اسطوانات الشباب للبنات (ادخل وشوف)

- حبيبتى انا ماستهلكيش
(هيييه وهو ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

3- انا هاسيبك علشان مش عاوز اى حد يتكلم عليكى نص كلمه
( ياراجل وانتلسه فاكر دلوقتى مالبنت اتشحورت والحمد لله بسببك وخلاص الى حصل حصل)

4- انا مش عاوزك تزعلى منى
(يارااااجل وانت لما تسبها هاتعمل فرح وتدبح عجلين يعنى ؟ ولا والنبى هاتزغرد لولولولى الواد سابنى انا فرحانه )

5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

7- انتى احسن حد عرفته فى حياتى بس مش هاينفع نكمل
( ترد هيا بقى وهيابتعيط اهئ اهئ اهئ ليه ليه ليه .. يقولها علشان خطرى انا ماستحملش دموعك... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألوسنتين ماشى معاها وبعدين لسه مكتشف ده , الظاهر عليه كان بيكتشف مقبرةجديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)

مش كل الشباب كده طبعا

جاااااااااااااااااااااااااااااااااااامد اوي....


نوداااااااااااااااااااااااااااااااا

مع احترامى لكلامك ليه دايما بنقول على الشباب انهم من الاخر بتوع حوارات واسطوانات والبنات دايما هم الضحية فى الحقيقة الاثنين زى بعض سعاد حسنى الله يرحمها قالتها البنت زى الولد ماهياش كمالة عدد ارجو انك ماتعتبريش كلامى انة من اساليب السخرية على كلامك

mosad saad كتب:

مع احترامى لكلامك ليه دايما بنقول على الشباب انهم من الاخر بتوع حوارات واسطوانات والبنات دايما هم الضحية فى الحقيقة الاثنين زى بعض سعاد حسنى الله يرحمها قالتها البنت زى الولد ماهياش كمالة عدد ارجو انك ماتعتبريش كلامى انة من اساليب السخرية على كلامك

ميرسي على ردك وانا قولت مش كل الشباب طبعاااا
وبرده مش كل البنات ضحايا
فيه اللي عندهم برده اسطوانات للشباب
بس مش تنكر ان في شباب بتعمل كده واكتر من كده
وفي بنات عندها اسطوانات للشباب برده
وشكرا ليك وعلى ردك
وياريت تفهم ردي
ومع احترامي ليك

ميرسى على موضوعك الجميل داه
وفعلا مش كل الشباب زى بعضها

الموضوع حلو جدااا بس مش كل الولاد ومن المفروض ان البنت برده متوصلش نفسها ان هى يتقالها الكلام ده وشكرا ع الموضوع

موضوعك جميل اوى
ومش كل الشباب زى بعضه

ال بيتسلى بيتكشف من اول الكلام مش هنستنى لما يوصل لسنتين

مشكوره علي الموضوع الجميل ده ودائما ماتمتعينا بالمواضيع المتميزه
بس انا بقول ان فيه اوقات شباب او بنات بيقولوا الكلام ده وبيكون صادق في مشاعره واحساسه وان ممكن يكون واحد فيهم بيضحي فعلا علشان التاني مش علشان غرض في نفسه
وبردو فيه ناس بيتقول الكلام ده لمجرد الهروب من الشخص التاني والوعود اللي كان بيقولها
وانتي قولتي مش كل الشباب
بشكرك مره تانيه علي الموضوع الرائع ده وتقبلي مروري

جامد اوى التوبيك ده
وصح كلامك مش كل الشباب كده ولا كل البنات كل واحد وله اسلوب

تسلم ايدك يا قمر عالتوبيك الجميل جداااااااا ده

وللاسف الاغلبيه سيئه والشباب المحترمين مظلومين بسبب كثرة النماذج السيئه

وكذلك البنات ربنا يهديهم جميعاااااااااااااااا

الموضوع حلو اووى مش كل الشباب والبنات كدة بس البنت لازم تبقى حريصة فى معاملاتها مع كل الناس ومتصدقش ولا تثق فى اى حد بسهولة لازم يكون فى صدق وثقة بس مش بدرجة100% لازم يكون فى حرص

تسلمي علي موضوعك الجميل
اكيد مش الكل كدة <الشباب والبنات>
بس بردو محدش يثق في حد بسهولة