حقآ ياله من جنون

حقآ يا لهُ مِن جنون!!

أن تكره كلَ الورود.. لأنك جُرحت بشوكة واحدة منها

أن تتخلى عن جميع أحلامك..لأن واحدآ منها لم يتحقق لك

أن تترك الدعاء.. لأن دعوة من دعواتك لم تُستجب

أن تتخلى عن جميع مشاريعك ..لأن واحدآ منها قد فشل

أن تُدين وتحكم على كل أصدقائك ..لأن واحدآ منهم قد خانك

أن لا تؤمن بالحب.. لأن أحدهم لم يكن مخلصآ وأمينآ معك ولم يحبك كما أحببته

أن ترمي كل فرصك للسعادة ..لأنك لم تنجح في محاولتك الأولى

اتمنى بينما أنت ماضٍِ في سبيلك أن لا تستسلم لجنونك

أرجو أن تتذكر دومآ

أن فرصآ أخرى ستأتي قريبآ

وأصدقاء مخلصين سيظهرون في حياتكـ

ومحبا جديدا مخلصآ أمينا سيكمل الحياة معكـ

وأنه - تعـالى - سيمنحك قوة جديدة

لذا كُن مثابرآ ، مصممآ ، على البحث عن السعاده كل يوم

كُن مُصِرآ ، لا تستسلم للفشل مطلقآ ، حاول دومآ ، وتأكد دومآ

أن طريق النجاح غالبآ يأتي عبر الفشل
فقد ننحني يومآ لكننا أبدآ لا ننكسر

فالله معنا ،، يمُدنا بالصلابة

بارككم الله تعالى

ودمتم في حفظ الله ورعايته

elmontoo

كلام صح والله كتير من الناس فعلا لما بيقابلها مشكلة فى حياتها بيجيلها حالة يأس

وبتكره كل حاجة ليها علاقة بالمشكلة دى يعنى مثلا لو شخص كان مرتبط والطرف التانى خانه

او حصل حاجة فرقتهم ييدأ الشخص ده يقول مفيش حاجة اسمها حب ويتعقد ويبدأ انه يهرب من الحب

لان هو خلاص بيبقى اقتنع ان مفيش حاجة اسمها حب

ولو شخص بردو فشل فى دراسته او كده بيبدأ انه يهمل يكبر وبالذات لو كان تعب و عمل اللى عليه

وانا بصراحة حصل معايا الموقف ده فى الثانوية العامة كنت عاملة حسابى على كلية معينة ومكنتش متخيلة

انى ادخل غيرها لكن طبعا يوم النتيجة مجموعى مجبش الكلية دى ولما دخلت الكلية اللى انا فيها دلوقتى

مكنتش حباها خالص فى الاول لكن بعد كده بدأت احبها والاقى انها كلية كويسة وبعد كده حبتها جدا

وقلت ممكن لو كنت دخلت الكلية اللى انا كنت عيزاها مكنتش حبتها كده فقلت الحمد لله اكيد ربنا بيسبب الاسباب

ويكون كاتبلى الخير فى الكلية دى واكيد كتير زيى حصلهم نفس الموقف فى موضوع الثانوية العامة ده

سورى انى طولت كده ويارب محدش يتعرض لموقف وحش فى حياته

وميرسى ليك جدا يا احمد ع الموضوع ده وربنا يوفقك

شكرا جدا يا أمنية لردك الجميل ده

وطبعا محدش عارف الخير فين ولا ربنا كاتب لينا ايه

وانا بقول وراء كل فشل اسباب واذاا عرفت الاسباب يبقى طريق النجاح مفتوح

وياريت الكل يتعلم ان الفشل مش نهاية الدنيا ولا نهاية الحياة

وزى مافى فشل فيه نجاح وزى مافى حب صادق فيه حب فاشل

وزى فيه طموحات واحلام ممكن تتحقق فيه طموحات واحلام ممكن متتحققش

اهم حاجة فى الموضوع هو العقل ازاى توجه وتمشيه صح وطبعا اولا واخيرا التوفيق من عند ربنا

شكرا يااحمد على موضوعك واتمنالك التوفيق فى حياتك
هو فعلا مش لازم ان احنا نستسلم لكل حاجه عشان كدة هنبقى ضعاف مش هنقدر بعد كدة نواجه اى حاجه وهنتهرب من اى مشكله تواجهنا فلازم مش نفقد الامل فى اى حاجه ونحمد ربنا على كل شئ

شكرا على ردك ياهند ومزيد من التوفيق ليكى دايما

الموضوع جميل جدا يا ابو حميـــــــــد وقغلا كتير من الناس بيتوغل اليأس فيهم نتيجه الفشل
ويمكن انا بردة شعرت بذلك ف يوم من الايام بس سرعان ما افوق مرة تانية
ربنا معانا كلنا يارب
نودااااااااااااااا

شكرا ليكى يانودا على ردك الجميل ده

مشكله معظم الناس او كلها انها بتتسرع في الحكم وبتعمم الحكم على كل الناس كلامك صح وحلو
لذا كُن مثابرآ ، مصممآ ، على البحث عن السعاده كل يوم
كُن مُصِرآ ، لا تستسلم للفشل مطلقآ ، حاول دومآ ، وتأكد دومآ
أن طريق النجاح غالبآ يأتي عبر الفشل
لازم كل انسان مسلم مؤمن بالله لا يستسلم للفشل
ولكن لا تنسى ان في بعض الناس من يكونوا ضعفاء
سوري على الاطاله

موضوعك هايل يااحمد
وفعلا فى ناس كتير كده بتحكم على الشئ قبل ماتعرف شئ
وكمان اذا فشل فى الحب او الدراسه يعتبر ان دى اخر الدنيا

ميرسى على موضوعاتك المتميزه دى
واتمنالك التوفيق
تقبل مرورى

شكرا لكل الردود الجميلة دى

اشكركم جميعا وجزاكم الله كل خير

على المرور الكريم والجميل ده

وبالتوفيق ليكم دائما

وربنه يوفقكم ان شاء الله

لذا كُن مثابرآ ، مصممآ ، على البحث عن السعاده كل يوم

كُن مُصِرآ ، لا تستسلم للفشل مطلقآ ، حاول دومآ ، وتأكد دومآ

أن طريق النجاح غالبآ يأتي عبر الفشل
فقد ننحني يومآ لكننا أبدآ لا ننكسر

فالله معنا ،، يمُدنا بالصلابة

تسلم ايدك ياجميل

شكرا لمرورك الجميل ولردك

نورتى الموضوع

ربنا يوفقك

تسلم يا غالي

بارك الله فيك

دام تميزك

بشكرك لمرورك ولردك

منورانى

العفو استاذي

وكمان لاتحزن على شىء تمنيته ولم تملكه فربما لو ملكته لسبب لك حزن اكبر
كلمات ترفع معنويات كل من حس بظلم او قهر
شكرا يا احمد وللامام دائما