لا امان للبشر يا قلبي

في ناس عايشه وبتنظم حياتها على هذا القانون وهو ( لا امان للبشر ولا ثقه لهم )
لان الناس اللي منظمه حياتها على هذا القانون بتكون اتكوت بنار الكدب والغش والخيانه
وبنار الخداع واتكوت بنار كلمه الخوف والحب والحنان والطبطبه والدموع الكدابه
ولكن كان كله كلام في كلام لان الكلام في اليومين دول ملوش جمارك الكل بيتكلم وبس
ومحدش بيسكت عن الكلام علشان بعض الناس مش وراها حاجه غير الكلام وبس من غير فعل
فلو الانسان عايز يمشي من غير ماينكسر يمشي بكذا قانون ومنهم
( لا امان للبشر )
مش تامنلاي شخص بسهوله ولا تثق فيه بسهوله
مش تتضمن الظروف ممكن الانسان اللي قدامك انت فاكره حبيبك وصاحبك وكل حاجه
ليك في الدنيا وانت بتحبه وبتخاف عليه وممكن تضحي له بكل حاجه
ولكن هو للاسف بيمثل عليك لانه معاك بوشين وانت بتحكيله كل حاجه وعارف عنك
كل شئ واي حاجه بتحصلك اول واحد يعرف وتيجي في الاخر وبعد فوات الاوان
تكتشف انه مش يستاهل اي حاجه خالص وتعرف انه انسان مصلحه وماشي بقانون ومنظم
حياته على هذا القانون وانت يعيني غلبان ومش تعرف انه كده عارف ايه هو القانون
(المصلحه هي الاقوى )
وانت اتجرحت منه ومندهش وهو ولا على باله اي حاجه
ويجئ في الاخر يقولك هي ديه الدنيا وهي ديه حالها
ويقولك متزعلش وهو فاكر ان الكلمه ديه تداوي الجرح اللي جواك
ومش هتقدر تعمل حاجه ولو عملت هتعمل ايه ممكن تنتقم منه
بس انت تعرف الانتقام ده ممكن يوصلك لحد فين ؟؟؟
مش بايدك حاجه تعملها غير انك تقول حسبي الله ونعم الوكيل
وبعد كده طبعا هتخلي بالك بس طبعا بعد ما انجرحت وتعبت ...


(وانا مش قصدي كل الناس ولكن معظمهم )
:cry:

موضوعك رائع جدا بس اقولك على حاجة الواحد مش بينجرح غير بس من اللى بيحبهم واوى كمان والمفروض انهم برده بيحبوه لكن هنقول ايه ده حال الدنيا وقانون لازم يمشى على الكل وفعلا (حسبى الله ونعم الوكيل)

طبعا الايام دي مفيش امان للبشر وانك تلاقي حد كويس صعب اوي
بس عاوزه اقولك لو احنا مشينا علي قانون (لا امان للبشر ) محدش هيتعب غيرنا
اكيد هنكون شك لكل الناس وهنظلم معانا ناس كتير وهنعيش حياتنا في شك وبس
بس انا في كلامي مش اقصد اننا نتساهل مع الناس لكن نكون اكثر حذر من الناس
مش اي حد نفتح له قلبنا ونقله اسرارنا الا ازا كنا متاكدين منه ميه في الميه وواثقين فيه
وحتي لو فيه حد جرحنا يبقي العيب مش فينا العيب فيه وربنا مش بيسيب ابدا
واكيد هيجي عليه يوم وبيحب حد ويجرحه نفس الجرح اللي سببه للناس
وميرسي يا قمر لموضوعك

وانا مش قصدي كل الناس ولكن معظمهم
انا قرات الموضوع وهو حلو اووووي بس ليه بتخاطبي من يطلق عليهم خائن او منافق هي اشمل معني لهم
ياااااااااريت بجد ياجميل تنزلي موضوع عن الفرحه عن اسكان الحياه داخل القلوب وليس تنفيرها موضوع يبين شخصيتك اللي جواكي مش كل مواضيعك كده ياجميل ياااااااااارب توافقي
(ولقد كرمنا بني ادم) البشر هم اتباع محمد صلي الله عليه وسلم فكيق نقول عليهم لا امان لهم ؟؟؟؟؟؟؟؟؟؟؟؟؟؟

شكرا ليكي يا دودا
وشكر ليكي mb22
واتمنالكم التوفيق في حياتكم
وانا قصدي ان في ناس بتضحك عليها بسهوله بسبب الكلام المعسول
والناس ديه مش بتخاف على مشاعر الاخرين لان عندها المصلحه هي الاقوى
وشكرا ليكم

Ahmed Elazone كتب:

وانا مش قصدي كل الناس ولكن معظمهم
انا قرات الموضوع وهو حلو اووووي بس ليه بتخاطبي من يطلق عليهم خائن او منافق هي اشمل معني لهم
ياااااااااريت بجد ياجميل تنزلي موضوع عن الفرحه عن اسكان الحياه داخل القلوب وليس تنفيرها موضوع يبين شخصيتك اللي جواكي مش كل مواضيعك كده ياجميل ياااااااااارب توافقي
(ولقد كرمنا بني ادم) البشر هم اتباع محمد صلي الله عليه وسلم فكيق نقول عليهم لا امان لهم ؟؟؟؟؟؟؟؟؟؟؟؟؟؟

ميرسي ليك كتير
وان شاء الله هافكر بس ده عايز وقت طويل بس هحاول
وعليه افضل الصلاه والسلام
بس ليه بتخاطبي من يطلق عليهم خائن او منافق هي اشمل معني لهم ؟؟؟
لانه معظمهم كده وانا شوفت منهم
وميرسي لردك الجميل
وربنا يوفقك

خاولي بجد تغيري من حالك الواحد مش بيتعلم ببلاش الحياه تجارب ومش علشان موضوع معبن

ياثر عليكي كده كده هتحسي بان الحياه صعبه وهتمكني الناس منك بعد كده لازم تبيني لنفسك قبل

كل شئ انك واثقه من نفسك عندك اراده ماتقوليش هتحاولي قولي ياااااااااا انا كتبت وعملت

خلاص علشان تعرفي تغيري وياااااااااااااااااااااارب ويارب تغيري اسمك ده علشان نعرف

ننادي عليكي بلاش كده ربنا معاكي

خلاص انا ان شاء الله هاغير اسمي
والحمد الله على كل شئ
وعندك حق الحياه تجارب
ولكن التجربه االلي مريت بها اصعب تجربه
ولا يمكن ان امحيها
وشكرا لك
وربنا يوفقك

احنا فى زمن صعب بيقا فية حب دلوقتى حب مزيف بس