كيف تواجه مشاكلك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

من أنت أتعرف حقا نفسك

كيف تواجه مشاكلك

هل تهرب

هل تنادي أحدا يساعدك

هل تتركها كما هي ولا تحاول حلها

أم تحلها وتواجهها

لاحظ أنا لا أحدثك عن مشكله صغيره أنا أحدثك عن مشكله قد عظم حجمها

ستواجه فيها أهل بيتك ومجتمعك وربما تخسر بسببها أناس كثيرين

تخيل أنك أنت صاحب المشكله ربما لم تواجه مشكله قد عظم حجمها من قبل

وربما قد واجهتها بالفعل

وواجهت عيون من حولك

أو هربت
أو سكت
لذا دعني أحاورك من الداخل وتخيل معي أنك في مشكله فماذا ستفعل ؟؟؟؟؟؟؟؟؟؟؟؟؟؟؟؟؟؟؟؟؟

اولا هحدد ما هى المشكله واحدد حجمها
واتعرف على اسباب تلك المشكله
وابدا فى طرح الحلول التى من الممكن ان تؤدى الى حل تلك المشكله
واختار افضل الحلول

فى مشاكل طبعا اكبر منى ومش هقدر احلها لوحدى
لازم اشرك حد معايا فى حلها ويكون اكبر منى سنا ولديه خبره(والدى مثلا)
ليستطيع اعطائى نصائح تساعد فى حل المشكله
ده رائى الشخصى
موضوع جميل جدا
تسلم ايدك

واله يا أمير إنت كلامك عقلاني
لكن تخيل إن المشكله دي مع والدك
أو أهلك وهم معارضينك في حاجه
تمس مستقبل
هتوجهم
ولا هتعمل إيه؟

لو الحاجه اللى هما معارضنى فيها هما عندهم حق وهم على صواب

وانا اللى غلطان هختار الصح اكيد

لكن لو هما غلط ومصممين على غلطهم يبقى هواجهم وهختار الصح

ده مستقبلى انا وانا اللى اقرر مصيرى ايه

ومفيش مشكله لو اخدنا راىء اى شخص نعرفه(عمى مثلا او خالى)

يعنى شخص كبير وذو خبره برضه وعاش تجارب كتير فى الحياه

اكيد هيفدنى

والله يادنا زى ماقال امير بالظبط هنحاول على قد مانقدر اننا نحلها ولو مقدرناش نكلم والدنا ولو احنا مقتنعين والاب مش موافق ومكبر المشكلة زيادة عن اللزوم نحاول نتفاهم معاه ولو المشكلة خاصة بمستقبلنا عمر الاب ماهيغصب علينا حاجة احنا مش عايزينها وطبعا اصبحت مشكلة كبيرة فى حياتنا كل اللى عاوزه اقوله اهم حاجة الصبر والتفاهم لازم نصبر فى حل مشاكلنا والا اصبحبت مشكلة كبرى طول عمرنا

انا دايما ودائما اغلب مشاكلى بحلها لواحدى
محدش بيدخل فى اى مشاكل ليا نهائى
ممكن فقط مجرد راى يقوله
لان انا معتمد على نفسى وعلى عقلى فى انى احل واواجه اى مشكلة

عمرى والحمد لله ماعتمد على تفكير حد خالص فى انه يحل ليا مشكلة

انا بعتمد على عقلى انا وتفكيرى انا والحمد لله بقدر احلها حتى لو محلتهاش بتبقى حاجة انا عملتها مع نفسى

يعني إيه يا أحمد حاجه عملتها مع نفسك تقصد كعقاب للنفس مثلا

ولا تقصد إيه

وعلى فكره أنا ذيك بحب أحل مشاكلي لوحدي
مش لأني شايفه إني أكثر واحده بفهم

لأ بس بشوف إني انا إلي في المشكله وأكثر واحده حاسه بيها
وأي حد بيدخل أنا بسمع بس كرأي ربما يجدي وربما لا

وبقسم نفسي لثنين وأحاول إني أشوف المشكله من بعيد وأبعد عنها تقريبا كلي حتى يتصرف المنطق لا العاطفه

ردك حلو ياسنسن
بس الصبر والتفاهم مش دائما بيجيبوا نتيجه
خاصه لو المشكله لازم تتحل في الوقت ده يعني في وقت قصير
والتفاهم في ناس مش بتحب التفاهم لأنها شايفه دائما إن هيه إلي عارفه كل حاجه

علشان كده تقدري تقولي لأ أنا هعمل إلي عاوزاه حتى لو حتخسرى حد أو هتزعل ناس ماكنتيش تتمنى في يوم تقفي قصدهم
ولا هتضعفي وتستلمي

والله يا أمير كلامك عين العقل بس
تعرف إنت إجتماعي قوي
وبتثق في الأخرين