يبقى انتة اكيد فى مصر

لما تذاكر جامد ولا تنجحش..... يبقى إنت أكيد أكيد فى مصر......... لما تتخرج ولا تشتغلش ........ يبقى إنت أكيد أكيد فى مصر.......... لما تشتغل ولا تكسبش ......... يبقى إنت أكيد أكيد فى مصر......... لما تحب وتفشل....يبقى انتا اكيد أكيد فى مصر....... لما تخطب كده ولا تتجوزش....يبقى إنت أكيد أكيد فى مصر .........؟؟؟؟ عظيمه يا مصر يا أم الدنيا

لما تلاقى من كل بيت خارج مدرس خصوصى يبقى انت أكيد أكيد فى مصر

لما تطلع بطاقة انتخابية وتروح تنتخب ويقولك ان سيادتك ميت يبقى انت اكيد فى مصر

لما رسم الزبالة سنة تلاقيه على فاتورة الكهرباء وسنة تلاقيه على فاتورة الغاز يبقى انت أكيد أكيد فى مصر

لما تسئل الشعب فى اى حاجة ويقولك اللى نعرفه احسن من اللى منعرفوش يبقى انت اكيد فى مصر

لما تهز وسطك وتلاقى نجاح باهر والناس بتصقفلك يبقى انت أكيد أكيد فى مصر

لما تفتح التليفزيون ويكلمك عن انجازات الح***الوطنى وتفتح الثلاجة وتكلمك برده عن تلك الانجازات يبقى انت أكيد أكيد فى مصر

‏لو جبت في الثانوية العامة فوق الـ‏90%‏ ومدخلتش إلا التجارة‏..‏ تبقي أنت أكيد في مصر‏

‏لو لقيت في كل بيت واحد عنده امراض زى الفشل الكلوى وغيره ‏..‏ تبقي أنت أكيد في مصر‏

‏لو دخلت مستشفي تشيل الزايدة واتسرقت كليتك‏..‏ تبقي أنت أكيد في مصر‏

‏لو دخلت مكتب حكومي وقالولك فوت علينا بكرة‏..‏ تبقي أنت أكيد في مصر‏‏

‏لوخلصت دراستك وخدت الشهادة وقعدت علي القهوة سنين لحد ما الحكومة توظفك‏..‏ تبقي أنت أكيد في مصر‏

‏لو أنت في بلد ربع سكانها ساكنين في عاصمتها‏..‏ تبقي أنت أكيد في مصر‏

‏لو سألت عسكري المرور تعرف تكتب وتقرا ورد وقال أعرف أقري وأكتب بس نمر العربيات‏..‏ تبقي أنت أكيد في مصر

‏لو لقيت عجوز وعجوزة ماشيين ومعاهم سلم خشب لزوم طلوع الرصيف‏..‏ تبقي أنت أكيد في مصر‏

‏لو لقيت سواقين العربيات راسمين أحزمة أمان علي صدورهم تبقي أنت أكيد في مصر‏

‏لو سمعت وشفت عربية مطافئ الحريق سواقها بيزعق في الميكروفون‏:‏ فين الشارع اللي فيه الحريقة تبقي أنت أكيد في مصر‏

‏لو قريت وسمعت أن الحكومة حتنهي عقود شركات الزبالة الأجنبية لأنها لم توف بالتزاماتها‏ (‏ وكان ليه من أصله‏)!‏ تبقي أنت أكيد في مصر‏

‏لو مزنوق في الشارع وملقتشي مراحيض عامة يبقي أنت أكيد في مصر‏

‏لو سمعت الناس بتتجنب الذهاب لأقسام الشرطة منعا للبهدلة تبقي أنت أكيد في مصر‏

‏لو سمعت أن القضايا بيتحكم فيها بعد وفاة المتقاضين‏..‏ تبقي أنت أكيد في مصر‏!‏

‏لو فتحت التليفزيون وشفت ظرف البيت بيتك‏..‏ تبقي أنت أكيد في مصر‏

‏لو سمعت كلمة أهلا يا باشا وائمورني يا باشا‏..‏ تبقي أنت أكيد في مصر‏

‏لو شفت الست تخلع جوزها بعد طول عشرة‏..‏ تبقي أنت أكيد في مصر‏

‏لو تقف في طابور علشان رغيف العيش‏..‏ تبقي أنت أكيد في مصر

‏لو حد النهاردة اسمه بوحة وإمبارح كان اسمه اللمبي والحد ده يقش ملايين‏..‏ تبقي أنت أكيد في مصر‏

‏لو سمعت الكبير بيقول للصغير حضرتك تبقي أنت أكيد في مصر‏

‏لو سمعت إن فيه ناس بتتجوز في خمس أو سبع نجوم وناس تانية مش لاقية تتجوز‏..‏ تبقي أنت أكيد في مصر‏

لو رحت مرة تصلى فى جامع وبعد الصلاة تلاقى اللى بيقولك خلاص يا افندى احنا بنقفل وهنفتح على معاد الصلاة الجاية تبقي أنت أكيد في مصر‏


لما تلاقى الجد فى ايده حفيده و الناحية التانية الشيشة فى ايده
يبقى انت اكيد اكيد فى مصر ... يبقى انت اكيد اكيد فى مصر


تحياتى
ادى حال المصرين

موضوع جبلى احباط جامد المشكلة اننا عارفين كل الحاجات دى بس بنحاول نضحك على نفسنا ونقول المستقبل احسن و واهو ازمة اقتصادية عالمية الناس بيمشوا من شغلهم تسريح العمالة المصرية فى جميع الدول العربية يلا شكرا يا اسراء على الاغنية لحلوة دى بس المفروض كنتى تقول مين الى يغنى؟؟؟؟؟

شكرا وليد على مرورك وردك المحبط دة هههههههههههههههه والاغنية دى بتغنيها واحدة اسمها عاشقة اليأس ههههههههههههه

يانهااااااااااااااااااااااار ابيض عليكي ياليلي ده كله لييييييييييه ربنا بيستر عباده ليه انتي تفضحيهم كده لالالالالالا انا مش معاكي خااااااااااااااالص انا عاوز بعد كده تطلعي كل اللي جواكي مش دول بس عاوز اكتر دي بلد عظيمه ذات حضاره 5000سنه هههههههههههههههههههههههههههههههههههههههه هم ياجماعه الــــ5000سنه مش ناويين يذيدوا او يقلوا انا كرهت الـرقم 5ده ربنا يكون في عونااااااااااااااااااااااااااااااااااااااااا ياااااااااااااااااااااااااااااااااااااااااااااااااارب
شكرا ياليلي علي كلامك الجاااااااااااااااااااااااااااامد ده ربنا يوفقك

هههههههههههههههههههه هيقلوا لحد ماينقرضوا واحنا كمان نختفى ماتخفش
شكرا يااحمد على ردك

لالالالالالالالالالالا انا معنوياتى مرتفعة على طول لدرجة انى ديما بقول انا فاشلة ا فاشلة فاشلة
شوفتوا حد متفائل زى كدة

ههههههههههههههههههههههههه ايه يا لوله ده
ثم ان مالها تجاره يعنى دى كليه زى الفل
فووووووووووووووووووله
بتخرج 30000 طالب كله سنه و90% منهم شغالين محاسبين ب 300 جنيه فى الشهر يعنى نص مصروفهم الى كانوا بيخدوه ايام الجامعه
اظن مفيش اررررررررررررررروع من كده

بجد جالي احباط اكتر ما انا عندي احباط

‏لو شفت الست تخلع جوزها بعد طول عشرة‏..‏ تبقي أنت أكيد في مصر‏
اكتر حاجه بتضايقني وبسال نفسي لييييييييييييييييه؟؟؟

بجد كلامك فظيع خلاني اكره مصر اكتر ما انا كرهها
بجد حرام بس هي فعلا مشكله
مصر = عدد لا نهائي من المشاكل
مش عارفه اقولك ايه ومش عارفه اوصف انا اد ايه سعيده علشان مصر بلدي (ده من وراء قلبي )
نتمنى منك المزيد