راندا

وكويس اني عرفت انك هتوريني في الشرقية

ههههههههه

علشان ابقي اعزمك عندي

اي خدمة يا سندريلا

انا مش هسئل تاني النهاردة

بس هنشوف لو في اي اسئلة تانية من الاعضاء

وبجد سعدت باجابتك حببتي

متحرمش من وجودك

اهلا بيكى فى كرسى الاعتراف يارندا

منورة الكرسى

واجاباتك على اسئلة سارة كانت اجابات جميلة وربنا يوفقك فى كلية الصيدلة

وتتخرجى منها على خير

وتفتحى صيدلية

قبل ماسألك اتفضلى طبق الفاكهه ده الاول

العضوة الجميلة سندريلا معانا في كرسي الاعتراف Fruits

العضوة الجميلة سندريلا معانا في كرسي الاعتراف Fruits

بس متديش لحد كليه لواحدك كله

يالا نيجى للاسئلة

1 / هل انتى تفضلين الارتباط عن طريق الحب ام عن طريق الزواج التقليدى ولماذا ؟

2 / ماهو مقياسك اللى بتختارى فيه صديقة ليكى او حبيب ليكى ؟؟؟؟؟؟؟

3 / هل هناك شخصية اعجبتى بها ولم تستطيعى البوح عن اعجابك بتلك الشخصية ؟

4 / لو امامك اختيارين ايهما تختارى الزواج ممن تحبيه ام تكملة دراستك الجامعيه ؟ عليكى اختيار شئء واحد فقط ولماذا ؟

او بمعنى اخر ايهما تضحى

5 / ياترى هل جالك احساس بالوحدة قبل ذلك وهل حاسه ان حياتك الايام دى ينقصها شئ وبتبحثى عنه ؟؟؟

اتمنى ان اسئلتى تكون خفيفة عليكى ومنورة كرسى الاعتراف ياسندريلا

ربنا يوفقك

ثانكس أحمد على طريقتك فى التر حيب الجميله دى

وميرسى على الطبق الجميل والكوكتيل الرائع ده من الفاكهه ويارب افتح

صيدليه وتكون اشهر صيدليه

يالا نيجى للاسئلة

اوك معاك وهجاوب على كل الاسئله

1 / هل انتى تفضلين الارتباط عن طريق الحب ام عن طريق الزواج التقليدى ولماذا ؟

انا بتمنى انه يكون على حب ونكون قريبين من بعض عشان تكون حياتنا مبنيه

على تفاهم وحب وموده

2 / ماهو مقياسك اللى بتختارى فيه صديقة ليكى او حبيب ليكى ؟؟؟؟؟؟؟

الامانه والاخلاص وانها تخاف عليا واخاف عليا وتكون محل ثقه لان الصديق او الحبيب بيكونوا

اقرب ناس للقلب وبيكونوا المصدر الاول للثقه

3 / هل هناك شخصية اعجبتى بها ولم تستطيعى البوح عن اعجابك بتلك الشخصية ؟

شور فيه شخصيه اعجبت بيها جدا بس مقدرش ابوح بيها خوفا انها تتفهم غلط

4 / لو امامك اختيارين ايهما تختارى الزواج ممن تحبيه ام تكملة دراستك الجامعيه ؟ عليكى اختيار شئء واحد فقط ولماذا ؟

او بمعنى اخر ايهما تضحى

أختار دراستى طبعا بدون اى تفكير لانها مستقبلى والل هيتبنى عليها مشوار حياتى الل جاى

الحب غالى فعلا وصعب التضحيه بيه بس الدراسه كيانى وقيمتى فى المجتمع والل هتحفظنى وتمنعنى انى

احتاج لاى حد

5 / ياترى هل جالك احساس بالوحدة قبل ذلك وهل حاسه ان حياتك الايام دى ينقصها شئ وبتبحثى عنه ؟؟؟

انا الحمدلله موش حاسه بالوحده خالص لانى فى وسط اهلى واصحابى دايما لكن ناقصنى شئ مهم فى حياتى

ومازلت ببحث عليه واتمنى اقابله

اتمنى ان اسئلتى تكون خفيفة عليكى ومنورة كرسى الاعتراف ياسندريلا

شور اسئلتك خفيفه وجميله ونيو وانا استمتعت بيها

ميرسى ليك يا أحمد

اختى الغاليه سندريلا
يشرفنى ان تكون اول مشاركة لى فى كرسى الاعتراف ان تكون استجوابك
وياريت اكون خفيفة جدا عليكى باسئلتى

1\:بياناتك الشخصية من خلال بطاقتك الاسم والسن والمهنة والعنوان

2\: هل ياترى اسم سندريلا مجرد لقب اختارتيه للمنتدى ام لقب معتاد ليكى فى الحياة

3\: اكتر صفة بتحبيها فى نفسك

4\: اكتر صفة مش بتحبيها فى نفسك

5\: اكتر شخصية اثرت فى تكوين شخصيتك

6\: اقرب حد بتفتحيله قلبك

7\: ما معنى الصداقة من وجهة نظر سندريلا

8\: ما معنى الحب من وجهة نظر سندريلا

9\: اكتر اكلة بتحبيها

10\: اغنيتك المفضلة

11\: الممثل المفضل عندك

12\: ايه رايك فى الاسئلة وبصراحة ههههههه

اتمنى انى اكون مش طولت عليكى

ميرسى هبه لاستضافتك الرقيقه دى وانا سعيده يا قمر بمشاركتك

واسئلتك الخفيفه على قلبى

1\:بياناتك الشخصية من خلال بطاقتك الاسم والسن والمهنة والعنوان

الاسم راندا

السن 18

المهنه طالبه فى كلية صيدله جامعة الزقازيق

العنوان القاهره

2\: هل ياترى اسم سندريلا مجرد لقب اختارتيه للمنتدى ام لقب معتاد ليكى فى الحياة

لاء هو موش مجرد اسم بس لكن معجبه بقصة سندريلا

3\: اكتر صفة بتحبيها فى نفسك

تفوقى فى دراستى وحبى لاصدقاءى

4\: اكتر صفة مش بتحبيها فى نفسك

الفضول

5\: اكتر شخصية اثرت فى تكوين شخصيتك

أخويا طارق

6\: اقرب حد بتفتحيله قلبك

اختى

7\: ما معنى الصداقة من وجهة نظر سندريلا

الصداقة هى علاقة رائعة تجمع بين شخصين يجب ان يكون بينهم

التكافؤ فى الاهتمامات فى المستوى العلمى فى المستوى الاجتماعى

8\: ما معنى الحب من وجهة نظر سندريلا

الحب رباط مقدس يربط بين أثنين على الحب و الوفاء الإخلاص التضحيه التفاني و التفاهم

9\: اكتر اكلة بتحبيها

ملوخيه بالارانب

10\: اغنيتك المفضلة

صدقنى خلاص لعمرو دياب

11\: الممثل المفضل عندك

أحمد عز

12\: ايه رايك فى الاسئلة وبصراحة ههههههه

أسئله خفيفه وجميله ثانكس هبه

منوره يا راندا كرسى الاعتراف

اسفه ع التاخير يا قمر

الاول اشربى العصير وبعدين جاوبى ع الاسئله

العضوة الجميلة سندريلا معانا في كرسي الاعتراف Nsaayat685d1cdbe0

العضوة الجميلة سندريلا معانا في كرسي الاعتراف Nsaayat685d1cdbe0

ماذا ستكتبى لنا لتعبرى عن حياتك التي عشتيها الى الان في كلمات قليله ؟؟؟؟

ما رأيك بالذي يضحي بنفسه من أجل الآخرين و هو على علم بأنهم لن يقدروه؟؟؟؟

أذكرى لي موقف

مضحك حصل لك ؟؟؟؟

موقف محزن حصل لك ؟؟؟

موقف صعب فى حياتك؟؟؟؟

موقف سعيد فى حياتك ؟؟؟؟؟

موقف حزين فى حياتك ؟؟؟؟؟

امتى بتحسى انك ضعيفه ؟؟؟؟

طيب امتى بتحسى انك قويه ؟؟؟؟؟

ما هو هدفك فى الحياه؟؟؟؟

ويارب تكون اسئلتى بسيطه وخفيفه عليكى

منوره كرسى الاعتراف

واسفه ع التاخير مره تانيه

اعتذر لغلق الموضوع

وذلك لغياب الضيف