وجهة نظر بخصوص التعديلات الدستورية الاخيرة ياترى نعم ام لا

بسم الله الرحمن الرحيم

بخصوص التعديلات الدستورية

هناك انقسام كبير جدا فى مصر

بين مؤيد للتعديلات الدستورية الاخيرة وبين معارض لها

انا من مؤيدى التعديلات الدستورية وبيأدها بشدة جدا

والاسباب كالأتى

الموضوع بكل بساطة

الدستور بينص ان الشريعه الاسلامية هى مصدر التشريع

اظن مادة زى لايختلف عليها احد

وكذلك باقى مواد الدستور كلها جيدة او مقبولة ولاتضر أحد

عدا المواد التى يتم التعديل فيها

الخاصة بمدة الرئاسة والخاصة بقانون الطوارئ والخاصة بوجود قضاء فى الانتخابات وبعض المواد الاخرى

يبقى السؤال هنا ليه نغيره ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نفسى افهم وحد يجاوبنى ليه نغيره

احنا قبل ثورة 25 يناير واثناء ثورة 25 يناير

كان مطلب الثورة هو تعديل مواد الدستور

حكاية تغيير الدستور دى شئ جديد

اخترعه البرادعى وامثاله برده

ونزلوا ورق ورفعوا يفط فى كافة الشوارع بكدة

الدستور به بعض المواد وسيتم تعديلها

اما باقى المواد فهى لاتضر احد

يبقى لماذا يتم تغيير الدستور

يبقى ليه نغيره ونقعد نوجع دماغنا ونخلى فيه صراع بين المسيحين والمسلمين

لان المسيحين عاوزين يدخلوا المسيحية كمصدر للتشريع ايضا بجانب الدين الاسلامى

ليه نحمل الجيش فوق طاقته ونخليه يمسك البلد الفترة دى كلها

وترك وظيفته الاساسية وهى حماية حدود مصر من الجنوب فى السودان

ومن الشرق والغرب فى فلسطين وليبيا

ليه

دى مش وظيفة الجيش انه يمسك البلد ويترك الحدود

وللعلم هناك عربيات بتدخل مصر عن طريق السودان محملة بالاسلحة والمتفجرات

وعن طريق غزة ورفح

ودى اتت من ايران عن طريق طائرات

ودخلت فعلا مصر ودى من مصادر فى الجيش نفسه قال كدة

اذن الحدود المصرية فى خطر

واحنا لسه عاوزين نعمل دستور جديد وبنفكر فى شوية مواد على الورق

وسايبين حدودنا

وسايبين الاقتصاد نايم وفى خلال اشهر بسيطة كما ذكرت احد الصحف البريطانية

احتمال مصر تعلن افلاسها لو استمر الوضع على كدة

ده غير السياحة اللى اضربت

والاوضاع الزفت اللى فى مصر

وعدم الامان وكل ده

واحنا مش عاجبنا العجب

الشعب المصرى بالذات مبيعجبوش حاجة

تروحله يمين يجيلك شمال

تروحله شمال يجيلك يمين

كان مطالب الثورة

حل مجلس الشعب والشورى

وفعلا اتحل

حل جهاز امن الدولة

وفعلا اتحل

اقصاء الرئيس مبارك وفعلا تم تنحيه واقصاؤه

محاسبة الفاسدين وفعلا بيتم محاسبتهم

تعديل الدستور وفعلا هيتم تعديل المواد اللى مش كويسة

الناس عاوزة ايه ؟؟؟؟؟؟؟؟؟؟؟؟؟؟؟؟؟؟؟؟؟ نفسى افهم

فى ناس بتقول

اصل الدستور كان فى عهد النظام السابق وزى مالنظام اتشال نشيل كمان الدستور

هو ده تفكير كتير من الناس البسطاء

الدستور ماله ومال النظام السابق

الدستور ده موجود قبل اساسا مالنظام السابق ده ياتى الى الوجود

ولكن النظام السابق غير بعد المواد حتى تمشى على هواه

والمواد دى هى اللى هيتم تعديلها وهترجع زى الاول واحسن من الاول

والدستور محتفظ بشرعيته وكل حاجة

يبقى ليه نغيره من جديد ونضع الدولة تحت الاحكام العرفية

ونهلك الجيش بتاعنا ونخليه يتحمل فوق طاقته ويترك الحدود ووظيفته الاساسية وهى حماية مصر من الاعداء

كل ده عشان ايه

عشان شوية مواد على الورق

وللعلم لو تم تغيير الدستور هيتم وضع نفس المواد لان محدش هيخترع مواد

بس اللى هيحصل انه هيبقى فيه صراع بين الاحزاب وبين المسلمين والمسيحين

والبلد هتفضل على الحال ده

حتى يتم الاتفاق على دستور جديد

يكون مصر باظت واعلنت افلاسها

ونفسى اعرف لما نعمل دستور جديد

ايه وجه الافادة

هل السياحة هتزدهر هل الاقتصاد هيتطور ويكبر

ماهى هياها القوانين والمواد هتتحط

بس هنخسر وقت كتير اوى لما نعمل دستور جديد

الوقت ده كان ممكن اننا نظبط فيه حاجات كتير ونحاول نرتقى باقتصادنا والسياحة بتاعتنا

ونترك الجيش يسلم مسئولية البلاد لرئيس منتخب ويتم تعديل المواد اللى اتقفوا على تعديلها

ومصر تمشى والاستقرار يحدث

لكن طبعا الشعب مش بيعجبه كدة

عاوز الدستور يتغير كله

طيب وحدودنا الخارجية والعربيات اللى بتدخل من السودان وغزة

مش مهم

طيب اقتصادنا وخسائره مش مهم

طيب السياحة والامن والاستقرار مش مهم

اهم حاجة نقطع فى بعض عشان نعدل شوية مواد ورقية على الورق

والمواد دى اساسا موجودة وتمام وشغالين بيها من زمان

هى المسالة بس فى 6 مواد وهيتم تغييرهم

فى ناس بتقول اصل الاخوان المسلمين قالوا نعم فاحنا ازاى هنقول نعم زى الاخوان

لا احنا لازم نقول لاء

ياسلام على التفكير

اولا انا ضد جماعة الاخوان ومش بحب سياستها

لكن افترض اتنين ضد بعض بس اختاروا حاجة صح

هو لازم عشان اللى ضدى اختار الصح اقوم انا اعمل عكسه ؟؟؟؟؟؟؟

ياعنى مثلا انا وواحد متشاكلين مع بعض

بس صاحبى ده بيصلى اقوم انا مصليش واعمل عكسه

عشان انا ضده

ماهى هياها

الاخوان قالوا نعم لان ده الصح

يبقى ليه احنا نقول لاء

عموما هى وجهة نظر وانا بقول وجهة نظرى فقط وكل واحد حر فى وجهة نظره

واسف على الاطالة

موضوعك جميل جدااااااااااااااااااااا

تسلم ايديك

&&&&&&&&&&&&&&&&&&&

انا بقى ولا بأيد التعديلات الدستورية

ولا حتى معارض

لأنى طبعا معرفش الدستور بيقول ايه

عشان ابقى معاه او ضده

بس المواد اللى كانت غلط

اتعدلت يعنى ليه نعمل دستور جديد ؟

انا كل اللى عايز اقوله

ان الشعب دلوقتى المفروض يبقى ايد واحدة

فى حماية البلد واستقراره يعنى مش البلد يبقى فيها اعمال بلطجة

وسرقة وحوادث والكل ف الروقان وجايين يقولو تعديل دستورى

هو فيه رئيس اساسا عشان يبقى فيه الكلام دة

عدلو الدستور ولا ترموه

وتعملو دستور جديد ماشى بس مش دلوقتى البلد مصالحها بتتخرب والأمن مش مستقر

ودول جايين فى اتفه الاسباب ويتكلمو

كل ما يحلو مشكلة يخترعو مشكلة جديدة ويعملو ثورة

ههههههههههههههههه

اما الشعب المصرى دة نكتة والله هههههههههههههههه

المهم دلوقتى الامن والاستقرار ف البلد وبعد كدة يبقو يعملو دستور جديد

ولا حتى يعدلو فيه بس مش وقته خالص دلوقتى

وكمان انهاردة اللى حصل دة فى الاستفتاء

دة مسخرة والله العظيم مسخرة

الطريقة كانت منظمة بالفعل وفيها ديمقراطية بس

دى مش ممكن يكون طريقة استفتاء ف 2011

كل حاجة بقى فيها التكنولوجيا والكمبيوتر

ودلوقتى بقى كل حاجة متوفرة ف البلد

انا اشوف انهاردة الناس واقفة طوابيرررررررررررر

هههههههههههههههههه

هو فرن عيش ههههههههههههههههه

امال هما اخترعو التكنولوجيا ليه

ليه ميبقاش طريقة الاستفتاء

ع الكمبيوتر

ب الرقم القومى ومفيهاش غش طبعااااااااااااااا

كل واحد يدخل اسمه والرقم القومى وصوته نعم او لا

وخلاص

مش نقف طوابير عيش كدة ونعمل بالطرق التقليدية دى لسة هنعد الورق

1

2

3

ههههههههههههههههههههه

بالهووووووى دول ع كدة هيخلصو ع السنة الجاية هههههههه

انا عارف انه كذا واحد بيعد طبعا وفيه اشراف من القضاه بس برضه

يبقى فيها شوية من التحضر كدة

دة احنا 2011 يعنى فى عصر التكنولوجيا

اشمعنة يعنى التسوق عبر النت موجود وسهل

shoping on the net

حجات هايفة زى دى تبقى ع الكمبيوتر

والاستفتاء ع ورق هههههههههههههههههههه

وطبعا هى طريقة سهلة وسريعة جداااااا

وموفرة للوقت ونظامية وديمقراطية

ربنا معانا ومع مصر دايما ان شاء الله

انا بقى كنت مؤيده للتعديل الدستورى رغم انى عارفه من قبل ما حسنى يتنحى ان الدستور لازم يتغير كله

لانه فى مواد عقيمه زى مثلا الماده ال بتتكلم عن الجمهوريه العربيه المشتركه

وغيرها من المواد المتناقضه بس جيت فى وقت التعديل وفكرت انه لازم نقول نعم

علشان الاستقرار وعلشان الاقتصاد ....الخ

بس يوم18 غيرت رايى تماما ليه بقى؟؟؟؟

علشان عيون الماده189 وال بتعدم اراده الشعب فى اى تعديل دستورى

وكمان عاوزه اقةل ان الاخوه المسيحيين مش هيفكروا يطالبوا بتغغير الماده 2

ونفترض انهم هيطالبوا بتغييرها هنوافق ونعمل استفتاء احنا دوله ديمقراطيه

وفى النهايه عمر الماده دى ماهتتغير

هتقولولى هيعملوا اعتصام ومظاهره وحلنى بقى لما الاستفتاء هيتعمل

واقتصاد البلد هيدمر والمصالح هتقف الخ

هرد زى ما رد اللواء فى الجيش ال مش فاكره اسمه وقال ان سواء الاستفتاء بنعم ولا لا

فأنه لن يؤثر على البلد ولاله علاقه بأقتصادنا
وقال كمان ان القوات المسلحه عامله حساب كل حاجه

دى ناس عقلها شغااااااال مش بتفترض ولا بتسيب حاجه للظروف

اضيف كمان ان لو مدينا المده وغيرنا الدستور فى ناس هتاخد فرصتها وتظهر

ويمكن تكون احسن من الموجودين بس دلوقتى الاحزاب الجاهزه هما الاخوان

وبقايا الح***الوطنى والاخوان قالوها صريحه احنا هناخد جزء كبير من المجلس

بعد كده فرصتهم بقى فى الترشح للرئاسه وتبقى هى هى وضاعت الثوره

كمان الناس ال ماتت دى ليها حق وتغيير الدستور مش هيهد مصر بالعكس

ده خطوه افضل للكل لما اعمل دستور جديد يحقق مطالبنا مش هستنى لما ييجى الرئيس ويفصل دستور

والله اعلم يمكن بالشكل ده اخلق ديكتاتور جديد

عموما سواء نعم سواء لا الكل عاوز مصلحه البلد

ودى وجهه نظرى (اختلاف الرأى لا يفسد للود قضيه )

اول مواد الديمقراطيه

سورى طولت عليكم

goooooooooood