هل تتزوج فتــاة لها قصــة حب سابقة

في ظل التحديات الجديده ووسائل الاعلام والعولمه والانترنت والديمقراطية والإنفتاح و و و ، هل توافق على الزواج من فتاه لها قصه حب سابقة...
اريد الرد من الشباب والفتيات وووجهات النظر والخلاف لايفسد في الود قضية ...

ولاتتهرب أو تتهربي من الاجابة لانك واقع أوواقعة لامحالة ؟!!!

أرجو من الجميع المشاركة

مش عارفه بس الواقع بيقول ان مفيش شاب ملوش ماضي وفي واقعنا اومجتمعنا ان الولد يكون له تجربه سابقه او ماضي سابق عادي لانه ولد والعكس البنت مينفعش يبقي ليها ماضي ونكون بتحب واحد وبعد كده ترتبط بواحد تاني دي اسمها خيانه ياريت كل اللي تحب واحد تكون واثقه ان نهايه الحب ده الارتباط بيه مش بغيره يا اما مش تحب وتسيبها لربنا ونصيبها .. وفي الاخر النصيب هيجي لحد عندها وهي مرتاحه
(عسي ان تكرهوا شيئا وهو خير لكم) ولا رايك ايه يا احمد...........؟؟؟؟؟!!!
شكرا ليك

ايون فعلا مفيش شاب مش ليه ماضى وبعدين ايه يعنى انت بتحب هيا مش خلاص القصه فشلت وانتهت
بس الشباب معظمهم لالاسف يقول لا انا عايز بنت مش ليها ماضى ابدا
وياريت زى ماهوه مش يرضى انه يترفض بسبب ماضيه يحك نفسه مكانها بالظبط لانها بتكون قصه وانتهت

بجد موضوعك هايل
بس احب اعرفك ان مفيش حد
ماكنش له ماضى
وبيتهيئلى ان طلامه ماقليش
خلاص
لان دى حاجه تخصه هو
ولا ايه

ازاي الشاب ياخد واحده محبهاش ويقول انا هاخد واحده ملهاش تجارب وانت عرفت منين انها ملهاش تجارب شكرا علي الموضوع (اللي تعرفه احسن من اللي متعرفوش)[

انا شايف ان الموضوع عادى جدااااا
وخصوصا موضوع الحب و الكره
يعنى الرسول علية افضل الصلاة و السلام كان عندما يحس بحب تجاة السيدة عائشة شوية عن باقى زوجاتة كان يستغفر ربة ويقول :اللهم لا تؤاخذنى فيما لا أملك.
يعنى موضوع القلوب دا مش بمزجنا .يعنى مثلا البنت لما تشوف ولد وتحبة او تنجذب لة عادى جدا لان الموضوع مش بيكون بمزجها .
انا شخصيا الموضوع مش فارق معايا لان انا كمان ليا حالة حب .
بس اللى هيفرق معايا هل هى لسة بتفكر فية ؟
او انها طول الوقت عمالة بيتعمل مقارنة بينة وبينى وحاجات من دى ؟دا وقتها اللى هيفرق معايا .
وانا ان شاء الله اللى هرتبط بيها هتكون عارفة كل حاجة عنى قبل الارتباط زى ما هكون عارف انا كمان كل حاجة عنها .
الف شكراااااااا ياحمد الموضوع حلوووووووو

موضوعك جميل اوووي يا احمد

مين منا ليس له تجارب قبل كده

اه انا لسه مش حبيت بس ممكن احب وكده ومش يكون من نصيبي

وممكن اكون من نصيب تاني فهل هو من حقه انه يعاقبني على هذه التجربه ؟؟؟؟؟

ولكن كل ماضي يفرق عن انسان تاني

في ماضي عادي جداا انها ليها تجربه شهر شهرين كده

وفي ماضي ممكن يكون سنه او سنتين وهكذا يعني ( خطــــــــــوبه )

ولكن الانسان اللي هيرتبط بانسانه ليها ماضي

هل هو هيقدر ينسى ماضيها لو عرف يعني

وهو فعلا بيحبها وواثق فيها

وهكذا الفتاه التي ترتبط بانسان له ماضي

هل هتقدر تنسى وهتثق فيه وتنسى الماضي

ويعيشوا حياه جديده بـــــــــــــدون مــــــــــاضي

وزي ماقال جـــــــفارا

بس اللى هيفرق معايا هل هى لسة بتفكر فية ؟؟؟

او انها طول الوقت عمالة بيتعمل مقارنة بينة وبينى

وحاجات من دى ؟دا وقتها اللى هيفرق معايا ....

اهم شئ ان الانسان ده يكون نسي حبه ومش بيفكر فيه خالص

واهم حاجه ان الانسانه نسيت حبها ومش بتفكر فيه نهائي

انا بقى يا احمد عايزه اعرف رايك .....

هل تتزوج فتــاة لها قصــة حب سابقة

ومعلشي على الاطاله يا احمد ....

اتمنالك التوفيق ومتنظره اجابتك

الموضوع ده عادى جدا بيحصل كل يوم واهم حاجه ان الموضوع ده مياثرش ع حياتها او حياته بعد كده مع انسان جديد دى الفكره