انت مش عارف انت بتكلم مين ؟؟؟؟؟؟؟؟؟؟؟؟؟؟؟؟؟؟؟؟

كل يوم بيعدى علينا بشوف مواقف جديده وبنسمع كلام غريب والله
يعنى من ضمن كلام كتير بنسمعه

( أنت اتهبلت انت مش عارف انت بتكلم مين ؟)

تشوف الواد من دول لسه مطلعش من البيضة بس ابوه ماسك منصب مش كبير اوى فى البلد بس ليه وضعه يعنى ماشى بصدره فى الشارع

ولما حد يكلمه ولا يقوله يابنى عيب لما يغلط

يقوله انت مش عارف انت بتكلم مين ؟

والراجل الكبير يا عينى واقف خايف يقول لنفسه مين ده اللى بكلمه ليطع ابوه رئيس المجلس المحلى وينخ تانى

ويقوله والله يابنى مقصد اعمل اللى انت عايزة

ويمشى الراجل خايف للواد الصغير يعمل فيه حاجه فيقعد فى البيت ميطلعش كام يوم ويفضل بعدها خايف للواد الصغير يزحلقة وهو ماشى فى الطريق ولا حاجه

ونمشى لمكان تانى بعيد شوية

وتلاقى بنت امورة صغنتوته كده ضاربة النضارة الشمس والطقم الفخم والبرفان اللى ريحته تشمم شارعين قدام

ورايحه تخلص ورق من مصلحة حكومية ودخلت على موظف حوكمى غلبان تقوله عايزة اخلص الورق ده ؟

يرد عليها يقولها طيب ثوانى يا فندم وهخلصهولك

تقوله ثوانى ايه انت مش عارف انت بتكلم مين ؟

يرد الموظف اللى طالع عين اهله . هتكونى مين يعنى ؟

تقوله لا انت لازم تتربى وتطلع الموبيل وتتصل على واحد صاحبها وتقوله انا اتهزقت على اساس انها بتكلم يعنى ابن وزير المصالح الحكوميه وهو اصلا زميلها فى الجامعه

الموظف الغلبان يبصلها وهى متنرفزة . خلاص والنبى يا بنتى انا غلطان ومش هعملها تانى ويسيب كل اللى فى ايده ويقوم جرى يخلصلها ورقها ويسيب مليون واحد واقف قدامه لغاية ميخلص للانسه ورقها

خدوهم بالصوووووووووت قبل ميغلبوكوا

مثل شعبى اصبح كل الناس بتمشى بيه مع شوية مظاهر كدابه تخفى الحقيقة المرة وشوية براعة فى الكلام بلسان فيه شوية تناكه

وصفة سهله اوى علشان تعمل نفسك مهم فى البلد

وديما الناس بتبص للمظهر وتحدد ازاى هتتعامل معاه ومبتفكرش مين فعلا اللى قدامهم وبيفرحوا اوى لما حد يكلمهم بتكبر على اعتبار منهم انه صاحب منصب كبير ولو اتحاجوه فى حاجه كوسطة يعنى يسهلهم العملية

وهو فى الاخر مش حاجه اصلا بس عرف يمثل دور خايب عليهم وهما يصدقوه

انت عارف انت بتكلم مين ؟

بنسمعها كتير ومبنعرفش ايه وراها

هل اللى بيقولها بيقولها بجد وفعلا هو منصبة عالى فى البلد ويقدر يعمل ويسوى فينا ؟

ولا واحد بيحاول يتحايل عالقانون بتمثسل دور صغير علشان يخلص ورقه ملففاه الكرة الارضية ؟

وفى النهاية

مقدرش اقول غير اننا لو فضلنا نتعامل كده مش هنتقدم ولا هنقدر نوصل ونبقى زى زمان لما كنا بنتحكم بعلمنا فى العالم كله

بنضحك على بعض بالكلام علشان منعطلش نفسنا بس والله اللى بيعمل كده معاه الف حق فى كده مهو عايز يخلص مصلحته زى محصل مع البنت فى المثال التانى

او بنتباها بالمنصب زى محصل فى المثال الاول للواد الصغير والراجل الكبير
انا بقى

مش هسيبكوا الا لما تردوا وتقولوا رأيكوا

انتوا مش عارفين انتوا بتقروا موضوع لمين
؟؟؟؟؟؟؟؟؟؟؟؟؟؟؟؟؟؟؟؟؟

اكيد ليا مش لحد تانى بس برده محتاج رايكم بجد فى الموضوع اللى منتشر ده

متخافوووووووووووش

الموضوع ده رووووعة يا أحمد بجد

فعلا الحكاية دى منتشرة اوى وفى ناس بتبقى عادية جدا وبتستخدم الكلمة دى او اسلوب التناكة ده

عشان تخلص نفسها وحتى لو مش ناس عادية يعنى لو حد فعلا ليه منصب كبير او كده ليه مش بيتعامل

زى بقيت الناس يعنى مثلا تلاقى واحد ابن وزير ولا ابن لوا حاجته تخلص فى ثوانى والكل يقف وهو بيكلمه

كأنه بيكلم رئيس الجمهورية ولو اى شخص تانى عادى تلاقيه بيتعامل معاملة ما يعلم بيها الا ربنا وده يزعقله

وده يحرجه ويوم ما يخلص ورقه فى شهر يقول الحمد لله الورق مخدش منى وقت وفعلا والله يا احمد زى

ما انت قلت عمرنا ما هنتقدم طول ما فى بلدنا الاسلوب ده طول ما فى ناس بتخاف من ناس تانية

وتعملها حساب وهما اصلا ولا حاجة

يااااارب بلدنا تتغير وتبقى للاحسن

انا رديت ع الموضوع اهو يا احمد بلاش تعملى حاجة او تضرنى والنبى ده انت مدير المنتدى بحاله بلاش تضيع مستقبلى ده انا زى اختك بردو هههههههههههههههه

اتمنى تتقبل مرورى وشكرا ليك بجد ع الموضوع الجميل ده يا احمد

شكرا لردك يا أمنية بس هنعمل ايه البلد كلها ماشية بالوسايط ومش هنعرف نغير الكووووووووووووون للاسف

والسطة والنفووووذ هما السبب فى اللى احنا فيه ده كل واحد ابوه مثلا بيشتغل فى وظيفة معينة او ماسك سلطة بيمشى مطلع راسه فى السما

كان الدنيا ملكه وفعلا كلامك صح جدا يا أمنية بس مافيش غير حل واحد لده ان الناس متخافش ومحدش يخاف غير من ربنا

وبس وكل واحد يعمل اللى يمليه عليه ضميره ومايخافش من انسان زيه

لان كلنا سواسية

اللــــــــــــــــــــــه عليك يا مان
انت معاصر العصر الحديث يا حماااااااااااااادة
دا فعلا ظاهرة منتشرة اوي
وبالمناسبة واحد زميلي بيقولهالي كتير ف الكلية (ههههههههههههه)
ربنا يهديه...قال (مش عارف انت بتكلم مين قال)هههههههههههههههههه
ليكون شكسبير ولا حاجة
نوداااااااااااااااا

ههههههههههههههههههههه

مش عارف يانودا الحكاية دى ايه بجد

ياعنى هو مولود ب3 دراعات واحنا بدراعين بس

ولا مثلا مولود ومعاه معلقة دهب

موضوع جميل جدا والله
وهو فعلا منتشرة فى بلدنا دى اوى فيه ناس فووووووووووووووووووووق وفيه ناس تحت اوى
والدنيا عادت ماشية بالوسطة ع طول
عندنا مدرس يقول ايه
الى معاه وسطة ياكل بسطة والى مش معاه يعد على البسطة
صحيح والله
ولو حد فتح نفسه وقال الق زى ماضميره بيمشيه ينسفوه ويبهدلوه مش عارفين ان لى رب اعلى منهم كلهم ويقدر يمحيهم فى ثانية
بس نعمل ايه هى الدولة كدة مش بتمشى الا بالكلام ده
وتلاقى الناس الى عملة هيلمان دى ولا حاجة خالص منظر وبس
شكرا ليك احمد ع الموضوع ده

شكرا لردك ومتابعتك

يا بحور الصمت للموضوع

وشكرا لمرورك

اسالك سؤال وتجاوبني عليه مين دلوقتي بيكون عنده ضمير صاحي ؟؟؟؟
تيجي مثلا تكلم حد وتقوله فين ضميرك يقولك اصل انا موته علشان اعيش
وصعب نغير الكون ونغير الناس وفعلا السلطه والنفوذ هي اللي ماشيه دلوقتي بجد ومن كل قلبي (حسبي الله ونعم الوكيل)هي الناس كده هات وخد بس المشكله انهم مش عارفين ان في رب اسمه الكريم (انت عارف بقى يا احمد انت بتكلم مين ) (اقولك انا مين ) ولا بلاش انا صبي القهوه خاف بقى مني شكرا لموضوعك ومعلشي لو طولت عليك بس بجد الموضوع ده بيتعبني جداااااااااااا

انا شخصيا بقول الكلمه دى بس من باب التهريج يعنى مش اكتر
عشان اضحك الى ادامى ليس الا عنى
واسلوب الهزار اصلا بيكون متاخد من اسلوب الحياه ده نتيجه لسماعها كتير اصلا
لانها بتتقال ترليون مليون
مره وادامى

انت عارف انت بتكلم مين عباره اتعودنا عليها وبالذات فى الاماكن اللى بيكون فيها تخليص اوراق بس هى سببها ايه جت منين ---- احنا اللى عملناها وخوفنا منها وكله بالوسطه وكسل الموظفين والمسؤليين والكلام الفارغ دا اللى الدنيا مش بتمشى غير بيه او بالتحديد مصر وبرده فى اسباب تانيه زى عدم رضا المسؤليين والموظفين عن مرتباتهم ياعنى مثلا واحد عاوز يخلص شويه ورق وفى زحمه ودا امر طبيعى يجى بقى يكون واحد قريبه ولا يعرفه يقوله ايه انت بس روح ولو حد اخرك او كلمك اتصل بيا هو يدخل من هنا والناس ياعينى واقفه وتعبانه من الصبح وصاحبنا دا يدخل ميهموش حد معاه واسطه بقى ومتظبط ويتكلمويامر ولا يهمه حد اول ما التليفون يجيى ياعنى احنا بقى هنعمل ايه فى الزمن دا هنمشى زيهم ولا هيكون فى مبدا وكلام من اللى مبيمشيش الايام دى بجد انا معنديش اجابه وشكرا لموضوعك يا احمد للمزيد