موضوع مثير للجدل والنقاااااااااش أدخل وشوف.......

النهردة معانا موضوع مهم جدا يمكن كلنا بنعيشه فى العصر الحالى وزاد جدا ..طبعا اكتر المشتركين اللى معانا فى الكليه وعلى وشك التخرج ان شاء الله ياترى كل واحد لما يتخرج عارف هو هيعمل ايه ولا محدد لنفسه هدف ولا عارف هو هيشتغل ايه وفين النهردة ياشباب مليون فى المية مننا عارف انه هيدخل الجامعه وهيصرف مصاريف كتيرة جدا وهيتخرج وهيقعد فى الشارع بمعنى اصح هيساوى المتعلم تعليم عالى ببتاع الدبلوم وايه اللى يخلينا نقول كده

النهردة والله وده بيحصل وانا بقول الكلام ده عن علم دلوقتى بتلاقى مثلا بتاع دبلوم التجارة شغال فى بنك وشغال فى محكمة هل ده مكانه فعلا ولا أخد مكان واحد تانى على سبيل المثال المفروض المكان ده بيبقى معروف اللى يقعد فيه خريج كلية التجارة ..ده طبعا بنبقى عارفين هو اشتغل ازاى يا اما بالواسطة او بالرشاوى ادفع لفلان كذا عشان يشغل ابنى أو بنتى يعنى تدخله الجامعه وكمان تدفعله فلوس عشان يشتغل طب واللى اتخرج ومش معاه يدفع فلوس يعمل ايه يقعد فى الشارع ............ما العمل؟
حاجه تانيه بتحصل اكيد كلنا بنعرفها برده النهردة بنلاقى ناس جايبه من الاوائل على الدفعه والله وده حصل اعرف ناس كانت جايبه التانيه على الدفعه وهما على امل بقى خلاص انهم هيتعينوا فى الجامعه تتوقعوا يعملوا ايه أخدوا الاول والتالت والرابع وسابوا التانى عارفين ليه لان أبوها مش دكتور فى الجامعه ولا عندها واسطة دى ياترى أملها يتحطم ولا لا والوقتى ابن الدكتور حتما ولازما يبقى دكتور وابن حد تانى يفضل يوجع فى قلبه حتى لو هو مرتب على الدفعه لازم يعمل ماجيستير ودكتوراه وياترى هينجح فيهم ولا لا
بمعنى أصح عاوز أقول ان كل حاجة الايام دى ماشية بالواسطــــــــــة والفلوس معندكش واسطة وفلوس تقعد ...........ويبقى الحوار مثير للجدل والنقاااااااش
مــــــــــــــــــــــــــــــــــــــــا هــــــــــــــــو الحـــــــــــــــــــــل؟؟؟؟؟؟؟؟؟؟

بجد موضوع جميل جدا وفعلا دى قضية احنا عايشينها وبصراحة فى جانبين لازم نكون عارفينه فى جانب اسمه الواقع وجانب اسم الخيال او الحلم الجانب الواقعى هو الجانب اللى احنا عايشين فيه فى مصر ام الدنيا زى ماقولتى رشاوى ووسطة والكلام ده كله ده الواقع اللى احنا عايشينه ولو مافيش وسايط او جانب مادى بلاش كلمة رشوة لان اللى معاه فلوس اكيد بلفوسه يقدر يخلى الغفير لواء وعلى فكرة مش صاحبتك لواحدها اللى اتظلمت فى كتير زيها اتظلموا فى المجتمع ده وعندك حق برده فى ان كتير من الشباب بيكونوا خريج جامعة والاقى واحد دبلوم تجارة بيتشغل فى بنك والحكاية دى على فكرة انا شوفتها ادامى واحد خريج جامعة عمالية اللى بتاخد 50 % اتخرج منها وشغال فى بنك فى المنصورة براتب يتعدى الالف ونص شهريا فى حين واحد خريج تجارة المنصورة ممكن يكون بيتشغل محاسب فى معصرة عصير قصب والله هو ده اللى بشوفه لكن انا شايف ان الموضوع كله مالوش حل غير ان الانسان يحاول يعتمد على نفسه وميبصش لاى وظائف حكومية بتعتمد على الوسايط او النفوذ او كدة ومافيش غير حلين للموضوع ده كله
اولا السفر خارج مصر والعمل خارج مصر

ثانيا فتح مشروع مناسب اى مشروع المهم يفتحه صح ويعرف جانب الخسائ قبل المكسب ويبدا فيه

وميبصش لاى وظائف حكومية بتعتمد على الوسطة او كدة ومتشكر ليكى جدا على الموضوع الهادف ده

شكرا على موضوعك الجميل ده

حسبى الله ونعم الوكيل فى كل ما هو سبب فى اخراب مصر حبيبتنا ام الدنيا

فعلا موضوع مثير للجدل . وتسلم ايدك