لماذا اخطاء الشباب طيش ... واخطاء الفتاة جريمه ؟؟؟؟؟؟

السلام عليكم ورحمة الله وبركاته

لماذا اخطاء الشباب طيش ... واخطاء الفتاة جريمه ...
في ارتكاب الأخطاء !!.

نجد ان المجتمع يفّرق بين الشاب والفتاة .
فإذا ما تم ضبط شاب وفتاة في وضع مخل أو وضع غير ذلك في مكان خاص او عام .
نرى الشباب يحصل على البراءة في فترة وجيزة , ويتغاضى المجتمع عن أخطئه ويتناساه .

ونرى الشاب يواصل حياته وكأن شيئا لم يكن .
على الجانب الأخر ,يتعامل المجتمع مع البنت المخطئة على أنهامجرمة , أو منحرفة , فهي أخطأت في حق نفسها ,أسرتها ومجتمعها , ونجد الكل في حالة ترقب للنيل منها .
والحكم عليها بالإعدام , وتصبح منبوذة طيلة حياتها , حتى فرصتها في الزواج تقل وقد تنعدم بعد أن تسقط من حسابات أي شاب يرغب يسعى الزواج .

وانا لااعني بكلامي هذا ان يتغااضى الانسان عن اخطاء
البشر سواء كان شاب او فتاه ولكن يجب ان يعطى الانسان فرصه اخرى بحياته ولكني اعني بالرحمه والرفق بالفتاه

فان كان الله وهو خالق كل شي وفوق كل شي جل وعلا يرضى ويغفر للكافر الذي عمل وعمل مايحلو له من ذنوب بعد توبته .....

فنحن البشر لانستطيع ان نصفح ونجدد البسمه في حياة ناس ماتو وهم احياااء!!!

فهل من العدل تحتمل الفتاة وحدها هذا الوزر وتدفع ثمن خطئها طول العمر ........؟؟؟

وهل نطلق العنان للشاب لكي يجرب .
لكي يخطئ بحجة "الطيش " والنزوات ....؟ و ما هي مسئولية المجتمع

.

منقوووووووووول للامانه

سؤالك جميل جداااااااااا ياقمر

بس انا بجد مش عارفه ومش لاقيه اجابه ع السؤال ده ع الرغم ان الموضوع ده منرفذنى جدااااا من زمان

مش مهم الناس هتقول عليكى ايه اهم حاجة انك تكونى انتى واثقة انك صح واللى بتعمليه حاجة مش غلط

واقولك على حاجة يمكن الناس بتلوم البنات لان البنات دايما اعقل من الصبيان وبيشيلوا المسؤلية عنهم

شوفى كدة لو فى اب قدر يقعد مع طفل يوم كامل ممكن يتجنن ويقتل الولد بس الام صبورة وبتتحمل الوضع اللى هى فيه

وشوفى لو ولد وبنت ف نفس السن الولد تلاقيه تفكيره اصغر واهيف من البنت مع ان الاتنين ف سن واحد

مرسى على الموضوع يا قمر

شكرا ليكم ع مروركم الجميل

انا عندى وجهة نظر ان البنت ما هى الا سمعه والولد مهما عمله فاسمه ولد مش بيحاسب زى البنت * البنت بنت والولد ولد
يعنى البنت بتحاسب على كلامها مشيها عمايلها خروجتها غير الولد خالص
بس موضوع جميل والكلام ده كانت مدرستى فى المدرسه الابتدائيه بتقولهلنا دايما لاننا كنا بنعمل مصايب فى الابتدائى هههههههههههه
بس بجد موضوعك زى العسل تقبلى مرورى مع خالص احترامى

موضوعك جميل جدااااااااا يا ايمي ،،، وانا هقولك وجه نظري في الموضوع .....

{{ لماذا اخطاء الشباب طيش ... واخطاء الفتاة جريمه ...

في ارتكاب الأخطاء !!. }}

اولا :::

في فرق طبعا ما بين الشاب والفتاه في اشياء كثيره

في اشياء الرجل يقدر ان يعملها ولكن الفتاه لاء تقدر واحيانا خجلها وحياءها يمنعها ...

ثانيا :::

في نقطه ان اخطاء الشباب طيش

بصي انا معاكي احيانا فعلا في اخطاء بيعملوها بيقولوا عليها طيش

وبعدها بيعيشوا حياتهم عادي خالص ... بس انا عايزه اقولك برده الناس بتتكلم

عن الشباب ومش بتسبهم في حالهم ابدا وبتفضل تتكلم وهكذا ....

وغير كده انا عايزه اقولك على شئ

حسب البيئه اللي بيكونوا عايشين فيها

يعني مثلا في الصعيد ... البنت لو اخطاءت تقتل ....

لان ديه عاداتهم وتقاليدهم ... هي عادات خاطئه بس هما ورثوها عن اباءهم واجدادهم ...

واسمع ان الشاب هناك راجل يعمل اللي هو عايزه وهكذا ... لان ديه عادات وتقاليد ...

وتعالي بقى في القاهره ...

هتلاقي حسب البيئه

هتلاقي مثلا بيئه مؤمنه ان البنت زي الشاب وتعمل اللي هي عيزاه وعادي خالص...

وتعالي في بيئه تانيه هتلاقي الاب بيعامل ابنه زي بنته وبيعاقبهم نفس العقاب....

وهكذا ...... يعني حسب البيئه ....

بس انا طبعا من رائي ان الفتاه التي ترتكب خطا

وهناك طبعا انواع كثيره من الخطا والخطا متنوع

يعني انا مثلا بعتبر ان البنت لما بتكلم اكتر من شاب في نفس الوقت

وتعشمهم ووتضحك عليهم وتخرج مع ده وهكذا ... بتكون اجرمت في حق نفسها

وحق المجتمع وفي حق والديها وفي حق اسلامها ....

وفي خطا اكبر من هذا فصعب اننا على الاقل مش نعاقبها ....

لان البنت سمعه وجوهره ولؤلؤه والمفروض تحافظ على نفسها

لحد ما يجي ابن الحلال ....

اما بقى في نقطه ان اخطاء الشباب طيش

مش كل الاخطاء وحسب البيئه وهكذا ....

وحسب التربيه والنشاه الذي انشـأ فيها ...

وفي نقطه كلام الناس

فاكيد الكل عارف ان كلام الناس مش بيخلص

ولا بيعجبهم حال اي شخص ولا بيعجبهم العجب

فانا من رايئ لو مشينا وراه كلام الناس مش هنعرف نعيش وهنكره انفسنا

وهنكره حياتنا .... المهم اننا نكون واثقين من انفسنا

ووعارفين اانا بنعمل ايه .. ولازم اي ما نعمل شئ لازم نفكر فيه

ونشوف هل هذا صحيح ؟؟؟ ام لاء؟؟؟

لازم نفكر شويه بعقل ... ولكن للاسف معظم البنات

بيفكروا بقلبهم وفي الاخر بيندموا ....

فالمفروض ان يكون البنات اكثر تفكيرا بعقلهم لكي لا يندموا

ويحافظوا على انفسهم وسمعتهم .... لحد ما يجئ ابن الحلال

ولا يعطون الثقه في من حولهم بكل سهل وببساطه ...

بجد بقى حال معظم الشباب والفتيات بقى مؤسف للغايه ....

تلاقي الشاب واخد البنت في مكان عام وماشي معاها

وتشوفي لبسهم وكده وتلاقي ماسك ايدها وهي فرحانه ومبسوطه

ومش عايزاني اقول جريمه ... ده هي اجرمت في حق نفسها ...

بجد انا بستحقرهم جدااااااااااااااااااااااا ....

بتكون حاجه مؤسفه للغايه ؟؟

وفي الاخر احب ان اقول ليكي

ان محدش معصوم من الخطا نهائي لاننا بشر

بس الاخطاء تختلف وتتنوع ....

وميرسي لموضوعك كتير جداااااااااااا

وموضوعك جامد بجد

ويارب تتقبلي وجه نظري

واكون قدرت اوصلها

ومنتظره رايك ... وردك ؟؟؟

واختلاف الاراء مقبول

ونحن هنا لكي نتقناقش ونتحاور ...

شكرا لمروركم

بشكر جدا يا ديدا
وما شاء الله عليك ردك جبتيه من نواحى كتير جدا

وانا معاكى ف كل كلمه

ميرسي ليكي

وربنا يخليكي