هل يمكن للشاب ان يتزوج من هى اكبر منه سنا؟؟؟؟؟

هي فعلا مشكله واكتر مكان توجد فيه المشكله دي في الجامعات والمعاهد وهو اعجاب البنت بي شاب ممكن يكون اصغر منها بي سنه مثلا وده بيكون بدافع الحب بس المشاكل بتكون اكبر من الحب شكرا علي الموضوع ده

انا مش عارفه بصراحه بس انا لو فى الموقف ده

مش هاختار انى ارتبط بشخص اصغر منى

ميرسى يا احمد ع التوبيك

تقبل مرورى

انا عن نفسي مش هوافق اني ارتبط بانسان اصغر مني
لان انا او البنت عموما بنحتاج نحس بالامان مع الطرف التاني
طب ازاي احس بالامان مع واحد اصغر مني
وبعدين يعني ضاقت الدنيا خلاص عشان اخد اللي اصغر مني

والموضوع كله في الاول والاخر وجهات نظر واراء مختلفه
بس انا مش مع كده

انا في نظري ماينفعش الراجال قوامون ع النساء لازم يكون الراجل اكبر وتفكيره اكبر علشان يقدر يبقى قوام فعلا.................. شكرا ع الموضوع يااحمد

شكرا لردك يا انجى وكويس ان احنا متفاهمين فى وجهة النظر

فى حالات مش كتير بيتجوز الولد واحدة اكبر منه ولكن ممكن تكون الظروف هية الى حطته فى الموقف ده وفى حالات قليلة الولد بيحب الى اكبر منه دى حب حب يعنى مش هزار وبينسى الى هية اكبر منه وبيبقوا عايشين فى منتهى السعادة ولكن اكمن المجتمع اخد على ان الولد يكون اكبر من البنت فانتوا بقى مش متصورين العكس وبينى وبينكوا انا كمان مش متصورة كدة برضة ومبرجش تكون البنت اكبر من الولد والموضوع ده جامدة جدا يا استاذ احمد ومشكور

هو البنت المفروض تتجوز واحد اكبر منها لان البنت بتكبر قبل الولد معتقدش ان هو ياخد اصغر منة

اولا مهما كان الحب اللي بينهم اكيد فرق السن هيأثر عليه
وكمان نظرات الناس والمجتمع
انا شايفه ان مينفعش تكون البنت هي الاكبر سنا
لازم يكون الولد هو الاكبر
بس انا عايزه اوضح ان فيه وحده اعرفها متزوجه من واحد وهي اكبر منه بخمس سنين
ومع ذلك هو بيحبها اوي ولسه بيحبها
بس انا شايفه انه مينفعش حتي لو كان هو بيحبها اوي

الموضوع جميييييييييييييييل قوى بجد بس انا افضل ان الولد يكون اكبر م ن البنت حتى لو اكبر منها بسنة بس المهم يكون اكبر منها شكرا على الموضوع المتميز دة

انا عن نفسى ما ارضاش انى زوجى يكون اصغر منى سنا هى صحيح بتحصل وممكن يكون ف جوازات ناجحه لكن بنسبه كام ف الميه اكترها 5% لكن بالنسبه للرسول صلى الله عليه وسلم حاجه تانيه شوفوا فات اد ايه ع الزمن ده وبعدين دى السيده خدبجه ف واحده الوقت زيها مستحيييييييييييييييل

الموضوع حلو جدااا والاراء كمان كلها جميلة وبالنسبة ليا انا شايفة ان الموضوع ده يتوقف على شخصية الرجل نفسه
يعنى فى رجل يوافق ان هو يرتبط بواحده تكون اكبر منه مادام هى مش حسه بفرق السن ده وشيفاه كبير فى عنيها
ومش هيضحو بحبهم عشان فرق السن ده وفى رجل تانى ميوافقش على حاجة زى كده يعنى مش كل انسان زى التانى
بس انا شايفة ان لو الفرق مش كبير اوى يعنى بالكتير سنتين يبقى مفيش مشكلة مادام الرجل هيقدر يحتوى الست
بس بصراحة بالنسبة ليا انا انا محبش ان الانسان اللى ارتبط بيه يكون اصغر منى افضل انه يكون اكبر منى
بس بردو فى الاخر الموضوع متوقف على الانسان نفسه وتفكيره وشخصيته
تقبل رايى ومرورى يا احمد والموضوع بجد حلو

كلامك جميل يا أمنية

بس لو جيتى تبصى انتى قولتى وجهة نظرك وانتى عاوزة انسان اكبر منك سنا

وكتير من البنات ممكن يقولوا عادى لو البنت اكبر من الولد طالما هيحتويها

لكن هى مش هترضى انها تتزوج واحد اصغر منها ممكن البنت تقول رايها وهى مش عاوزة كدة

عموما دى طبيعة بشرية الولد ولد والبنت بنت وكل واحد ليه مقياس لازم نمشى عليه

شكرا يا امنية على ردك وكلامك

اولا موضوعك هايل يااحمد
تانياالاسلام ماحددش مين يكون اكبر من التانى
سواء البنت او الولد
بس الافضل ان الولد يكون اكبر من البنت لسبب
البنت بتسبق الولد فى التفكير
ولما يتجوز واحده اكبر منه
مش هيقدر يكمل معاها لان تفكرها مش زى تفكيره
وهيكون المشاكل هى الشئ الوحد المشترك بنهم
فمن الافضل ان يكون الولد اكبر
علشان يقدرو يعيشوا مع بعض فى حب وسعاده وتفاهم
وبدون مشاكل
نيرووووووو

انا عضوه جديده بس بصراحه الموضوع عجبنى اوى لان فعلا موجود فى الوقت الحالى بنسبه كبيره جدا وانا فعلا شوفت اكتر من حد ارتبطو ببعض والبنت هى الاكبر والموضوع منجحش خالص
ومن وجهة نظرى انا عن نفسى مرضاش انى ارتبط بشخص اصغر خالص

اه ممكن يجوز واحدة اكبر منه بدل فيه بينهم حب و الاثنين عاوزين بعض فعادي لو الشاب اجوز

واحده اكبر منه ( و ده جواز الحب و المعاشرة و الاستقرار ) و ده الرد بتاعه

اما في جواز تاني و هو العمل ( البيزنس ) وده عادي لو اجوز من واحده اكبر منه بدل هيستفاد

فطبعا ده عادي ممكن يجوزها

و شكرا على موضوعك الجميل بس ياريت متقليش مفيش جواز اسمه بيزنس علشان في فعلا و لو

انت قلت مفيش يبقى انت من عصر العولمة و شكرا ياريت تتقبل ردي

لا فعلا فى جواز البيزنس او بمعنى اعم جواز المصلحه
بس ده مش بيستمر كتير وبعدين هو الواحد هيتجوز واحده اكبر منه ليه الا اذا كان فيه حاجه بينهم
وشكرا على الموضوع الهايل ده
elkhawaga

انا فعلا فى الاول كان رايى ان مينفعش الرجل يرتبط بمن تكبره فى السن لكن والله ياجماعة انا شفت بعينى قصص كتيرمن هذا النوع وكلها ناجحة جدا لان ممكن تكون البنت سنها كبير بس شكلها اصغر من سنها وبعدين كل حاجة قسمة ونصيب

عادى الرسول صلى الله عليه وسلم اتجوز السيده خديجه
وهى اكبر منه بعشرين سنه

دى وجهه نظرك يا أمجد بس الزمن اللى احنا فيه ده مش زى زمن الرسول صلى الله عليه وسلم والرسول كانت افعاله من المعجزات

شكرا لكل الردود ولكل وجهات النظر

بس المعروف ان احنا فى عصر غير عصر الرسول عليه الصلاة والسلام

بصراحه الموضوع حلو اوى وواقعى وانا شوفت حاجه زى كده بس للاسف انتهت بالفشل

و علميا كان اتعمل ابحاث قبل كده و كان فرق السن المناسب بين الزوج و الزوجه هو 4 سنين تقريبا ده الحد الوسط يعنى

اما شخصيا فانا شايفه ان الطرفين هيكبروا و الزوج لما مراته تكون اصغر منه بيكون شايفها حبيبته الصغيره لكن لما تكون اكبر منو هيكون فى مشاكل بعد كده و سببها الرئيسى العامل النفسى

عموما ده رأى و تقبل مرورى :)

شكرا لردك يانونا

ومرورك ووجهة نظرك

وبجد رايك جميل ومتوافق مع رأى

دومتى بخير

انا اسف ومع احترامى ليكم جميعا وللارائكم انا شايف ان الموضوع عادى جدا وينفع ماداموا متفاهمين وبيحبوا بعض وهيا بتحترموا اكيد هيعيشوا حياه سعيده السن عمره ما كان مقياس للسعاده انا واحد من الناس كنت بحب واحده اكبر منى وكنت بحترمها جدا ولحد دلوقتى با احترمها وهيا كمان وعشت معاها اجمل قصة حب ووالله وبجد كنت ناوى انى فى يوم من الايام ارتبط بيها بس بالنسبه ليها الله اعلم كانت بتحبنى ولا لأ ولا كانت بتسلى وقت الله اعلم بصراحه عادى معدتش تفرق كله زى بعضوا لأ بس تصرفاتها وافعالها معايا كانت بتدل انها بتحبنى وممكن كانت بتمثل عليا الله اعلم بس اللى بجد انى والله حبيتها المهم كان فيه حاجه تخصها معايا جاتلى واخدتها ومن بعدها ارن عليها متردش ارن تكنسل المهم مع اول يوم الجامعه شوفتها واتصلت وفتحت عليا وكل اللى قالتهولى احنا بحكم الناس وبحكم المجتمع مش هننفع لبعض وانا قولتلها ياريت يكون دا السبب ومن بعدها خلاص كل واحد مننا راح لحاله اللى انا عاوز اوصلهولكم ليه نضيع اى حلم جميل لينا علشان كلام الناس والمجتمع والبيئه ما دمت انا مقتنع برائيى بس اللى انا عاوز اعرفه انها كانت بتحبنى ولا كان تضيع وقت عموما كلها زى بعضها مش هتفرق كلهم زى بعض مفيش حاجه اسمها حب اصلا سواء بين كبير او صغير عندك حق يا احمد وانا اللى غلطان كان لازم اعرف من الاول ان مفيش حد يستاهل

انا يا جماعة رايى ان مينفعش خااااااااااااااااااااااااااااااااااااااااااااااااااااااااااااااالص وخدوها نصيحة منى ومش هقدر اقول الاسباااااااب اسف بس نصيحة محدش يقع فى الغلط دة

لما مش هينفع تقول رايك وليه قولتيه وليه مينفعش خالص السن عمره ما كان مشكله وايه هيا الاسباب دى ياريت تفدينا اكتر من كدا ايها الملاك الطائر