شارك معانا ...............هام لكل الاعضاء

ا السلام عليكم ورحمه الله وبركاته

يارب يكون كل اعضاء منتدانا الجميل بخير وبسعاده دايما يارب
احنا طبعا كلنا هنا ف المنتدى كجروب واحد. وكل واحد مننا لشخصيته عيوب ومميزات ونفسه العيوب دى تتحول للميزات
انا هبسط اكتر من كده بمعنى ان كل عضو يقول ايه ال نفسه يغيره ف شخصيته واحنا هنشاركك ونقول تغيرها ازاى

ومش عيب ابدا انه احنا نقول عيوبنا ونصلحها وهستنى مشاركاتكم

اولا ازيك يا ايمــــــــان

بجد انتي انسانه جميله ودايما بحب اشوف مواضيعك يا جميل

ودائما بتعجبني والمزيد من المواضيع الجامده

واسعدت بانس اول من ردو على موضوعك

وموضوعك جميل

وطبعا اكيد فينا عيوب وكلنا بنخطا

لاننا بشر وليس ملائكه

وانا هقولك ايه هي معظم عيوبي

اولا العصبيه لحد مش يتوصف ....

ثانيا العنـــــــــد لدرجه اني بضر نفسي ....

ثالثا التفكير الدائم .... بمعني اصح دماغي مش بتبطل تفكير نهائي

وفيه عيب ان مش كل اللي في قلبي على لساني احيانا بيبن قدام معظم الناس

اني قويه ومافيش حاجه تهزني والمشكله اني من جوايا بكون خلاص

فانا مش بحسه انه عيب .... فما هو رايكم ؟؟؟

وانا بقى اللي مش بعتبره عيب خالص

بس برده ماما بتقولي حاولي تغيري نفسك

اني صريحه لدرجه غريبه جدااااااااا

انا اديني قولت معظم عيوبي

منتظره باقي الاعضاء يتفاعلوا

بجد انا سعيده جدا انك اول من يرد على يا ديدا وشكرا يا حبيبه قلبى ع ردك

انا زى ما قلتلك كل واحد هيقول عيوبه هنساعد ازاى انه يغيرها او على الاقل انه يبطلها

اولا قولتى انك عصبيه جداااااااااا

ده موجود ف معطم الناس اهم حاجه ان احنا نتمالك نفسنا عند الغضب
ولو تقدرى انك متكلميش حد ف الوقت ده يكون احسن
وطبعا متتخذيش اى قرار ف موضوع معين
لانه اكيد قرار غلط وهيضرك مستقبلا

ثانيا قولتى العند لدرجه انك بتضرى نفسك

انتى بتقولى انك بتضرى نفسك وهقولك حاجه مقوله( العند يولد الكفر)
مفيش اكتر من كده بقى صح ولا ايه ديدا؟؟؟؟؟

ثالثا قولتى انك مش بتبطلى تفكير

انا شايفه انه مش عيب اوىبس نرحم نفسنا شويه دى حاجه
واهم حاجه نكون بنفكر صح وف حاجه صح ولو احسن يكون ف مستقبلنا
غير كده عاوزه اقولك ع حاجه

التفكير الكتير بيقلب للعكس

اما بقى ال قلبك مش على لسانك بصراحه مش عارفه اقولك ايه لان بجد لو قلتى كل ال ف قلبك اكيد ف ناس هتزعل منك بس بقدر الامكان تحولى انك متزعليش ال حوليك وبرده تخليكى صريحه ميمنعش اهم حاجه ان احنا نكون ف سياق الكلام محترمين صح ولا ايه يا ديدا؟؟؟؟؟؟؟؟؟؟

انا تقريبا قلت كل ال عندى لو ف اى حاجه ناقصه
ياريت الاعضاء يتفضلوا ويكتبوا

ميرسي ليكي يا جميل

وانتي عندك حق يا جميل

وصدقيني انا بحاول

ولكن للاسف كل ما احاول افشل وبحاول تاني

وان شاء الله هتخلص منهم عن قريب

بس انا ان شاء الله هحاول اخفف موضوع العند ده لاني انا بتعب اووووي وبتعب اللي حواليا

وميرسي ليكي يا جميل

وربنا يحميكي ويحفظك ويسعدك

ان شاء الله يا ديدا هتتخلصى منهم
وفيها ايه لو نحاول مره واتنين وثلاثه كمان
اهم حاجه يكون فيه نتيجه

ان شاء الله يا جميل

وربنا يحميكي

وان شاء الله بقيه الاعضاء سوف يتفاعلون

ولك مني كل احترام وتقدير