سؤال بساله لنفسي ؟؟؟ حد عنده اجابه !

سؤال بساله لنفسي مليون مره وللاسف مش لاقيه اجابه ولما بقترح اجابه مع نفسي بصراحه
مش بقتنع بيها نهائي نهائي نهائي !!!
والسؤال هو هما ليه خلفوهم ؟؟؟
ليه يخلفوهم وبعد كده يرموهم في الشارع ويتربوا في الملجا او الدار ليه ؟؟؟؟
سؤال بساله لما بروح دار ايتام وبشوف اطفال ابرياء اطفال الله اكبر عليهم
والدوار الايتام بقت كثيره للغايه ... فيها اطفال ملهمش ذنب اطفال صغار السن
اول ما بشوفهم بسال نفسي السؤال هي ليه خلفته ورميته ليييييييييييييييييييييييه ؟؟؟
اقترحت اجابه قلت يمكن ظروف او قلت يمكن غلطه او عدم القدره على المصاريف ... الخ
ولكني بصراحه انا مش مقتنعه باي اقتراح انا قولته نهائي ولا قادره اقنع نفسي
تصوروا الاسبوع اللي فات لما روحت الدار لقيت طفل عنده 10 ايام لقيته هناك ولما سالت قالوا
احنا جبناه من الشئون وهما لقوه في حديقه تصوروا ام ترمي طفلها اللي لسه مكملش حاجه خالص يعني اكتر وقت
هو محتجلها فيه تصوروا حقيقه مؤلمه للغايه ...
اطفال ملهمش حل اطفال جمال جدااااا ودمهم خفيف اطفال بجد ملهاش حل نهائي
اطفال انا برتاح لما بكون معاهم اطفال محتاجه حنيه وعطف ومحتاجه ان في حد يسعدهم
وتصورا فجاه لقيت مربيه متخلفه معندهاش قلب ولا احساس نهائي كانت بتضرب طفل عمره 3 سنوات
طفل 3 سنوات بيضرب بعصاه الكبير مش يستحملها وهي لو ابنها ياتري هتعمل في كده ؟؟؟
وياتري هي كانت بتشتغل ليه علشان تضربهم وتعذبهم ولا تكون حنينه عليهم وتعتبرهم زي اولادها
تصوروا انا لما قولتها كده اعتبريهم زي اولادك ... قالتلي دول ولاد حرام في حرام ...
وانا اكتشفت حاجه انهم بيحسواااااا جداااااا وبيفهموا يعني الطفل بيفهم انه ملوش ام ولا اب من سن 4 سنين
السؤال اللي نفسي حد يقنعني بيه
هما ليه خلفوهم ؟؟؟
بدل هما هيرميهم ليه خلفوا ؟؟؟
ومحدش يقولي ظروف مافيش ظروف تخلي الام او الاب انها ترمي ابنها اللي لسه مخلفاه
كل اللي اقدر اقوله حسبي الله ونعم الوكيل في هذه الامهات والاباء
( ويارب يحنن المربيات اللي في الملجا او الدار )

اكيد مفيش اي ظروف مهما كانت تخلي الام والاب يرموا اطفالهم في الشارع
ومفيش اي مبرر مهما كان وهيه ايه معني الام لو مكنتش تضحي عشان ولادهم
الام هيه التضحيه
الام هيه العطاء
مهما اتكلمت عنها مش هقدر اوصفها باي كلالالالالالام
بس كل اللي اقدر اقولهولك ان دول مش امهات للاسف
وفعلا (حسبي الله ونعم والوكيل )
اما بالنسبه للمربيات المفروض علي اي ملجا انه يحاول يختار المربيات دول
وانهم يحاولوا يختاروا مربيات حنينين علي قد ما يقدروا لانهم فعلا محتاجين للحنان
وشرا لموضوعك وجزاك الله كل خير

ميرسي ليكوا على مروركم واحساسكم
وربنا يوفقكم ويسعدكم

بجد رائع بس انا سالت السؤال ده كتير لكن مفيش اجابه بس اعتقد ان ده ناتج عن نقص الوعي الديني والثقافي وعن كثره الاخطاء اللي بيصلحوها باخطاء اكبر بكتير وهقولك حاجه لو كانت كل حاجه صح مش كانت هتبقي دي الدنيا هي كده حالها مايل بس مين يعدله
وبجد موضوعك رائع

ميرسي على مرورك الجميل
وفعلا ربنا يهدينا يارب
ويصلح حالنا
اتمنالك التوفيق