تانى موضوع بعد حل الهدنه......يلا يا بنات

_على فكره الموضوع ده منقول حرفيا ،وكاتبه الموضوع بنت ،يعنى بلاش اى بنت تقول الكلام ده مش بيحصل.

موضوعي عبارة عن سؤال بتساليه لنفسك او لصاحبتك لما تتحطي في موقف من المواقف دي
و السؤال هو :اعمل ايه ؟؟؟؟
و اقولكم بقي لمحة من المواقف اللي اقصدها

1- عارفة الولد دة .... دة معايا في كورس ......( او طبعا درس ..... ) و حاسة انه معجب بيا و خايف يكلمني و انا برضو بصراحة معجبة بيه .... ايه رايك اعمل ايه ؟؟؟؟

2- الولد دة جاري علي فكرة بس دة حتي مش بيقولي السلام بس يعني هو لذيذ و مؤدب و انا معجبة بيه .....مش عارفة بقي اعمل ايه ؟؟؟؟

3- دة معايا في الكلية علي فكرة ( طب ما تروحي تكلميه ) ايه ؟؟ انا اللي اروح اكلمه دة بيكلم كل البنات تقريبا و يجي لحد عندي مفيش حتي صباح الخير بس بيني و بينك الواد مووووووووز و انا حاموت و اكلمه ..... ماتقوليلي بقي اعمل ايه ؟؟؟؟

4- غريبة اوي (هي ايه دي اللي غريبة ؟؟) شايفة الولد دة دي تالت مرة اشوفه صدفة و انا و هو نعد نبص لبعض كدة من غير اي حركة منه او مني ، شكله محرج يجي يكلمني ،ايه رايك اكلمه انا .....طب بس اعمل ايه ؟؟؟؟

اعتقد كدة الكلام بقي واضح و السؤال
عمرك كنتي في موقف زي دة ؟؟
طب اتصرفتي ازاي ؟؟
لا ؟ خلاص تخيلي نفسك في الموقف دة و قولي حتعملي ايه ؟؟
طبعا انا متوقع ان كل الردود تبقي : لا طبعا مش حكلمه
طب حتلفتي نظره ازاي ؟؟

_يلاعاوز ردود صريحه من الكل...

والله والحقيقه انا لايمكن اتحط فى الموقف دىا ابدا اما بقى بالنسبه للبنت دى فانا من رائى تستنا شويه وهو هيكلمها لوحده الشباب بيقعو بسرعه دى نصيحتى ليها اما بقى هى لو حتموت وتكلمه زى ما بتقول تبقى هى قليله الادب خلاص يعنى دا من رايقى والله اعلم :lol: :lol:

_اوك يا سمسمه ، بس لنفترض انه مش هيكلمها ،لان مش كل الشباب بيقعوا بسرعه زى انتى

ما بتقولى لو هى اللى كلمته تبئى قليله الادب .......مش عارف.....

_بس انا شايف انها ممكن تكون جريئه شويه لو عملت كدا مش قليله الادب......

_شكرا على ردك.....

لا دى مش جراءه ازاى دا من صفات البنات انها تكون عندها حياء وخجل يعنى ازاى اذا كان الولد مكسوف يكلمها تبقى هى الى تروح سبحان الله بس فى الاول وفى الاخر اى بنت لو متمسكه بالدين بتعها وبتخاف من ربها عمرها ما هتقول على شاب موووووووووز او هتموت وتكلمه دا من رايى يا سندباد والله اعلم واكيد طبعا فى ناس مش معايا فى وجهه نظرى بس ياريت تتقبل مرورى وردى

والله سندباد كل الاسئله اصلا شكلها اعجاب وبتاع

بس على فكره مفيش بنت هتروح تكلم ولد حتى لو كانت هيا اللى هتموت وتكلمه

اولا كبريائها
ثانيا صعب اووووووى انها تندلق عليه كده

انا بقاه مش اتحطيت فموقف من دول والحمدلله لان مفيش واد عدل اصلا ممكن اموت علشان اكلمه

دول اكتر من الهم على القلب بس لو اتحطيت فيه بصراحه ولا هحسسه بقيمته اصلا يعنى ولا كانه موووووووووجود نهائى هتجاهله يعنى وبكده دمه هيتحرق طبعا وهوه هيجى يكلمنى

_شكراااااااا يا سمسمه على ردك ده ، ورايك انا عارف انه الصح والله .(موززززززز) .ايه؟

_على اخر الزمن الولد هو اللى هيتقال عليه موززززز.

_مفيش واد عدل اصلا ممكن اموت علشان اكلمه

دول اكتر من الهم على القلب بس(ههههههههههههههههههههه)، حلو ردك ده اوى يا نور ، بس ما انتم كمان

اكتر من الهم على القلب ......اشمعنا احنا يعنى اللى بنتهزأ بس.....

_نفسى كدا اشوف اليوم ده قبل ما اموت ، واحده بتعاكش واحد وهوه اللى بيهزأها ، ياااااااا ده انا

ساعتها هموت من الضحك........

هههههههههههههههه

ده ماهيصدق اصلا ان واحده تعاكسه

انسى ياسندباد انتوا اللى متعودين تتهزاو فالحاجات تى

والله انا شايفه ان الكلامد ده بيحصل كل يوم بين البنات وبعضها يعنى الكلام ده بيتقال فى اليوم اكثر من خمسين مره واظن ان مفيش بنت ما اعجبتش بولد حتى لو ما كلمهاش او مكلمتهوش بس فى الاخر بنت اعجبت بولد
وده راى

وشكرا على موضوعك يا سندباد