لاتحزن ولاتيأس .. عندما لايتم الرد على مواضيعك

لا تحزن عنـدمـا لا يتـم الـرد على مواضيعــك

عندمـــا تختفي آثـــار خطــوات أقـــلام الكتــاب في الصفــحات

هل نكســر الأقلام ..؟! بالطبع لا فالاقلام موجودة والكتابات موجودة
.
.

كثير من الأبطـــال

يغـــامر بحيــاته من أجـــل نجــاح مهمته .. وتخلــــيد اسمه في صفحات التاريخ

فهو ..مات قبل أن يسمع كلمــة ... بطـــل

وهناك رساميــن عاشوا متسوليـــن .. وعنـــدما رحلوا عن الدنيا .. أنجـــذب الناس لرسوماتهم وبيعت لوحاتهم بملايين الدولارات

حالهم كســاعي البريــد يوزع على الناس الرســـائل .. وصندوقه فارغ

أدبــــاء .. وكتاب .. اودعوا الســـجن وعاشــوا في المهانة

مع هذا

لم يستسلموا ويكســر أقلامـــهم

لانهم أيقنوا

أن التاريخ هو من سيدفع ثمن أوراقهم
وبــدأ عندهم... عهـــد الكتابة على الجدران
شأنهم كالأســـد الذي يجول في الميدان المقفل

هنالك الكثير من الذين سخروا جام أحبارهم ليس لنشر ما يعتقدوه من أفكارهم بل كان همهم الوحيد هو ترسيخ أسمائهم

على صفحات التاريخ ...!

وهنالك من يمسك القلم بكل جبروت ..يخوض به الحياة بطولها وعرضها ..ويصنع به المستحيل ..ويجسم به أعظم التصاوير

وهو لا يبحث بالرغم من كل ذلك إلى أن يشار له بالبنان ..

ولكن يبقى ذلك القلم الذي يخرج بعفوية ..وبدون أي تزييغ هو القلم المؤثر ..المحرر للفكر من قيود الخوف ...

الصانع للفكر المستنير المعبر الصادق ...

بينما هناك طائفة

تعيش في الحرية
لكنها
تنكس أقلامها في كل المواقف
الحقيقة
هؤلاء ..ليس لهم وجـــود ..!!
لانهم كالجيف الصامتة في الصحــــراء

يجب ان نكتب لندافع عن كلمة حق او ان نوصل كلمة حق وتقديم فائدة لاخوان لنا في كل مكان
وبعد ذلك لايهم ان كانت النتيجة صفر او 4 اصفار

من كتب بسبب دافع داخلي لنشر الخير ونشر العلم المفيد لن يثنيه "صفر"

اما من كان همه وجوده هو فقط .. فهذا مصيره النسيان بدون شك...

خلاصــة الموضـــوع

لاتحزن عندما لا يرد على موضوع او عندمـا يحذف او عندما تجد عدد الزوار لموضوعك قد تعدى المئة في حين ان الردود لا تتجاوز الخمسه

من أجل أن ننجح ... لابــد أن نعتاد طعم الفشل

فالإنسان الناجح عندما يتذوق مرارة الفشل يكون لديه رغبة وإصرار في تحقيق النجــاح

بل ان الفشــل يكون دافعــا لـه على الاستمــرار في المحاولــة

يرسم على الواح الخيال .. طيف النجاح ..

حتى لايصــاب بالجمود والدهشة........

elmontoo

ماشاء الله عليك يا أحمد دايما مواضيعك متميزة ويارب دايما من نجاح لنجاح

وزى ما انت قولت ان اللى بيقدم موضوع بهدف ان غيره يستفيد منه مش بيفرق معاه

الرد وان كان الرد ده بيكون حافز ليه انه يعمل موضوعات أحسن بس حتى لو اللى دخل

وشاف الموضوع مردش عليه ده مش هينقص من قيمة الموضوع لأن لو هو مقدرش الموضوع

أكيد غيره هيقدره كويس جدااااااااااا وفى النهاية كل واحد بيقدم حاجة تفيد غيره أكيد بيكون

ثوابها عند ربنا

شكرا جدا لردك الجميل ده ياسمسمه

وحكاية ان عضو قام بعمل موضوع ولم يتم الرد عليه وان عدد المشاهدات مرتفع مثلا

هذا لايقلل من حجم الموضوع

لانه هو صاحب الموضوع وهو الوحيد الاقرب لموضوعه ان كان يستحق الثناء ام لا

ولكنه يجب ان يعلم انه مهما طالت المدة وبدون ردود فيكفى انه شارك واراد افادة الناس

بموضوع قيم يعلم مدى تأثيره على الاخريين

فيكفى ان يشاهد عدد المشاهدات ليعلم ان هناك مئات الاشخاص رأوا موضوعه

الذى اراد به فعل الخير

وشكرا لمرورك ياسمسمه

موضوع بجد جميل جدا
وفعلا انت عندك حق فى ان الانسان الى بيحط الموضوع وهدفه الناس تستفيد منه ويقدم لهم خير
وكدة بيبقى مستريح من جواه انه عمل حاجة كويسة حتى لو ملقاش ولا رد على موضوعه

بل ان الفشــل يكون دافعــا لـه على الاستمــرار في المحاولــة

يرسم على الواح الخيال .. طيف النجاح ..
ما شاء الله موضوع اكتر من رائع
شكرا كتير لك يا احمد

عندك حق يااحمد

انا عن نفسى بزعل لو ماحدش رد على مواضيعى مع ان بيبقى فيها عدد مشاهدة كبير

بس فعلا زى ماقلت مش لازم المواضيع يترد عليها المهم انها قدمت افادة وبس

وخلاص انا مش هزعل تانى

ميرسى يااحمد على مواضيعك المميزة دى بجد

شكرا جدا على ردك يا بحور الصمت وتعليقك الرائع ده

واشكرك يا دودو على ردك الجميل ده

وشكرا لمتابعتكم للموضوع

وياريت كلنا نكون استفادنا منه

شكرا ليك يااحمد على الموضوع الجميل دة

وانت فعلا عندك حق احنا هنا بنحط المواضيع عشان نفيد

غيرنا مش شرط نحط الموضوع عشان نقعد نشتنى عدد الردود

بالعكس احنا حتى لو شفنا عدد الزوار اكبر من عدد الردود مش نزعل ولا نضايق

بالعكس احنا نتبسط ان هما مرورا وفتحوا الموضوع ويمكن يكونوا استفادوا منه كمان

شكرا ليك يااحمد تانى على موضوعك وتقبل مرورى

شكرا لردك جدا يا هنودة

وبجد ردك فعلا صح مية فى المية

اشكرك عليه جدا

ماشاء الله عليك يااحمد
موضوعاتك رائعه
وفعلا عندك حق فى كل اللى قلته
اتمنالك التوفيق

عندك حق يااحمد فعلا مش شرط الرد ع المواضيع المهم التاثير فى اللى بيقراها

ميرسي ليك يااحمد بجد مواضيعك جاااااااااامده بتحس بالناس

انا كنت زعلانه اوي اني منزله مواضيع ومفيش حد بيدخل يرد عليه

بس الوقتي خلاص انا مش زعلانه

ربنا يوفقك يااحمد

شكرا لكل الردود الجميلة ده

وربنا يوفقكم

يسلموا احمد ع الموضوع بجد رائع
منتظرين المزيد من ابداعتك وجهودك المميزة
ويعطيك الف عافية
تحياتي الك

شكرا لردك الجميل ولمرورك الاجمل

نورتى الموضوع

موضوعك جميل اوي يا استاذي

بس صدقني

احساس صعب اوي لما تتعب في موضوع

وتتعب كمان في انك تقول رأيك وتشجع كل الموجودين

وللأسف ميكونش منهم قبول

وللأسف الحاجة اللي تتعب ان كمان

ممكن تلاقي اعضاء بيردوا علي مواضيع كتير

وللأسف موضوعك لا

اكيد حاجة تزعل

وخاصة اني بتعب في المواضيع اللي بنزلها

والقسم الاسلامي زي ما يكون الاعضاء مش بيدخلوا اصلا القسم

(لما تحس انك غريب في وسط مكان اخلصت فيه)

الاعضاء في مكان وانت في مكان

وخاصة ان في في المنتدي اعضاء للاسف متعمدين انهم مش يدخلوا مواضيعي

ممكن يكون كلامي غريب

بس للاسف صحيح

مع اني بتابع كل مواضعهم

لا واللي اكتر من كدة انهم مش بيردوا عليك لما بتدخل موضوعهم

ولما تحس انك نجحت والادارة كفأت نجاحك دا

تحس بردة انك لوحدك

(يعني محدش غير اللي يعرفوك يرد عليك هما نفس الاعضاء )

انا متقبلة النقد من اي حد

اكيد هحس بالفرحة لما احس اني مش بكلم نفسي

او لوحد قالي ياريت او يكون افضل لو عملتي كدة

بس للاسف مش بيحصل كدة

بس ممكن يكون دافع ليا

اني اقابل الاعضاء بنفس المعاملة

بس اكيد دا مش طبعي

(هيكون نفاق مني)

بس اكيد مش هفرح لاحد مش شاركني فرحتني)

وحسسني اني غريبة عنكوا

لو في سبب لكدة ياريت تقولولي عليه

اسفة لو طولت

بس حبيت اقول اللي حسيته

ياريت يا جماعة متزعلوش مني

علي كلامي اللي قولته

بس بجد كان اي كلام تاني هقوله غير دا

هعتبر نفاق مني

والمفروض ان الاراء لازم تكون صريحة

علشان كلنا نستفاد

وفعلا في اعضاء هنا

من يوم ما اشتركت معاكم هنا

وان برد علي مواضيعهم وبتابع الجديد

وللاسف هما لا

فاكيد انا هفهم غلط

بس طبعا مش علشان اعضاء بتعمل كدة

يبقي كل الاعضاء كدة

ولاني بحب المنتدي اوي

هعنادهم

ومش هيهمني اذا دخلوا مواضيعي ولا لا

كفاية عندي اوي اللي بيدخلوا

منورني دايما

ياريت بقي محدش يزعل من كلامي

ملائكة النور كتب:: موضوعك جميل اوي يا استاذي

بس صدقني

احساس صعب اوي لما تتعب في موضوع

وتتعب كمان في انك تقول رأيك وتشجع كل الموجودين

وللأسف ميكونش منهم قبول

وللأسف الحاجة اللي تتعب ان كمان

ممكن تلاقي اعضاء بيردوا علي مواضيع كتير

وللأسف موضوعك لا

اكيد حاجة تزعل

وخاصة اني بتعب في المواضيع اللي بنزلها

والقسم الاسلامي زي ما يكون الاعضاء مش بيدخلوا اصلا القسم

(لما تحس انك غريب في وسط مكان اخلصت فيه)

الاعضاء في مكان وانت في مكان

وخاصة ان في في المنتدي اعضاء للاسف متعمدين انهم مش يدخلوا مواضيعي

ممكن يكون كلامي غريب

بس للاسف صحيح

مع اني بتابع كل مواضعهم

لا واللي اكتر من كدة انهم مش بيردوا عليك لما بتدخل موضوعهم

ولما تحس انك نجحت والادارة كفأت نجاحك دا

تحس بردة انك لوحدك

(يعني محدش غير اللي يعرفوك يرد عليك هما نفس الاعضاء )

انا متقبلة النقد من اي حد

اكيد هحس بالفرحة لما احس اني مش بكلم نفسي

او لوحد قالي ياريت او يكون افضل لو عملتي كدة

بس للاسف مش بيحصل كدة

بس ممكن يكون دافع ليا

اني اقابل الاعضاء بنفس المعاملة

بس اكيد دا مش طبعي

(هيكون نفاق مني)

بس اكيد مش هفرح لاحد مش شاركني فرحتني)

وحسسني اني غريبة عنكوا

لو في سبب لكدة ياريت تقولولي عليه

اسفة لو طولت

بس حبيت اقول اللي حسيته

بصراحة وبمنتهى الصدق عشان انا كمان مش اكون منافق

كلامك اللى قولتيه كله غير صحيح

اولا انتى عضوة جديده طبعا

انا منشئ المنتدى وصاحب المنتدى

وعارف كويس وعندى خبره ليه مثلا عضو بيرد على موضوع ومش بيرد

وليه الاعضاء تواجدهم قليل كل ده بخبرتى انا عارف كويس ليه

اولا الفتره اللى احنا فيها دى فترة امتحانات

زى السنه اللى فاتت بالظبط

طبعا انتى مكنتيش متواجده معانا السنه اللى فاتت

زى السنه اللى فاتت

كان فيه اعضاء غيرك كتير

واشتكوا من نفس المشكلة دى

وقالوا مواضيعهم مش بيترد عليها

لانهم كانوا مشتركين فى فترة الامتحانات

لكن بعد كده فى الاجازة كل المواضيع دى بيترد عليها

تانى نقطة وطبعا انا حذرتك منها عشان مواضيعك يترد عليها

انك كنتى بتعملى فى القسم الواحد حوالى 20 موضوع

وانا قولتيلك كترة المواضيع هتخلى تعبك يروح على الفاضى ومحدش هيرد عليكى

وقولتيلك وزعى مجهودك على كل الاقسام مش قسم واحد

تالت نقطة ودى اهمها الزوار

دى اكتر حاجه تهمنى عن ان عضو يرد عليا

لان الزائر طالما دخل موضوعك فاكيد دخل عشان يقرأ موضوعك

واكيد اعجب بموضوعك

وبعدين مش كلمة شكرا هى اللى تخلينى اسعد مثلا

يكفى ان اعرف ان موضوعى موجود على شبكة جوجل

وموجود فى احصائيات جوجل والزوار بيتقاطبوا عليه

حتى لو مافيش ردود

وبعدين انا شايف ان مواضيعك بيترد عليها عادى جدا

ولو مواضيعك مش بيترد عليها

فهى على الكل

محدش مستقصدك ولا حاجه زى مانتى بتعتقدى

وبتقولى مواضيعك بالذات محدش بيرد عليها

انا هقولك حاجه مهمة جدا

فيه نظرية اسمها نظرية السببية

لكل حاجه سبب ولكل شئ سبب

ماهو السبب فى ان الاعضاء مش هيردوا عليكى انتى بالذات

هل هما عارفينك وواخدين منك موقف ؟؟؟؟؟؟؟؟؟ طبعا لاء

هل انتى زعلتى حد فى حاجه ؟؟؟؟؟؟؟؟؟ طبعا لاء

هل انتى مواضيعك مش كويسة ؟؟؟؟؟؟؟ طبعا لاء

هل انتى مواضيعك مش منسقة ؟؟؟؟؟؟؟ طبعا لاء

اذن مافيش اعضاء زى مانتى بتقولى مش بيردوا عليكى انتى بالذات

او الكلام اللى قولتيه ده

اخر نقطة احب اقولهالك

هى استمرارك فى المنتدى هو اللى بيجعل الاعضاء يدخلوا مواضيعك ويردوا عليكى

انتى لسه جديده

متنسيش النقطة دى

المنتدى بقاله سنتين وانا متواجد فيه بقالى سنتين هى عمر المنتدى

لكن انتى عضوة جديده بقالك حوالى 25 يوم تقريبا

لسه محتاجه تدى للمنتدى ولسه محتاجه تتعرفى

وبعدين المنتدى كان فيه اعضاء كتير جدا جدا جدا

وعدد مشاركاتهم تخطت الالافات

وادوا للمنتدى كتير

لكن طبعا فيه منهم مستمرش وفيه منهم اتجوز وفيه منهم حصل مشاكل معاهم

حوالى 20 او 30

لو انا ذكرت ليكى كل عضو فيهم على حده واللى عمله للمنتدى او فى المنتدى

هقعد اكتب صفحات

فادى للمنتدى واصبرى لما الامتحانات تخلص

والمرونه مع الاعضاء

بجانب انك تتشهرى وتتعرفى فى خلال الوقت

وهتلاقى ردود وكل حاجه

اسف على ردى لو كان تقيل شوية

ومتزعليش من كلامى

لانك عضوة جميلة ومحترمه واتمنالك كل خير

بس انتى عارفه انا صريح وحبيت اكلمك بمنتهى الصراحة

لان انا عندى خبره عنك بكتير وكل المشاكل اللى قولتيها دى

ياما ياما اتقالتلى من اعضاء كتير

مش اول مرة اسمع المشكلة دى

وعارف كويس ايه اسبابها

وانا وضحتهم ليكى

اتمنالك كل خير وتتوفقى ان شاء الله

وبخصوص مثلا لو فيه اعضاء معينين مش بيردوا عليكى او على مواضيعك انتى بالذات

فلا تنظرى وراء ظهرك

بمعنى انك تستمرى وتستمرى فى العطاء ولاتنظرى لأحد

لان ممكن وده برده من خبرتى

ان يكون فيه زى ماتقولى منافسة او بعض الغيره

وده اللى بيحصل فى المنتديات كلها

بيكون فيه غيره ومنافسه بين الاعضاء وبعضهم

اللى يستحق انه يبقى الاجدر والاحسن

فده شئ موجود فى كل المنتديات

المفروض منك انك تستمرى فى العطاء وتكيدى اى حد او اى عضو غيران منك

وعموما دى منافسة

وانا قريب هعمل مسابقه

افضل مشرفة بس فى الاجازة لما الامتحانات تخلص

وهيكون فيه منافسة بينك وبين المشرفات جميعا

ايكم افضل مشرفة وده هيكون بناء على تصويت الاعضاء

واخر حاجه احب اقولهالك

انى انا بتعرض يوميا لموضوع المنافسه دى والغيره وفيه حقد جامد جدا ضدى

طبعا ليسوا اعضاء فى المنتدى ولكن اشخاص بيقلدونى فى كل حاجه

فيه ناس بتقلدنى فى كل حاجه

عملوا منتديات شبيه لمنتداى

وسرقوا تصاميمى وافكارى

وسرقوا بعض مواضيعى

بس هل انا اعطيت وجهى ليهم ولا هل انا مثلا زعلت

ده بالعكس ده هما خلونى اطلع كل حاجه عندى

واخلى المنتدى افضل واحلى واحسن مليون مره من الاول

لان لما احس ان فى حد بينافسنى

بيخلينى عاوز ابقى احسن منه

وبطلع كل حاجه عندى

واديكى شايفه المنتدى عامل ازاى كتصاميم وكاستايل وكاقسام وككل حاجه

ولواحدى الحمد لله انا بنفذ كل ده

دى مجرد رسالة لكل انسان حاقد عليا او بيقلدنى او بيحاول ينال منى

اطبعا هما كتير بيقلدونى حوالى 5 منتديات اخرى بتقلدنى فى كل حاجه بعملها

واشخاص طردتهم من المنتدى قبل كده كتير بيقلدونى حوالى 7 تقريبا طردتهم للحقد والغل اللى جواهم

فلاتعطى وجهك لاحد

واستمرى فى العطاء واستمرى فى التقدم

وكل مابتدى للمنتدى كل ما هتنالى الثقة منى ومن الاعضاء وهتنالى احسن من كده بكتير

ولا تجعلى ان ده يكون سبب فى يأسك

ادى مواضيع واستمرى وردى على كل الاعضاء عادى جدا

انتى كده هتخلى لو ليكى حد مضايق منك او مثلا بينافسك او بيحقد عليكى عشان انتى ناجحه

هتخليه يضايق اكتر وتخليه ينهزم

لكن لو انتى مستمرتيش فى العطاء او انك اضايقتى او انك متروديش على الاعضاء

بكده انتى هتخلى العضو اللى مثلا بينافسك او بيحقد عليكى كانه انتصر عليكى

فدى بعض نصايحى ليكى وربنا يوفقك

وعلى فكرة انا لسه شايف ردودك دى انهارده

معرفش انك رديتى من زمان

فاول ماشوفتها انا رديت على طول ماتاخرتش

متشكرة اوي علي الافادة

jتسلم ايديك ع الموضوع ده
انا واحده من الناس اول ما دخلت المنتدى كنت اتضايق اوى لما الاقى ان موضوع مش اترد عليه
بس بعد كده عرفت انى غلطانه وان المهم ان الناس يوصلها اى حاجه ويستفيدوا ولو كلمه
انا اتعلمت ان الكلمه الى تعرفها امانه لازم توصلها للى ما يعرفهاش
وربنا يوفقنا

noonna كتب:

عندك حق يااحمد فعلا مش شرط الرد ع المواضيع المهم التاثير فى اللى بيقراها

ما هو الموضوع لو مؤثر اكيد هيدفع اللى بيقرأه انه يرد عليه

وطبعا شكرا لمجهودك الملحوظ يااحمد