هل ندمت على معرفه شخص ما؟

هل ندمت على معرفه شخص ما؟

--------------------------------------------------------------------------------

هناك من يجعلك تندم على معرفته.. يسقيك الإحساس بالندم كلما التقيته أو تحدثت معه.. مواقفه تخذلك .. وتصرفاته

تخجلك.. فتتمنى بينك وبين نفسك لو أن الزمان يعود إلى الوراء كي يبتعد عنك..

و لا تكرر خطأك الفادح في تصديقه...
لكنك عند كل أمنية محبطة تكتشف أن الزمان لا يعود إلى الوراء...

وعندها لا تملك سوى الاعتذار لنفسك على هذه المعرفة...
في حياة كل واحد منا هناك مواقف كثيرة ومتعددة ومختلفة تجعلنا نجد راحة نفسية مع جماعة نعرفهم فقط من مدة قصيرة ,

ومع ذلك نجد أنفسنا نرتاح لهؤلاء الناس نحس كأننا نعرفهم من سنين قديمة..
ومن ناحية أخرى يكون لنا صلة مع قرابة ممكن أن تكون من بعيد أو قريب لا نرتاح لوجودهم معنا أو التحدث معهم , فنحس

بإحساس غريب كلما رأينهم فنندم على معرفتهم..
ولكن احيانا تقول بعض الفتيات و الشباب في ذاكرتي شخص لم ولن اندم على معرفته...سأظل ارتقب عودته الى ان ارحل عن هذه الدنيا ..

هل شعرت في يوم من الأيام بهذا الإحساس ؟؟
وهل فعلا ندمت على مثل هذه المعرفة ؟؟

موضوع للمناقشه

انتظر ردودكم الحلوة

وعندها لا تملك سوى الاعتذار لنفسك على هذه المعرفة...
في حياة كل واحد منا هناك مواقف كثيرة ومتعددة ومختلفة تجعلنا نجد راحة نفسية مع جماعة نعرفهم فقط من مدة قصيرة ,

والله فعلا الواحد ممكن يندم على معرفه شخص بقاله كتير فالمقابل حد يعرفه من فتره صغيره بس ميرسى على الموضوع ده :flower:

موضوع كويس بس الندم مش بيرجع اللى فات مش لازم الواحد يندم المهم يعرف انه عمل حاجة غلط ويحاول يصلح منها اما الندم ويفضل يقول لو كنت عملت كذا لكان كذا لو تفتح باب الشيطان وكلمة ياريت مش بترجع اللى فات المهم اننا نتعلم عشان ننتحق فى الجاى ونحقق امالنا وطموحتنا متشكرين جدا

بجد موضوع جامد وتسلم ايديك

انا عمري ماندمت علي معرفتي بأي شخص
لأني لو طلع انسان كويس يبقي خير وبركه
لو طلع مش كويس يبقي تجربه هتعلم منها
وفي ناس فعلا هفضل فكراهم لأخر يوم في عمري
وعمري ما اندم اني عرفتهم في يوم من الأيام

كفاية اني طلعت منها بحاجة جديدة واتعلمت دا المهم ودا اللي هينفعني
بــــــــــــــــــــــــــــــــــــــــــــــــــــس

أنا مش باندم على معرفة شخص معين لكن بحس انى عرفته على حقيقته متأخر لأنه كان نمر أو ذئب يرتدى زى طاووس واللى يزعلنى وقتها انى اديته أكتر مما يستحق لكن ده مايتسماش ندم لأن مثل هذه المواقف هتعلمنى بعد كده أسلوب التعامل مع الناس وعدم التسليم من الجولة الأولى لأى شخص وتصديقه دون دليل بين


تسلم ايدك بجد توبيك جامد

انا الحمد لله عمرى ما ندمت على اى معرفه لانى بفكر قبلها كويس جداا
والموضوع رائع وفى تقدم دااااااااائم يارب

مفتكرش انى اندم على انسان عرفته قبل كدا.... بالعكس اعتبرها تجربة او اختبار ليا ربنا بيختبرنى فيه
والحمد لله كل شىء مكتوب ومتقدر .. واكيد هستفاد من التجربة واعرف انا عايزة ايه
ميرسى على موضوعك

مش ندم لان الندم بيكون على الحاجه الكويسه بس
لكن ممكن نقول سراب وعدا من حياتنا
والمهم اننا نستفاد من تجاربنا منسبهاش تعدي كده
لان الحياة تجارب والشاطر هو اللي يتعلم ويعرف الحياة ويعرف يتعامل معاها