هل الحب قلة أدب؟؟

لو سألنا واحد انت بتحب؟؟
هيقولك يا عم ده كلام فاضي صاحبك واد جدع و جامد انا باتسلى بس
(( و القرعه دي ماجتش من فراغ ))
فكأن الحب صار ضعفا مع أنه على مر السنين منبع للقوة و بداية جديده لكل يائس

لو سألنا واحده انتي بتحبي؟؟
هتقولك بسرعه و دون ذرة تفكير بلا قلة أدب انا بنت متربيه كويس

فكأن الوظيفة الأساسية للتربيه هي قتل القلوب و تجميدها

لو بنت أو ولد قالوا قدام أهاليهم كلمة ((حب)) بمشتقاتها ؟؟؟
تبقى بجاحه و جراة و متربوش كويس و يااا خسارة تعبي و شقايا
و غالبا أصلا لو بتتفرج على فيلم رومانسي و حد من أهلك طب عليك بتغير عن الفيلم
بكرامتك قبل ما يجبروك على كده
فكأن الحب صار وصمة عار

لو فكرنا ده بيحصل ليه ?
يبقى لازم نجاوب عن السؤال ده الأول
ليه حصرنا كلمة (حب) في علاقة بين شاب و فتاة و لقاءات دون علم الأهل دون نية للزواج بحجة انه بيقتل الحب مع ان ده - و اسفه عالتعبير- أزبل نوع من الحب بفرض ان احنا سميناه حب أصلا؟؟؟؟؟؟؟؟؟
ليه نسينا ان اسمى معاني الحب تتمثل في//////////////////

-عبد يحب ربه فيطيعه طاعه عمياء دون البحث عن مبررات لأوامره لثقته التامه بان الله بكل شئ عليم

-ابن يحب والديه رغم معارضتهم له في اراءه و امنياته بل و أحيانا رغم تحطيمهم لأحلامه و دفنهم لمواهبه بحجة مصلحته و ذلك لثقته اللامتناهيه بأنهما الحب الوحيد الذي لن ينتهي بخيانة و جراح

-اخ يحب أخته بالرغم من خلافتهم اليوميه و تناقضتهم الرهيبه و ذلك لانه متأكد بأنه لن يجد من يفهمه و يتفهم اخطاءه و اسراره بقدرها
-شاب أحب فتاة لا لمميزاتها و لكن لأنه أحب عيوبها و تقبلها و أيقن أنه يستطيع أن يكمل بقية حياته محاولا إصلاحها و في نفس الوقت راضيا بها تماما و عندها لم يتردد ان يوفها حقها و أثبت احترامه لها فدخل البيوت من أبوابها

تلك الحالات تشعرني و أنا واثقة انها تشعرنا جميعا بأن الحب شئ صاف نقي طاهر كالدنيا عند طلوع الفجر و كل مافيها لايزال نظيفا لم تدنسه خطايا البشر
يشعرني بأن الحب كالطفل البرئ , كنسمات هواء الربيع , لا يمكن ان يكون مصدرا للشقاء و الجراح أو بابا للغدر و الخيانه

خلاصة الأمر

نحن لا نعرف الحب الحقيقي الذي غرسه الله في قلوبنا بالفطره اننا نتحدث عن حب آخر صنعه البشر بقوانينهم الخاطئه لا بقوانين الخالق , صنعوه لملذاتهم البعيدة عن أوامر الله , فاصبح الحب سلاحا يطعنهم في درة قلوبهم
ثم عادوا ليتهموا الحب !!!!
فيقول الكبار ((قلة أدب))
و يقول الشباب (( ضعف و جراح ))

كما قال المتنبي /
نعيب زماننا و العيب فينا ........... وما لزماننا عيب سوانا
أحب أقول/
نعيب الحب و العيب فينا.............. و ما للحب عيب سوانا

نعيب الحب و العيب فينا.............. و ما للحب عيب سوانا

مشكور امير

فعلا كلامك العيب فينا احنا اللى الغلط فينا وفهمنا اللحب بشكل غلط ونعمل حاجات ورا ستار الحب

ممكن ولد يضحك على بنت بكلام الحب واسمه بيحبها وفالاخر هيا تكرهه الحب وسنينه

عموما امير مشكور لطرحك المميز ده

كما قال المتنبي /
نعيب زماننا و العيب فينا ........... وما لزماننا عيب سوانا
أحب أقول/
نعيب الحب و العيب فينا.............. و ما للحب عيب سوانا

عندك حق يا امير فى كل كلامك

شكرا ليك يامان على الموضوع

ya regala

el klam da mesh lel motanabe

مش مهم المتنبى ولا غيره
المهم انه شعر معروف أظن انه للشافعى
مش كده؟
مشكورة يا دنا على التوضيح

ميرسى ليكم كلكم على المرور
ميرسى ليكى يا نور
ميرسى يا احمد على المرور

انا معاك في كلامك بس دي العادات بتاعتنا ان مينفعش ولد يكلم بنت منغير ارتباط رسمي احنا اتولدنا لقينا كدا

مشكوووووووووور كتيييييييييييييير

بس الحب حياة

مشكورين على المرور

انت قولت السؤال وجاوبت عليه

ازاى الحب قله اداب والحب بمعناه بيشمل معانى كتير

حب الله طبعا وحب الام والحب بين الاخوات والحب بين اى اتنين

الحب اللى بجد مش لعب العيال اللى بيحصل..

تسلم ايديك على الموضوع

تقبل مرورى

عارفين ياجماعة اغنية ام كلثوم .............سيرة الحب......................
بتقووووووووووووول ايييييييييييييييييه
طول عمرى بخاف من الحب ............وسيرة الحب وظلم الحب لكل اصحابه.....وفى الاخر بتعرف ان العيب مش فى الحب لكن فى اللى بيحبوا كمان بدافع عن الحب يبقى احنا اللى نيجى ونقول عليه قلة ادب
بصراحة اللى قلة ادب من وجهة نظرى استغلال الشباب والبنا ت لاسم الحب وانهم يعملوا اشياء كتير باسم الحب بس لو بيحبوا بعض صح مش هيعملوا الحاجات دى وهيكون عندهم الشجاعة انهم يقولوا لاهلم
ولعلمك احنا ظالمين اهالينا كتير بالعكس انا بتفرج معاهم ع الافلام الرومانسية وبيكونوا متابعين معايا وبيتاثروا زيي
ارجوا ان تتقبل ردى وماكونش طولت عليك ...........موضوعك جذاب جدددددددددددددا

مشكوره يا مووره على المرور
وميرسى ليكى يويو

الحب مش عيب لان الحب شيء لا ارادي
والحب فعلا مش محصور بين الولد والبنت
الحب له معاني كتير وانا بعتبره من اسمى الاشياء في النيا
لكن يا خسارة احنا اللي غلط

كلامك زى الفل

ميرسى ليكى

[url][/url]شكرا على موضوعك جميل بجد

law kan el7ob klmat toktb l2nhit aklame lkn el7ob arwa7 fhl ykfe ll7beb elro7?????????
el7ob 3nd nas kter klt adb bs hom bekolo kda 3lshan msh 3aisheno kman ele yge yshof el7ob fe elzmn dh ykol kda l2n a3lbio tslia swa2 elwld aow elbnt
mshkoooooooooooooooooooooooor

مشكووووووووووووووووووووووووووووووووووووووووور

مشكورين على المرور