هل كلمه شكر تكفى.......ارجو دخول جميع الاعضاء

(السلام عليكم ورحمه الله وبركاته)

_انا حبيت اتكلم فى الموضوع ده لانى شايف انه موضوع مضايق الجميع يعنى مش انا بس

_وهو هل كاتب الموضوع بيكون مستنى ردود من الاعضاء زى اللى بنشوفها من البعض هنا

زى مثلا(شكراااااااا_مشكورررررر_شكرااا على الموضوع )وكلام زى كدا كتير.

انا بصراحه شايف ان الردووووود العقيمه دى بتصيب كاتب الموضوع بالاحباط

وبتخليه معندوش استعداد يكتب ويعمل جديد،واكيد ده هيأثر بالسلب على المنتدى

واحنا كلنا فى النهايه هدفنا هو (الرقى بالمنتدى للامام)لان فى النهايه المنتدى ده لنا يعنى

مش للادمن ولا للمشرفين،ده للاعضاء كلهم،ولكل الزوار،ويكفى انه واجهه لجامعه المنصوره،

جامعتنا،يعنى المفروووض يكون فيه حرص واهتمام اكتر من كدا.

،فيا ريت يا جماعه اللى يرد على موضوع يكون قرأه ،وفهمه كويس ،ويبتدى يقول رأيه فى الموضوع

بصراحه لان العضو اللى عامل الموضوع مستنى منك رد واهتمام اكتر من مجرد (كلمه شكر).

:ويا ريت محدش يزعل من كلمتى دى بس لو حد شايف انه رده على موضوع هيكون كدا

يا ريت بلاش يكلف نفسه،ويرد من الاساس.

كفايه اووووووووووى انه يطلع على الموضوع.

موضوع حلو اوى سندباد وعندك حق فى كلامك بيبقى فيه موضوعات تعبنا فيها ونكون مستنين الرد ممكن الرد ونروح ردين بطريقه ممكن اساسا صاحب الموضوع يحسن انه موضوعه دا متقرأش اساسا وبيرد من باب الواجب او الزوق

بجد موضوعك فعلا عندك حق فيه

وانا شايف ان موضوعك ده لازم يتثبت وانا هثبته وياريت كل الاعضاء تعرف ان لازم على الاقل تقول رايك فى الموضوع بدل كلمة شكرا ومشكور والكلام اللى مالوش لازمة ده الغرض منه فقط انه يزود عدد مشاركاته

عندك حق والله

انا لسة مشتركه جديد يارب الرد بتاعى يكون حلو

بعد السلام ,انا شايفه انه الي بيعرض موضوع بيكون ليفيد الكل بماعنده وأما موضوع انه علشان يزود مشاركاته فده يمكن صح بس للفاضي وعمره ما هيدخل لموضوع قيم ,ويمكن كلمة الشكر وان قلت فهي كبيره وبعدين في المنتدي اوفي اي حاجه في الحياه فاحنا بنكتب ونعطى من غير منستنى المقابل وفي النهايه الجزاء علي كل شئ من عند ربنا ...........ياريت محدش يزعل ده رأي

عندك حق انا بردوا مشتركه جديده وملاحظه الردود التقليديه

مع ان الموضوع ييشجع الواحد انه يتكلم ويناقش قيه

وكمان فى حاجه

مثلا اللى يدخل يقرء موضوع هيكتب تعليقه عليه واللى هيدخل بعده ممكن يقول وجه نظره فى التعليق اللى قبله

فعلااااا يا سندباد الرد علي الموضوع ده حافذ كويس لكاتب الموضوع علي الاقل يحسن ان الموضوع فعلا في حد اهتم بيه ويخليه يكمل في طرح باقي الموضيع بحماس

فعلا الكلام ده كله صحيح وبعدين لازم ندى راينا فى الموضوع ونتناقش فيه و انا شاء الله معدتش عاملة كدة تانى لانى اقتنعت بكلامك جدا واتمنالك التوفيق

بجد موضوعك رائع يا سندباد
بجد عندك حق فيه
علشان نحس بالتواصل والاستمرار وكل واحد فينا يتشجع ويكتب اجمل ما عنده
كل اما يلاقي
اهتمام من اعضاء المنتدي علشان المنتدي يبقي اكيد دايما في التقدم

موضووووووووع جامد زمؤثر وميرسى على الموضووووووو ع يانجم

فعلا موضوعك بجد جامد ومهم جدا
فهلا لان كلمه شكر مش تكفي ممكن الكاتب الموضوع بعد ما تعب فيه وبعد كده يلاقي كلمه شكر بس ممكن يجيله احباط ومش يكتب تاني ويعمل هو اللي اتعمل فيه يعني هو كمان يروح كاتب كلمه شكر بس
بس احنا لازم نشجع بعض ونشارك بعض ونقول راينا بصراحه
ربنا يوفقك يا سندباد

فعلا ياسندباد عندك حق
وميرسى لانك طرحت الموضوع داه

بصراحه كلمه شكرا بس مش كفايه لازم نشجع كاتب الموضوع عشان يتالق فى كتاباته للمواضيع الاخرى وشكرا بجد على الموضوع ده

شكرااااا لكل الاعضاء اللى تفاعلوا معانا فى التوبيك

واهم حاجه تكون الرساله وصلت ....

موضوعك جميل جدا و يستاهل التثبيت بس ممكن تلاقي حد رافض الموضوع او حد قابل

الموضوع عادي او ممكن يكون حلو بس هو محبش يكون موجود فكتب مشكور او شكرا على

الموضوع عادي هتلاقي من ده كتير اصبر و اكيد هتشوف الاحسن و شكرا على موضوعك

الجميل ده

فعلا عندك حق بس اوقات مش بابقى عارفه ارد براى ع الموضوع فبقول شكرا

نقطة في منتهى الاهمية من الاخ sindbad

برأيي المنتدى يرتقي بإبداء رأي العضو وبكذا الآراء تتجمع ونطلع بفائدة كبيرة وكما اشرت عزيزي ان المنتدى وجهه للجامعة يعني كل عضو في جعبته لا يخلو من رأي يفيد به الجميع..... تقبل تحياتي وشكري

طبعا عندك حق بس اوقات انت نفسك ممكن متكونش شايف ان فى كلام يتقال اكتلر من كده فى موضوع و اوقات تانيه الكاتب بيكون محتاج ابداء رأى او نقد علشان يحسن اسلوبه فى الكتابه مثلا او عشان ميحسش بالاحباط 000 بس طبعا كلامك صح و شكرا عالتوبيك و بجد هيفيد ناس كتيير :)

اولا شكرا علي اهمامك وبزات جامعه المنصوره جامعه بلادن وعنك حق في اللي حضرتك قولته ياريت المشرفين كلهم مهتمين زي حضرتك كده ومش هقول مشكور هقول ممنون جدا علي اهتمامك

بجد فكرة جميلة وانا هبدأ بنفسي لك تحياتي

وصـــلـــت الــفـــكـــره ... شــكـــرا عـــلـــى الــمـــوضــوع ... تــحــيــاتــي لـــكــ

موضوع رائع

بصراحه كلمه شكرا مش كفايه لازم نشجع كاتب الموضوع علشان يتألق فى المواضيع الاخرى
وانت فعلا عندك حق ياسندباد
وشكرا على انك طرحت الموضوع دة

انا عضو جديد لسه بس فعلا عندك حق لم تكفى كلمه شكرا خاااااااااااااااااااالص وحتى لو حد عاوز يكتبها لازم يرد على الموضوع الاول وبعدين يقول شكرا

انا هنا جديدة فى المكان.
بس انا معاك سندباد اى انسان هيكتب موضوع ومش هيلاقى رد ومناقشة عليه غير كلمة شكر اكيد مش هيتشجع ويتعب نفسه تانى عشان يجيب موضوع جديد.