اسئله للشباب واسئله للبنات للنقاش الجاد ارجو المشاركه من قبل الاعضاء

السلام عليكم ورحمة الله وبركاته

اضع بين ايديكم هذا الموضوع والذي نحتاج الى نأخذ فيه رأي الفتاة والشاب ايضا

فالأمر لكليهما والتفاعل هو ما نأمل ان نراه

اخوتي اخواتي ان الموضوع عبارة عن بعضا من التساؤلات

واتمنى ان نلقى اجابات لها كما هو موضح ومن كلا الجنسين

بسم الله نبدأ

اسئلة للفتيات

ايهما افضل لكي العمل ام الزواج ؟
ايهما اكثر استقرارا وراحة لكي العمل ام الزواج؟
ايهما افضل لكي زوج يعمل وبدخل جيد ام زوج لايعمل وانتي تعملين وتصرفين عليه ؟
هل العمل مساعدا على حل العنوسة بالنسبة اليكٍ ام لا؟
متى تجدين انكٍ بحاجة للعمل او لستي بحاجة له؟

اسئلة للشباب

ايهما افضل لك العمل بدخل جيد او اقل ام البقاء بالمنزل؟
ايهما افضل لك ان تكون عاملا ومتزوجا ام عاطلا وعانسا ( العنوسة للجنسين وليست حصرا على احد)
ايهما اكثر نجاحا ان تكون عاملا ومتزوجا ام عاطلا ومتزوجا؟
هل ترضى ان تتزوج وتصرف عليك زوجتك ؟
متى تجد ان زوجتك ليست بحاجة للعمل او بحاجة له؟

احبتي هناك الكثير من التساؤلات ولكنني اختصرتها في القليل
واتمنى ان اكون قد وفقت في طرح هذا الموضوع الذي يهمنا جميعا دون استئناء

[اري اجابة السؤال الاول هي\ أن العمل اضمن [/color]

اجابة السؤال الثاني\ انالاستقرار بالسعاده بالزواج والعمل يأتي لتامين الحياه والنفس وذللك من غدر الزمن والزاوج(فالنفوس بتتغير)

واجابة السؤال الثالث \ طبعن لازم انه يعمل لان لو انا باعمل وأاْتي بدخل وهو لا فبداخله وان كان بنسبه قليله جدا جدا هيشعر بالعجز وتفوقي عليه فتصبح حياتي جحيم .

واجابة السؤال الرابع \ انه ملوش علاقه فالفتاه المحترمه لاتحتاج العمل لاثبات احترامها وتربيته واخلاقها الي هتحببه فيها

والسؤال الخامس \ ان العمل ضروري فالان الوقت الضائع كثير فبذلك هتكثر المشاكل وطبعن لسه شويه على العمل بالنسبه لي فانا لسه في الفرقه ثانيه وعند الان شوية مذكره وشوية لعب

اشكرك على موضوعك ..دعواتى لكى بالتوفيق

_على فكره يا سمسمه اسئله الشباب كلها من الملغى وانا بعترض ...........

_انا مش عارف ولا سؤال

_كدا فيه تحيزززززززز....

لا والله من المقرر انتا بس الى مش مزاكر هى ايه الحكايه كل شويه تحيز طيب اعمل ايه بقى اكتر من كدا دى اساله سهله خالص

سندباد المنهج لاحس دماغه خالص ياما مقرر ياما ملغى احنا فوقت امتحانات يعنى ركز وحدد ايه المقرر بالظبط

ايهما افضل لكي العمل ام الزواج ؟
والله ياسمسه الافضل ليا هوه اللى هرتاح فيه اكتر العمل اخرته ايه يعنى اجيب فلوس وان شاء الله العريس هيكون معاه فلوس وبيشتغل ويصرف هوه هرتاح بصراحه فالبيت

ايهما اكثر استقرارا وراحة لكي العمل ام الزواج؟
لسه الصراحه مش جربت العمل علشان اقولك بس همشى ورا التيار انه هيكون الزواج

ايهما افضل لكي زوج يعمل وبدخل جيد ام زوج لايعمل وانتي تعملين وتصرفين عليه ؟
لا طبعا هوه يشتغل ويصرف عليا ايه ده هيا الايه اتقلبت ولا ايه ال انا اللى اصرف عليه ال

هل العمل مساعدا على حل العنوسة بالنسبة اليكٍ ام لا؟
مش فاهماكى

متى تجدين انكٍ بحاجة للعمل او لستي بحاجة له؟
مش هكون محتاجه ليه لما اكون مش محتاجه انى اشتغل

_والله عندك حق يا نور ، انتى بتقولى فيها ، لو عارفه المقرر ولا الملغى ، ابئى قوليلى....

اسئلة للشباب

ايهما افضل لك العمل بدخل جيد او اقل ام البقاء بالمنزل؟
العمل بدخل جيد طبعا

ايهما افضل لك ان تكون عاملا ومتزوجا ام عاطلا وعانسا ( العنوسة للجنسين وليست حصرا على احد)
اكيد عاملا ومتزوجا

ايهما اكثر نجاحا ان تكون عاملا ومتزوجا ام عاطلا ومتزوجا؟
عاملا ومتزوجا طبعا لو عاطل ومتزوج هصرف منين ولا انزل اشحت؟

هل ترضى ان تتزوج وتصرف عليك زوجتك ؟
لا طبعا انا افضل فى الحاله دى الا اتزوج اصلا

متى تجد ان زوجتك ليست بحاجة للعمل او بحاجة له؟
لما انا اكون شغال بمرتب كويس ويكفى احتياجاتنا ومش محتاج لمرتبها

سمسمه مع احترامي وتقديري ليكي ومستنين منك الافضل بستمرار

ايهما افضل لك العمل بدخل جيد او اقل ام البقاء بالمنزل؟
العمل طبعا مين اللى يقبل على نفسه انه يكون عالة على غيره وزيه زى الحيوانات مع الأسف

ايهما افضل لك ان تكون عاملا ومتزوجا ام عاطلا وعانسا ( العنوسة للجنسين وليست حصرا على احد)
العمل والزواج طبعا أو العمل وعدم الزواج لان الاختيار التانى مش فى قاموسى

ايهما اكثر نجاحا ان تكون عاملا ومتزوجا ام عاطلا ومتزوجا؟
عامل ومتزوج لانه مش معقول اكون عاطل ومتزوج يبقى شكلى ايه

هل ترضى ان تتزوج وتصرف عليك زوجتك ؟
لالالالالالالا أمال انا فايدتى ايه وايه الجديد فى حياتى دالموت احسن

متى تجد ان زوجتك ليست بحاجة للعمل او بحاجة له؟
لما اكون معيش أهلى كويس من غير تعاونها معايا واكون قادر على توفير كافة طلباتهم

والله دى وجهة نظر بالنسبه للاعضاء وكل واحد حسب وجهة نظره

اما بقه اجابة الاسئله

السؤال الاول:العمل هو اختيارى وعلى راى المثل(حب ما تعمل حتى تعمل ما تحب) طبعاا مش هييجى حاجه

السؤال الثانى:عاملا ومتزجا طبعاا (محدش يسال ليه)

السؤال الثالث:طبعاا ارفض (فين الرجوله)

السؤال الرابع:عندما اراها مهمومه وتشعر بالملل

وفى الختام اشكر صاحبة الموضوع على الموضوع وشكراا