لــــــــــــــيــــه لـــــــــــــيـــه ارجــو الاجابة

ليه ... ؟؟

كل الايام الحلوة بتفوت وما بيفضلش منها غير ذكرى
فى دماغنا بتموت .. ؟؟

لان طعم الحب اتغير ووقت الفرح صغير اكبر لحظه ود وحب وصدق زمنها قصير
على رأى الشاعر مصطفى كامل

ليه .. ؟؟

بنحب دايما نعذب فى نفسنا فى الوقت اللى اودامنا فيه
الحاجه اللى تسعدنا .. ؟؟

لان الحاجه اللى بتسعدنا شكلها صعب من بعيد فالانسان يستسهل الاختيار التانى وبعدين يصتدم فى واقع مرير انه اختار غلط بس ياريت كل واحد يصارح نفسه هو صح ولا غلط

ليه .. ؟؟

بنكون عارفين ايه اللى يضرنا وبرده نصمم اننا نعمله ... ؟؟

لاننا لسه مش فاهيمن نفسنا كويس ولسه بينقصنا خبرة فى الدنيا دى مرحله لازم اى حد يمر بيها

ليه .. ؟؟

كل اللى نفسنا فيه مبنقدرش نحققه .. ؟؟

عم قول يارب الصبر حلو بس كمل حلمنا متقولش بكرة بكرة ملك ربنا

ليه .. ؟؟

الحاجه اللى احنا بنحبها لما بتكون اودامنا منفكرش فيها
ولما تبعد عنا نندم عليها .. ؟؟

احنا كدة بارخص تمن ممكن نبيع مبنعرفش قيمه حد غير لما يضيع بنفضل ندوس على كل احلام الليالى وبعدين نقول ارجع بقى ارجع يا غالى

ودا علشان انسان تغلب عليه صفه الامتلاك ولما يحس ان الحاجه بتاعته ومش هتسيبه يهملها وممكن ينساها وتاثيرها فى حياته ميحش بيه غير لما يصحى على جرح انه ضيع اهم ما فى حياته
ليه .. ؟؟

لما بنكون عايزين نعمل خير , ويصادفنا شر نسيب الخير ونحب
الشر .. ؟؟

للاسف الشر سهل اوى والخير طريقه صعب ودا اختبار من ربنا لينا عشان اللى هيقدر يتحمل بجد هو اللى يستاهل يدخل الجنه

ليه .. ؟؟

بنصرف فلوسنا فى حاجات كتير ملهاش لازمه من غير تفكير
ولما نشوف شخص محتاج بنفكر كتير اوى قبل ما نساعده .. ؟؟

برضه لان نفس الانسان انانيه اوووووى وبردة الشر سهل وانك تساعد حد يبقى خير والخير صعب على اللى بعيد عن ربنا

ليه .. ؟؟

الصراحه دايما بتزعلنا .. ؟؟

لان كل واحد عارف حقيقه نفسه كويس اوى ولما بيلاقى حد ادامه فهمه وممكن يصارحه بحقيقته طبعا يزعل وكل واحد ادرى بنفسه
ليه .. ؟؟

الانسان بيكدب وبخدع وبينافق عشان مصلحته وعنده استعداد انه يضر انسان تانى
من غير اى ذنب .. ؟؟

بعد عن ربنا وقله ايمان وزمن ربنا يعافينا منه ويرحمنا
زمن قلوب البشر فيه اصبحت وحوش الاقوى له حق الحياة والضعيف ملوش اى حق فى الدنيا للاسف


ليه .. ؟؟انا كاتب الكلام ده .. ؟؟
ممكن لانك عايز تعرف تفكير الاعضاء ازاى
ممكن فيه سؤال محيرك وعاوز تعرف اجابته بطريق غير مباشر
ممكن تكون عايز تصحى ضماير ناس نايمه وتقولهم خلوا بالكم فيه حساب قرب عملتوا ايه وانتوا رايحين تقبلوا ربنا

والله اعلم

وشكرا على موضوعك الجميل وتقبل ردى

ليه ... ؟؟

كل الايام الحلوة بتفوت وما بيفضلش منها غير ذكرى
فى دماغنا بتموت .. ؟؟

- عشان هي دي الدنيا ولازم نعشها بحلوها وبمرها وكمان لان الدنيا قاسيه اوي

...................

ليه .. ؟؟

بنحب دايما نعذب فى نفسنا فى الوقت اللى اودامنا فيه
الحاجه اللى تسعدنا .. ؟؟

-لان ده طبع الانسان

...................


ليه .. ؟؟

بنكون عارفين ايه اللى يضرنا وبرده نصمم اننا نعمله ... ؟؟

- مش عارفه بس بتهيألي لان الانسان عموما طبعه كده لازم يجرب يعمل كل حاجه حتى لو كان عارفها وعارف نهايتها وعارف ان فيها ضرر


.....................



ليه .. ؟؟

كل اللى نفسنا فيه مبنقدرش نحققه .. ؟؟

- عشان مينفعش الانسان يعيش من غير احلام وكمان لان الدنيا قاسيه اوي

.......................



ليه .. ؟؟

الحاجه اللى احنا بنحبها لما بتكون اودامنا منفكرش فيها
ولما تبعد عنا نندم عليها .. ؟؟

_ عشان احنا مش بنعرف قيمه الحاجه الحلوة اللي في حياتنا الا لما تروح مننا

.........................



ليه .. ؟؟

لما بنكون عايزين نعمل خير , ويصادفنا شر نسيب الخير ونحب
الشر .. ؟؟

- لا بصراحه مش علطول

...............



ليه .. ؟؟

بنصرف فلوسنا فى حاجات كتير ملهاش لازمه من غير تفكير
ولما نشوف شخص محتاج بنفكر كتير اوى قبل ما نساعده .. ؟؟

_ صح احنا بنصرف فلوسنا في حاجات ملهاش لازمه من غير تفكير ..
بس مش كلنل بنفكر قبل ما ندي المحتاج في مننا اللي بيدي المحتاج علطول عشان ده صح وعشان هو محتاج

....................


ليه .. ؟؟

الصراحه دايما بتزعلنا .. ؟؟

- مش عارفه بس فعلا كتير الصراحه لما تجرحنا يتزعلنا ممكن عشان مش بنحب ننجرح

....................


ليه .. ؟؟

الانسان بيكدب وبخدع وبينافق عشان مصلحته وعنده استعداد انه يضر انسان تانى
من غير اى ذنب .. ؟؟

- عشان الانسان ساعات مش بيحب الا نفسه بس ده مش دايما

......................


ليه .. ؟؟
انا كاتب الكلام ده .. ؟؟

- مش عارفه بس اكيد انت اللي عارف ههههههههههههه
اكيد عشان انت بتحب تجبلنا كل حاجه جديده ومتقدرش تحرمنا من مواضيعك الجميله



.............

شكرا ليك يا احمد على التوبيك الهايل ده

دى كلها اسئلة بليه وارجو الاجابة عليها اللى يعرف يجاوب يفيدنا





ليه ... ؟؟

كل الايام الحلوة بتفوت وما بيفضلش منها غير ذكرى
فى دماغنا بتموت .. ؟؟

لان دى فعلا سنة الحياه ومش كل اللى الانسان بيتمناه بيلقاه.

ليه .. ؟؟

بنحب دايما نعذب فى نفسنا فى الوقت اللى اودامنا فيه
الحاجه اللى تسعدنا .. ؟؟
لاننا اتعودنا ان الحزن يكون ليه النصيب الاكبر فى حياتنا واتعودنا نشوفها من زاويه ضيقه كلها حزن ومش بنحاول نغير فيها

ليه .. ؟؟

بنكون عارفين ايه اللى يضرنا وبرده نصمم اننا نعمله ... ؟؟
لاننا بقينا العند مالى دماغنا وبنعند مع نفسنا ومش بنفكر صح.

ليه .. ؟؟

كل اللى نفسنا فيه مبنقدرش نحققه .. ؟؟

لان مش كل اللى الانسان يتمناه يلقاه لان ده بايد ربنا.

ليه .. ؟؟

الحاجه اللى احنا بنحبها لما بتكون اودامنا منفكرش فيها
ولما تبعد عنا نندم عليها .. ؟؟

لاننا مش بنكون شايفنها حلوه غير بعد لما تضيع من ادينا او طول ما هى فى ادينا بنكون شيفنها حاجه عاديه ومش بيكون ليها بريق

ليه .. ؟؟

لما بنكون عايزين نعمل خير , ويصادفنا شر نسيب الخير ونحب
الشر .. ؟؟

بجد مش عارفه

ليه .. ؟؟

بنصرف فلوسنا فى حاجات كتير ملهاش لازمه من غير تفكير
ولما نشوف شخص محتاج بنفكر كتير اوى قبل ما نساعده .. ؟؟

ده بسبب التقليد الاعمى للموضه وعشان زى مابنقول نتماشى مع العصر.

ليه .. ؟؟

الصراحه دايما بتزعلنا .. ؟؟
لاننا بيكون نفسنا فى اللى احنا بنعمله وحتى لو عارفين انه غلط بيبقى نفسنا اللى قدامنا يقولنا انه صح ولما بيقولنا الصراحه بنزعل عشان كنا عايزين العكس.

ليه .. ؟؟

الانسان بيكدب وبخدع وبينافق عشان مصلحته وعنده استعداد انه يضر انسان تانى
من غير اى ذنب .. ؟؟
دى بتبقى طباع فى الانسان بس مش كل الناس كده

ليه .. ؟؟
انا كاتب الكلام ده .. ؟
/لانك حاسس بكل ده بيحصل لينا وان كل الاسئله دى بتدور فى دماغنا ونفسك تغير من كل ده