لو اختك بتحب واحد وهو طلع........؟

طلع طلع طلع
رد سجون :cry:
ا انا اترددت كتير قبل ما اكتب الموضوع ده وارفعه فى المنتدى بس لقيت ان مش حل ابدا
ان كل موضوع محرج هنتدارى منه ومن مناقشته ف قررت ان اتوكل على الله واطرحه عليكم
والسؤال لو اختك او بنتك جت وقالت لك انا بحب الشخص ده بس هو لسه خارج من السجن كان
كان بيقضى عقوبه فى قضيه فلانيه ولقيت ان هى متمسكه بيه وواثقه انه انسان كويس وعلى خلق
ومش عنده اى مشاكل غير المشكله المطروحه؟؟؟؟
يا ترى الحل ساعتها هيكون ايه؟ وهيكون ردك ايه؟ وازاى هتقدر تتفاعل مع طلبها ده؟
بس قبل ما اشوف ردروكم يا ريت يا جماعه
نفكر بالموضوع بمزيج من العاطفه والعقل لان لو حكمنا عقلنا بس فى موضوع زى ده اكيد هتكون
الاجابه لالالالالالالا
ومش معنى كده ان بقول لو اختك بتحب واحد رد سجون رحب بيه و وجوزهولها لا خاااااالص
بس انا بقول ان قبل ما نحكم على الانسان ده او غيره من الى فى حالته
لازم تشوف ظروفه كانت ايه وايه الى دفعه للوقوع فى غلط يحطه فى الموضع ده
ومش معنى ده انى ببرر انه يغلط وبعدين نشوف ظروفه .... يعنى الفقر مش مبرر لصاحبه انه يسرق
او ينصب
ولاكن فى حاجه كلنا غافلين عنها ان مش كل المساجين من القتله والى بيمد ايده
السجن فى ناس كتير دخلت دفاعا عن شرفها وعن ارضها وعن ناسها
وهما فى نظر ربنا اشراف حتى لو قتلوا هؤلاء الناس بيحسبوا عند الله شهداء
ف ليه احنا نحكم عليهم بالاعدام وهما احياء يعنى ربنا مديهم ترخيص ان لسه ليهم حياه
ليه نيجى احنا ونمنعها ونقف قصادهم وممكن اوى يكون انسان كويس وقادر انه يدى للمجتمع
ويكون عضو فعال فى مكانه سواء ك اب فى بيته او فى شغله او فى وسطه المحيط بيه
وموضوعى ده الهدف الاول والاخير منه هو
دعوه للتعمق فى الاشياء وترك السطحيه المبالغ فيهااا
واتمنى يكون الموضوع عجبكم ومستنيه ردودكم وارائكم

بجد موضوع حلو وفعلا موجود الموضوع ده كتير عند الاهال
هو موضوع محير بس انا مش عارفه اقول ايه
كل اللي اقدر اقوله انها بتبقى مشكله كبيره
والاب بيكون باله مشغول جداااااااااا
هو من جواه عايز يقول لاء انا ليه اجوزها لواحد زي ده وكده
وفي نفس الوقت بيقول وفيها ايه بدل هو خلاص اتغير وهو اصلا كان كويس
بس الظروف اللي عملت كده وهو من الاصل محترم واهله محترمين
يوافق طبعا عليه ومافيش انسان معصوم من الغلط
وكل انسان عنده غلطه لا يقدر ينساها نهائي
وبدل هي بتحبه وهو بيحبها يبقى خلاص
بس لازم الوالد لازم يتاكد ان هذا الشاب سوف يحافظ عليها ويرعاها
ويتقى فيها ربنا ويسعدها ويعرف ان هذا الشخص سوف يحميها من كل حاجه
بس الموضوع ده يفرق من اب الي اب
كل اب له تفكيره الخاص وكده
بجد موضوعك حلو وشاغل ناس كتير
ربنا يوفقك يا جميل

حبيبتى ربنا يخليكى ومتشكره لمرورك ورايك
وربنا يهدينا جميعا ان شاء الله

السلام عليكم ورحمة الله وبركاته
بصوا انتم عارفين ان القانون المصري هو القانون الفرنسي يعني موضوع السجن ده مش موجود في الاسلام اساسا فمثلا السارق بيقطع يده وبعدها كل اللي يشوفه يعرف ان ده كان سارق علشان يكون عبره ويكون منبوذ في المجتمع او القاتل يقتل او الزاني يرجم علي حسب ان كان متزوج او لا فالاسلام بيقطع هؤلاء من المجتمع هم اه اخدوا العقوبه بس بيكونوا منبوذين في المجتمع
اما القانون بتاعنا ده بئه اللي محدش عارفله حاجه من الاخر محدش بيدخل السجن من غير ماعمل حاجه او لما يطلع يكون انسان سوي السارق سارق والقاتل قاتل اما الاسلام قال نقطع ايده ليه علشان الناس كل ماتشوفه تبصله فايتكسف علي نفسه مايعملهاش تاني ولو عملها نقطع التانيه دلوقتي بئه السجن استحلفكم بالله اليد ولا السجن اخف عنده اكيد السجن فماتفرقش عنده كام سنه وبيطلع في مقابل مبلغ معين
من راي استحاله اجوزها لواحد زي ده وهي اساسا تبقي مالهاش عقل لو فكرت في كده اساسا ياريت اكون وصلتلكم راي
شكرا ياجميل علي الموضوع الهايل ده ونتمني لكي المذيد وتقلبي مروري

بجد هو موضوع محير جداااااا بس فعلا عندك حق لازم نحكم قلبنا وعقلنا كويس مش عقلنا بس لكن الموضوع مانقدرش نحكم عليه كده لانه اكيد له ابعاد تانيه

عموما لوهو دخل السجن عشان حاجه مش مخجله الموضوع يبقى اسهل شويه بحيث ان لو البنت مصممه ممكن الاب يوافق ع خطوبه وفى الفتره دى يبدا يختبر تصرفاته لو لقاه كويس ومستقيم يبقى خلاص الموضوع يتم

وارجع واقول برده ان كل شى بايد ربنا ولو ليها نصيب ف الشخص ده اكيد ربنا هايوفقها

واسفه ع الاطاله

مشكوووووووووووووووورين نونا واحمد وميرسى على المرور

انا بالنسبالي لو بنتي انا مش هوافق عليه تماما
بس انا لو لقيتها متمسكه بيه جدااا
هقعد معاها واقنعها بالعقل انها تبعد عنه
ولو كانت مصمممه برده بيه ومتمسكه بيه رغم انقناعي ليه
هحاول اعرفه واعرف ايه الاسباب اللي دخل السجن بيها
واعرف اخلاقه ازاي
واذا كان اخلاقه كويسه ومحترم وشريف
ودخلوه السجن لظروف خارجه عن ارادته
لان مش كل اللي في السجن مجرمين زي ما قلتي
ممكن يكونوا دخلوا السجن مثلا دفاع عن شوفهم او بيتهم او حقهم
في الحاله دي انا ممكن اوافق عليه
رغم انه صعب اني اواجه المجتمع بيه
لكن طالما عارفه وواثقه انه انسان كويس وان ساعدتها هتكون معاه
وانها متمسكه بيه جدا واستحاله توافق ترتبط بحد غيره
هوافق عليه
وميرسي للموضوع الجميل ده
وهيه دي فعلا مشكله كبيره