حوار جامد جدا بين البنات والشباب

السلام عليكم ورحمة الله وبركاته

(( الحوار المثالي بين الشبــاب و البنــات ))

وهو عبارة عن حوار مثير بين فريقين

فريق [ الشباب ]

فريق [ البنات ]


وضعتها من باب المداعبة وتخفيف حدة التوتر بين الفريقين.


هناك أمور يكرهها الرجل في المرأه أو لا يستطيع فهمها

(( و ))


هناك أمور تكرهها المرأة في الرجل أو لا تستطيع فهمها


وسنقوم في هذا الحوار بتسليط الضوء على كل ما لا يعجبنا في الجنس الآخر بكل صراحة

و موضوعية وبعيداً عن التعصب حتى نستمتع و نخرج منه بنتائج إيجابية.


[ بداية الحوار ]


سيقوم فريق الشبـاااب بطرح تساؤل عن أمر معين لا يعجبه في البنــاات


وسيقوم فريق البنااات بالرد وتبرير الموقف


وبعد إعطاء الإجابات والمبررات الكافية يصبح فريق البنات في وضع الهجوم
ويطرح سؤال على فريق الشباب..... وهكذا يستمر الحوار


[ ملاحظة ]


أرجوا أن نكون مع الحق دائماً بعيداً عن الإنتماء و التحيز

مع تحياتى

الملاك الطائر

وانا هبدأ

السؤال

لماذا تضع بعض الفتيات الحجاب ولكننا نرى أكثر من نصف شعرها مكشوف أو جزء كبير من

الرقبة؟؟

هل مجرد منظر أو لمجاراة موضة معينة أو خوف من الأهل أم ماذا!!!؟؟؟؟؟؟؟

انت قولت بنفسك بعض الفتيات والحمد لله اختك مش منهم
متعرفش بقة ممكن يكون منظر وربنا يهديهم يارب
وممكن تكون البنت دي ماشية ع الموضة
عموما انت تسال احسن واحدة بتعمل الحجاب كدة وتسالها
وربنا يهدي كل الشباب والشابات

تسلم علي الموضوع الجميل

بجد الموضوع عجبنى جدا ومن غير تحيز هتكلم وبكل صراحه فى بنات كتير كدا بس ده بيكون ضعق ايمان وبعض البنات بيعملوا كدا علشان يلفتوا الانظار

بحيك يا احمد علي صراحتك بجد
فعلا رايك سليم جدا
هي قلة عقل فعلا وضعف ايماااااااااااااان
ربنا يهديهم

اه مش هنقول غير ربنا يهديهم
ممكن يكون قصدك عن الصحوبية بين البنات والشباب اد اية بكره الكلمة دي
وكمان حرااااااام جدا الصحوبية دي والاختلاط سواء في الجامعة وغيره
ولا انتم اية رايكم؟

التوبيك حلو جدا بجد تسلم ايدك
و بحيى الاعضاء اللى ردوا قبلى كلهم لان رايهم سليم و احب اضيف برده ان البنت اللى بتعمل كده لا تملك ذرة ثقة فى نفسها لانها تافهة و عقلها صغير و بتعمل كده لانها مش عندها ثقة فى نفسها نهائى بتعتقد ان بقى ده اللى هيجذب الشباب ليها و ليس جمال وجهها و روحها الطيبة و مظهرها المحترم قدام الناس و برده بنشوف البنت اللى لابسة حجاب انا اعرف بنات برده لابسين الخمار و ساعات و الله النقاب انما تيجى تبص تلاقى العباية ضيقة او جيبة ضيقة بيبقى منظر مستفز برده و على العموم ربنا يهديهم و يهدينا جميعا و زى ما احمد قال ان دول بيكون الاهل مش قريبين منهم لان مافيش راجل بجد او ام محترمة بجد و خايفة على بنتها ترضى لبنتها او اب يرضى لينته انها تخرج بالمنظر ده
احب احييكوا تانى عالتوبيك و الردود و جزاك الله خيرا

بما ان البنات كده ردت على السؤال اذن ده دور البنات انها تسال سؤال بقى للشباب و احب اكون انا اول واحدة تسال ده طبعا لو مش هيضايقكوا
احب بقى اعرف الولد اللى احنا طبعا بنشوف منهم كتير فى الجامعه طبعا بتكلم عن نفسى ماعرفش انتوا بتشوفوهم و لا لا ؟اللى تلاقيه واقف مع شلة بنات و طبعا نازلين هزار و ضحك و مسخرة فى الجامعة كده عينى عينك قدام الناس و الله انا قبل كده شفت منظر فى الجامعة مش هاقدر احكيه بس استغربت ازاى وصل الحال كده بين البنات و الولاد فى الجامعه اللى من المفروض انها بيقال عنها الحرم الجامعى ؟ المهم الولد ده بقى لو اخته مكان البنات دول هيرضاها على نفسه؟و هل يرضى انه يرتبط ببنت من البنات اللى بيعد معاهم دول ؟و ليه ميخليش اصحابه ولاد بس لازم البنات تدخل فى الموضوع يعنى ؟
يا ريت اسئلتى متزعلش حد و منتظرة الردود

تسلم يا احمد علي ردك
فعلا كل حاجة في ايد البنت وزي ما قولت بالظبط البنت باحترامها هتجبر اللي قدامها يحترمها حتي لو كان مش محترم والعكس هيحصل لو البنت مش محترمة اللي قدامها مش هيحترمها

ودة بيحصل كتير في الجامعة وبشوفة كل يوم ومش في الجامعة بس في كل مكان بشوفة بس

ممكن البنت تكون بتعمل كدة عشان تفكيرها بيقولها انها لو معملتش كدة تبقي انسانة معقدة ومحدش هيتقبلها من اللي حواليها

بس لو قعدت كدة وفكرت لقدام هتلاقي عكس كدة خالص

بس بردو مع احترامي للشباب في شباب بيحبوا يضايقوا البنات حتي لو محترمين
صدقوني تكون البنت في حالها خالص وهو عمال يلف ويدور حواليها
محدش يزعل يا شباب
عموما ربنا يهدينا كلنا

انا شايفة ان عندك حق يا سجود و انا متفقة برده مع احمد بس انا شايفة انه مش مطلع اى خطا على الولد و متحامل على البنت فقط يمكن الخطا الاكبر على البنت بس الشاب كمان بيخطا و منتظرين باقى الردود علشان نعرف اراء ووجهات نظر اكتر و نعلاف ليه الولاد بيطلعوا اللوم على البنت فقط

هو فعلا كلامك صح معظمهم مبيكنوش لوحدهم لازم يكونوا شلة

بس انا بشوف شباب بيبقوا لوحدهم ولا همهم حد خالص خالص
سواء معاكسات او غيرة
عموما ربنا يهديهم بجد

يالهوووووووووي
ههههههههه
تسلم يا احمد بجد

هما مش عارفين ان اللي بيعملوة دة بيخلي اللي قدامهم يتحسبن عليهم من قلبهم وشوف بقة وقتها وقت العصبية والدعوة من القلب !!!!!!!!!!!!
ربنا يهدي

شكرا بجد تاني مرة علي ردودك الرائعة

بصراحة انا مش عارفة اقول اية لانكم ماشاء الله قولتوا الا لازم يتقال كله وانا معاكم فى كل الا قولتوة لان فعلا هوة دة الصح ....لازم البنت تحترم نفسها وتلبس محترم عشان الا قدامها يحترمها حتى الا مش محترم هتجبرة انة يحترمها

هل الولد اللى بيشرب سجاير بيشربها علشان يحس برجولته ولا علشان يثبت شىء لنفسه ؟؟؟؟؟؟؟؟

سؤالك جميل جدا الملاك الطائر وبيبين شخصيه كل بنت بس انا في الاول احب ارد



علي سؤال طمطم انت طبعا اجابتك جميل بس احب ازود عليها



ان ممكن الشاب يشرب سجاير بسبب مشكله حصلتله وانا بشوف غالبيه الشباب



مش بتكون بتشرب السجاير بس مثلا بعد موت شخص عزيز عليهم شخص متعلقين بيه



لدرجه كبيره بيتجهوا بقي لشرب السجاير بحجه انهم مخنوقين وعندهم اكتئاب وكارهين



الدنيا فبيخرجوا كل همهم في السجاير ولو سالتهم بتستفادوا ايه هيقولوا مفيش حاجه



بس هي مجرد حاجه بنرتاح لما بنشربها وكمان ممكن الشباب بتتجه لشرب السجاير



لما يحسوا انهم مظلومين في حياتهم لما يشوفوا ان اصحاب كتير لهم ادهم وفي نفس السن



واتجوزوا وهما لسه مش عارفين يعملوا حاجه واقفين مكانهم لا هم لاقين شغل ولا لاقين اي



شغلانه محترمه تليق بيهم وبالكليه الي هما تعبوا علشان ياخدوهم واتبهدلوا اذا كان من



نحيه الفلوس الي دفعوها كماصريف للكليه او شرا الكتب او الموصلات او اللبس وفوق كل



ده تعب اعصاب طول الاربع سنين فطبعا يبصوا بعد كده يلاقوا نفسهم ماستفادوش حاجه



ويبدأوا يلوموا علي الظروف واوقات كتير يلوموا علي الاهل وطبعا كل ده في الاخر بيوصلهم



لطريق واحد وهو شرب السجاير حتي لو مفيش حد من الاهل بيشربها وبرده انا شايفه ان



شرب السجاير بيكون نتيجه لصحبه وحشه اصحاب مش كويسين طبعا انا مش معني كلامي اني



واقفه جمب الشباب الي بتشرب سجاير لا طبعا انا اكتر حاجه مبتعجبنيش في الولد شربه السجاير



بس كلامي ده لو بصيتوا فيه كويس هتحسوا انه كلام واقعي جدا ولو سالتوا اي ولد بيشرب



هيرد يقول نفس الكلام يرمي اللوم علي الظروف وعلي الزمن واحيانا علي الاهل بمعني



انه يقول لو ابويا كان غني ومعاه فلوس كان زماني الوقتي فاتح مشروع صغير بتاعي



ومتجوز وعندي عيال ومستقر في حياتي لكن بقي ابويا فقير ومفيش معاه فلوس



واهم نقطه نسيت اقولها ان ممكن الولد بعد قصه حب فاشله يتجه لشرب السجاير



وممكن ميكونشي ولا اي حاجه من ده والشاب يكون عايش عيشه كويسه وبيشتغل شغلانه



محترمه واهله ناس كويسين ويكون بيشرب سجاير ده طبعا بيبقي نتيجه انه شخصيه فاقده



انسان منحرف حابب انه يكون فاسد بيشرب سجاير كمذاج ليه وممكن توصل معاه لحاجات تانيه



ده بقي النوعيه الي بتكهرب شعرها وبتنزل البناطيل والكلام الي بنشوفه ده عموما



ربنا يهدي الجميع يارب ويهدي شبابنا كلهم وحالهم يتصلح وربنا معاهم.



اما بقي لسؤالك يا ملاك وايه هي مواصفا فارس احلامي؟




اولا انه يكون يعرف ربنا كويس اوي بيصلي ومتقي ربنا في كل حاجه بيعملها



ثانيا اهله يكونوا ناس كويسين ومحترمين وناس تعرف ربنا وسيرتهم كويسه



ثالثا ان شخصيه تكون شخصيه قويه انسان عاقل بيعرف يوزن الامور كويس



رابعا بقي اني اكون بحبه وهو يكون بيحبني اكتر مانا بحبه ويحترمني ويقدرني



ويتقي ربنا فيا ويحترم اهلي




خامسا طبعا لازم يكون وسيم شيك في لبسه اما بقي الماديات وكده يعيشني عيشه




كويسه يعني اكل واشرب والبس ويقضي احتياجات بيته بس هي دي كل المواصفات




لا فيه حاجه كمان انه ميشربشي سجاير بس للاسف ياجماعه هو بيشرب سجاير




بس متقلقوش اختكوا جامده وان شاء الله هيبطلها وقريب كمان بس الحمد لله انا لقيت في




الانسان الي حبيته كل حاجه كنت بتمناه واذا كان علي السجاير فان شاء الله مقدور عليها




وكل المواصفات الي انا قولتها دي الحمد لله موجوده فيه وبحمد ربنا اني لقيت انسان كويس




وعقبال يارب كل البنات وكل الاعضاء ربنا يوفقهم ونسمع عنهم اخبار كويسه




اسفه للاطاله وبشكرك ياملاك علي موا ضيعك الجميله والمتميزه