قصص من الواقع ..... مشاكل الحب وعذابه تعالوا نحل المشاكل دى سوا ..متجدد دائما

فى موضوعنا ده على منتديات حبيتك وبس

هنعرض فيه كل يوم مشكله

وهنحاول نحلها ونساعد اصحابها على حل مشاكلهم العاطفيه دى

كل يوم هعرض مشكله جديده من مشاكل كتير بتمر بينا فى حياتنا

وطبعا المشكله اللى بتشغل بال كتير من الشباب والفتيات

وهى الحب هل الحب اصبح مشكله

ازاى اقدر اعرف الانسان اللى يحبنى بجد واميزه عن الانسان اللى

يكرهنى او يكون خاين او ندل معايا

تعالوا مع بعض نشوف اول مشكله فى موضوعنا ده

ونحاول نحلها

والموضوع متجدد دايما

كل يوم مشكله

واللى عاوز يشارك بمشكله او بحل يتفضل يقول واحنا كلنا هنحاول نساعده ونقف جمبه

المشكله الاولى يقول صاحب المشكله م . ن من القاهره

انا كنت بحب واحده من سنتين وهيا كمان كانت بتحبنى وكنا من سنه تقريبا متفقين على الخطوبه

فى يوم من الايام وانا وواحد صحبى كنا فى الجامعه كنا بندردش قالى

انت مريت بقصه حب قبل كدا

قولتله

ايوه انا حاليا مرتبط بانسان بحبها وبتحبنى وانا بحكى ليه قولتله ان عندها اختين وولد ووالدها مسافر

وهى فى كليه كذا قلى ثوانى

وبعدين صحبى مطلع صوره ووريهالى قال لى هى دى قولتله ايوه انت جبت الصوره دى منين

وقلى اسمها وبعدين عرفت ان البنت دى بتلعب بينا احنا الاثنين

وبعدين كلمته قلتله متكلمهاش وانا كمان مش هكلمها ونبعد عن الانسانه الخاينه دى

صاحبى ادانى صور ليها علشان اتاكد وانا اديته 7 صور

ليها علشان انا كمان اتاكد والموضوع دا بقا حقيقى

وبعدين لقيت صاحبى دا راح حكلها على كل حاجه

وهى كذبتنى قدامه

وقلتله احنا كنا مع بعض اخوات وبس مش حبايب وقلتلى انها عمرها ما حبتنى

قولتله لا الكلام دا محصلش انا مرتبط بيها وهخطبها

يا جماعه قولولى اعمل ايه علشان ميحصليش نفس الموقف ده

اعرف ازاى البنت اللى بتحب بجد من الخاينه

انا تعبت والله قرفت من البنات دول

حد يشوفلى حل ارجوكم

انا بتخم بسرعه ليه

ساعدونى بليز الاول انا غلطان ولا لاء ؟؟؟؟

على العلم الواد صاحبى ده راح يتقدملها

وهى بتقولى انا عملتلها مشكله

وانا والله عمرى ماكدبت عليها ولا على صحبى وفى الاخر طلعت العيب عليا

وقالت لاهلى انى غلط فى حقها وان انا وقفت عليها خطوبته

ا قولولى انا غلطان ولا لا ولا هى تستاهل كدا ؟؟؟؟؟؟؟؟

واكتر بسبب خيانتها وصحبى الى فى وجهة نظرى عيل وكدبنى انا وصدق الخاينه دى

...............

مشكله زى اى مشكله حب بيمر بيها اى انسان

ممكن تكون خيانه / نداله / عدم وفاء / قلة ضمير / ظروف صعبه / قدر فرقهم عن بعض

اى كان نوع المشكله

الموضوع ده هنعرض فيه كل المشاكل العاطفيه واللى عنده مشكله او قرا عن مشكله

يتفضل يعرضها او يشاركنا بحل

اتمنى وارجو المشاركه والتفاعل من الجميع

elmontoo

انا احب اقول رأى فى المشكله اللى انا عرضتها دى

ومنتظر رأيكم برده فيها

البنت دى من راى ومن وجهة نظرى

عاوزه تتخطب وخلاص بأى طريقه

حب او مش حب

هى عاوزه عريس والسلام

ولا يفرق معاها الحب ده بشئ

عاوزه يكون فى اديها دبله واسمها مخطوبه

وخطيبها ده يصرف عليها

طبعا الغلط مش من البنت للاسف

الغلط من الشاب ده اللى حبها

او اللى وثق فيها

المفروض ربنا عاطينا عقل وعطينا تفكير

قبل ماروح ارتبط بواحده

لازم اتاكد من اخلاقها الاول

واعرف هى ماضيها ايه

وادرسها واختبرها

وافكر بدماغى

لكن طبعا للاسف

ودى حكمة ربنا فى الكون

انه جعل عقول الناس مش زى بعض

فيه اللى عنده فراسه ويقدر يكتشف ده

وفيه اللى معندوش فراصه

بيكون قلبه طيب اوى

وبيشوف الناس كلها جميله

وفيه طبعا اللى خبرته ضعيفه ومش بيقدر يعرف الحلو من الوحش

فنا رأى ان البنت دى لعبتها صح وضحكت عليهم هما الاتنين

اتسلت بيهم

وطبعا هى اتنكرت منه عشان متخسرش صاحبه

اللى هو عاوز يخطبها وراح خطبها

وصاحبه ده انا بعتبره خاين هو كمان

لان المفروض لو هو راجل مكنش يبقى مع البنت دى

ضد صاحبه

لكن للاسف برده البنت عملت فتنه بينهم

ووقعت بينهم وكسبت هى كل حاجه

وانا شايف ان الولد ده معدتش يكلم صاحبه ده خالص ويقطع صلته بيه

والبنت دى يهزقها فى التليفون ويعرفها ان هى خاينه

وبعد كده يختفى من حياتهم نهائى

وتكون تجربه ليه انه يتعلم بعد كده

ازاى يعرف الحلو من الوحش

وزى ماقولت عشان يعرف الحلو من الوحش

محتاجه فراسه

ومحتاجه انه يختبر اللى ادامه

ويدرس الللى ادامه

واكيد خلال الايام والشهور

كل حاجه هتبان

منتظر ردودكم

اولا بشكرك يااحمد علي افكارك الجميله والروعه دي بجد موضوع جميل جدا جدا

ثانيا انا معاك في كل كلمه قولتها فعلا رايك سليم انا شايفه ان بقي فيه حاجه غريبه في

عقول البنات مش عارفه ايه هي كل بنت بقت بصه للمظهر واللبس والفلوس والي يدفه اكتر

ومعاه اكتر هو الي يستحقني والحب عندهم بقي لعبه يتسلوا بيها تخرج مع الي مسمياه حبيبها

يمسك ايديها يفسحها يجيبلها هديه في عيد ميلاده هديه في الفالنتين لكن غير كده مفيش

واول فرصه بتجيلها انها تتخطب بتوافق وتقوله انا اسفه اهلي غصبوا عليه هما شايفينه كويس ومناسب

مع ان اهلها ياعيني يقولولها انتي عاوزاه ولا لا هي الي بقت تختار بجد انا صعبان عليه حال

البنات انا فعلا بنت وطبعا الي هيشوفي ردودي هيحس اني علطول ضد البنات في كل حاجه

اه انا فعلا كده لاني شايفاهم غلط في غلط واتمني انهم يقدروا الحب اكتر من كده وكفايه كل حاجه

تحصل نقول مفيش حب في الدنيا ومفيش حاجه اصلا اسمها حب لا الحب موجود وليه معني جميل اوي

بس للي يفهمه ويقدروه ويحسه بجد ياريت ياجماعه الكل يتغير ويبدا يفكر صح.

اما بقي عن المشكله دي فانا بقول لصاحبنا ده انت الي غلطان المفروض قبل متحكم قلبك

وتثق في الي ادامك لازم تحكم عقلك الاول وتختبر الانسان الي ادامك ده اكتر من مره وفي

اكتر من موقف علشان لما تسلمله قلبك وكل حياتك متندمشي بعد كده عموما ربنا معاك

واتمنالك ان بعد كده تعرف ازاي تفرق ومتقعشي في الغلط ده مره تانيه

بشكرك لردك الجميل وتفاعلك مع الموضوع يا جوجو

وفعلا البنات فيه منهم وحش

بس عاوز اقولك على حاجه

دى سذاجه من الولد

هى مش ذكاء من البنت

لان البنات مهماش اذكيه اصلا

مع احترامى ليكى ولكل البنات

بس انا شايف ان هما ليسوا بالذكاء

اللى مفكرين نفسهم كده

بس هى سذاجه من هذا الشاب

وعلى فكره هذا لايمثل الشباب

انا بلومه جدا على انه وصلت بيه

انه وصاحبه يضحك عليهم من بنت

انا عن نفسى مش بشترى هدايا لاى بنت

ان كانت حبيبتى ان كانت اى كانت

هو مش مسالة بخل

لا والله

انا ممكن ارميهم فى الشارع

بس مجبش بيهم هدايا

لان انا مش هجيب الا لما اخطبها

وتبقى رسمى

ساعتها ماشى

لكن طول مامثلا فيه حوار حب وكلام من ده

مضمنش حد فى الزمن ده

الا اذا كانت الثقه كبيره جدا جدا فيها

لدرجه تسمح انى اصرف عليها

فممكن

وكمان ليه اساسا الولد يصرف فلوسه على بنت

ليه

هى خطيبته مراته ام عياله ؟؟؟؟؟؟؟؟؟

دى بقه سذاجه من الشباب اللى بيصرفوا فلوسهم على البنات

ويقعد يتصل بيهم ويقعد يجبلهم هدايا وكروت شحن

مفكر كده انها هتموت فيه وتحبه

ده بالعكس بقه

البنت بتحب الولد اللى يتقل عليها

وميدهاش اى وش حلو

هو اه ممكن يعاملها باحترام وحب

بس ده اقصاه الاحترام

والحب والرجوله معاها وانه يكون محافظ عليها وصاينها

لكن عمر ماكان الحب او قيمته بالفلوس او بالهدايا

الشباب بيفهموا الدنيا غلط

مفكر لما يصرف على البنت خلاص

مش هتقدر تسيبه

لا طبعا هيكون بالنسبالها واحد مصلحه

مش اكتر

وكمان البنت اللى تقبل ان ولد يصرف عليها

تبقى مش كويسه اصلا ومش مؤدبه

وانا عن نفسى انا شايف ان مافيش فرق

بين الولد والبنت

اشمعنى هو اللى يصرف

طيب ماتصرف هى هههههههه

الا اذا هو خطيبها او جوزها

فى الحاله دى تفرق

هو اللى زوج وهو الراجل يصرف

لكن حب عاطفى

مبرجحش ان ولد يصرف مليم على واحده

الا لو كان ضامنها زى عنيه

ومتاكد من اخلاقها ومن ادبها

المشكله الثانيه مشكله لاحد الشباب

تعالوا بينا نستعرضها مع بعض

يقول صاحبها

السلام عليكم ..

انا مشكلتي من نوع غريب ..

انا من زمن كدا اتعرفت علي وحدة .. كلمتها في الاول عادي

مكنتش مقتنع بتفكيرها و شخصيتها في الاول .. بس كنت بحاول اني اشيل ده من دماغي

.. لكن مع مرور الوقت عدم الاقتناع ده .. راح من دماغي خالص

المهم اتعرفنا علي بعض .. بقنا بنكلم بعض عادي ..

كنا بنتقابل من غير مشاكل .. مفيش اي حاجة كانت تقدر توقع بنا ..

كنا كل الوقت مبسوطين مع بعض .. كنت بتمني دايما الوقت يطول واحنا مع بعض

كنت ببقي طاير وانا معاها .. لحد لحظة معينة من غير سبب

بقيت بحس انها بتتلكك .. بتقفلي علي الكبيرة و الصغيرة

.. وبمرور الوقت بقيت بحس انها في حاجة مزعلاها من نحيتي .. يعني اكلمها تعمل نفسها مش سامعة

لدرجة انها بقت تتهرب مني .. بقـيـــت احس انها مش طايقاني اطلاقا

المهم العبد لله معبجهوش الحال .. بالعافية حاولت انساها

وحاولت أقنع نفسي ان اسيبها .. قعدت مدة تفكيري واقف خالص

لكن قدرت انساها .. و مرة صدفة لقيتها ماشية مع

واحد تاني كدا و كانت بتبصلي نظرة فيها استهزاء كدا و احتقار ..

للعلم هيا مش ساكنة جمبي اوي .. بس قريب كنت كل معدي من المنطقة ديه

اشوفها مع الكائن ده و بتضحك و بيبصولي هما الاثنين نظرة ذل كدا وتكبر اكنهم بيغيظوني

مش عارف عاوزين يبينولي تقريبا ان هما مبسوطين مع بعض ولا ايه ..

=-=-=-=-=-=

اخواني انا عاوز الحل ارجوكم لان الموضوع ده تاعبني اوي ..

اولا:فكره حل المشاكل العاطفيه دي حلوه اوي مشكور يا احمد ثانيا :انا من رأيي ان البنت دي بتلعب بيك وبيه وفي النهايه هتقع في واحديعلمها الادب وانت ولا تحط في دماغك وياريت نختارصح وحط في دماغك ان كما تدين تدان البنت دي هتخون الولد ده وهتبصله نفس البصه دي وهي مع الشاب التاني المهم دلوقتي انا مش فاهمه مشكلتك بس انا ليا راي انت تاخد واحده وتروح المنطقه اللي البنت دي فيها وتفضلوا تضحكوا لحد ماتدوخوا هتلاقي البنت القديمه قامت نافخه ومتدايقه ومش بعيد تكلمك وتسألك انت عملت كده ليه ساعتها تقولها انتي مين انامش فاكرك اصلا وتوته توته خلصت الحدوته ومدايقش نفسك وخيرها في غيرها يابوب

انابقى مشكحلتي كبييييييييييييييييره انا بحب واحد المهم الولد ده كل ما اقول لحداني بحبه يقولي لا بلاش الولد ده ده بتاع بنات وكده المهم هو شغال في محل المهم مره واقفه مع واحد صاحبتي وهي صاحبته فقلت اعرف منها اخباره للعلم اننا بنتكلم المهم بسألها قالتلي ده بيحب واحده صاحبتها والموضوع ده مسمعتوش منها هي بس ده اناسمعته من ناس تانيه قبل كده قمت واجهته قالي دي بنت كانت شغاله في المحلات هنا جنبنا وقالتله انها بتحبه وهو قالها خلينا اخوات وكده المهم البنت اللي بتحبه دي صاحبه اخوه الانتيم انا رحت كلمت اخوه من وراه علشان اسأله المهم جه اخوه ده اهتم بيا اهتمام انا فعلا كنت محتاجاه وكلمته من غير ما اخوه يعرف جه حبيبي عرف جيت انا قلتله على طبيعه العلاقه وانها اخوه مش اكتر جه حبيبي سامحني وقالي تغيري رقمك واخويا ميعرفهوش جيت انا وافقت المهم انا لما كنت بكلم اخوه وسألته على طبيعه العلاقه بين حبيبي والبنت دي قالي انه ميعرفش جيت انالما بطلت اكلمه كلمني وقالي مش ينفع تكملي مع اخويا وهومرتبط ب البنت صاحبته دي وقالي ابعدي عنه لأما هيقله اني كنت بكلمه قلتله انا قلتله المهم الولد ده اخو حبيبي يعني طلع بيكلم واحد صاحبتي من بعيد والبنت دي بتجيبله كل اخباري بس المشكله دلوقتي انا مش عارفه اعرف ازاي اذا كان حبيبي ده بيكلم البنت دي ولا لا مع العلم ان اخوه قالي انه طلع اتقدم لمامتها مع العلم ان حبيبي عنده 26 سنه وتقيييييييييييييييييل اوي وانا مبينالوا حبي اوي لاني فعلا بحبه ومقدرش اعيش من غيره ياريت حل ارجوكم

القلب المطعون كتب:: اولا:فكره حل المشاكل العاطفيه دي حلوه اوي مشكور يا احمد ثانيا :انا من رأيي ان البنت دي بتلعب بيك وبيه وفي النهايه هتقع في واحديعلمها الادب وانت ولا تحط في دماغك وياريت نختارصح وحط في دماغك ان كما تدين تدان البنت دي هتخون الولد ده وهتبصله نفس البصه دي وهي مع الشاب التاني المهم دلوقتي انا مش فاهمه مشكلتك بس انا ليا راي انت تاخد واحده وتروح المنطقه اللي البنت دي فيها وتفضلوا تضحكوا لحد ماتدوخوا هتلاقي البنت القديمه قامت نافخه ومتدايقه ومش بعيد تكلمك وتسألك انت عملت كده ليه ساعتها تقولها انتي مين انامش فاكرك اصلا وتوته توته خلصت الحدوته ومدايقش نفسك وخيرها في غيرها يابوب

طبعا بشكرك لردك ولرأيك ولمرورك الجميل

بس انا عاوز افهمك حاجه مهمه اوى

المشكله دى مش خاصه بيا

نهائيا

انا مالى اصلا

انا مجرد بعرض مشاكل بقرأها على النت فقط

وبنحاول نحل المشاكل دى

لكن انا عن نفسى مش بمر بأى مشاكل

ولو مريت بأى مشكله سابقا او كده

بقدر احلها لواحدى

بس مش انا صاحب المشكله دى

دى مشكله وجدتها على النت

وبنحاول نحلها سوا

شكرا لمرورك

القلب المطعون كتب:: انابقى مشكحلتي كبييييييييييييييييره انا بحب واحد المهم الولد ده كل ما اقول لحداني بحبه يقولي لا بلاش الولد ده ده بتاع بنات وكده المهم هو شغال في محل المهم مره واقفه مع واحد صاحبتي وهي صاحبته فقلت اعرف منها اخباره للعلم اننا بنتكلم المهم بسألها قالتلي ده بيحب واحده صاحبتها والموضوع ده مسمعتوش منها هي بس ده اناسمعته من ناس تانيه قبل كده قمت واجهته قالي دي بنت كانت شغاله في المحلات هنا جنبنا وقالتله انها بتحبه وهو قالها خلينا اخوات وكده المهم البنت اللي بتحبه دي صاحبه اخوه الانتيم انا رحت كلمت اخوه من وراه علشان اسأله المهم جه اخوه ده اهتم بيا اهتمام انا فعلا كنت محتاجاه وكلمته من غير ما اخوه يعرف جه حبيبي عرف جيت انا قلتله على طبيعه العلاقه وانها اخوه مش اكتر جه حبيبي سامحني وقالي تغيري رقمك واخويا ميعرفهوش جيت انا وافقت المهم انا لما كنت بكلم اخوه وسألته على طبيعه العلاقه بين حبيبي والبنت دي قالي انه ميعرفش جيت انالما بطلت اكلمه كلمني وقالي مش ينفع تكملي مع اخويا وهومرتبط ب البنت صاحبته دي وقالي ابعدي عنه لأما هيقله اني كنت بكلمه قلتله انا قلتله المهم الولد ده اخو حبيبي يعني طلع بيكلم واحد صاحبتي من بعيد والبنت دي بتجيبله كل اخباري بس المشكله دلوقتي انا مش عارفه اعرف ازاي اذا كان حبيبي ده بيكلم البنت دي ولا لا مع العلم ان اخوه قالي انه طلع اتقدم لمامتها مع العلم ان حبيبي عنده 26 سنه وتقيييييييييييييييييل اوي وانا مبينالوا حبي اوي لاني فعلا بحبه ومقدرش اعيش من غيره ياريت حل ارجوكم

اقولك على حاجه ومتزعليش من رأى

لانى صريح جدا جدا وهقولك من الاخر

كل ده كلام فاضى

ده رأى بكل صراحه

اللى انتى فيه ده فترة مراهقه وكلام فاضى

وهو اساسا مش بيحبك ولا اى حاجه

وكل ده شغل مراهقين

وتسالى من الشباب والبنات

ان كان منه او منك

ده بكل صراحه

مشكلتك كلها عباره عن واحد بتحبيه

وهو بتاع بنات وبيحب وبيرتبط وبيخلع

وانتى كلمتى اخوه واخوه اعجب بيكى

والكلام كله بصراحه

كلام فاضى ومراهقه

وشغل مراهقين

اتمنى انك ترجعى لعقلك

وتحاولى تعرفى ان كل ده مش حب وكلام فاضى

الحب مش كده خالص خالص خالص

انتى لما تحبى انسان

تحبيه صدفه هو يحبك صدفه

الحب ماهو الا صدفه

الحب ماهو الا احساس ومشاعر

انا لما احب انسانه

فى الاول مثلا اكلمها زى اختى ممكن

هى تكلمنى زى اخوها ممكن

نتكلم مع بعض

لحد ما هى تحس او انا احس بالحب

وحد فينا يصارح التانى بمشاعره

يكون فيه صدق فيه اخلاص

فيه حب فيه وفاء فيه انتماء

انسان ليه مستقبل ليه طموحات

انسانه ليها مستقبل ليها طموحات

افكر بعقلى واعرف ايه ظروفها هل هقدر ارتبط بيها ولا لاء

هى تفكر بعقلها وتدرسنى وتدرس اخلاقى وتعرف نسبة الارتباط والخطوبه بيها

نحترم بعض نشجع بعض على الخير

يكون فى بينا مشاعر جميله وراقيه

لكن كل مشكلتك اللى قولتيها دى

ماهى الا مراهقه وكلام فاضى

وليس لها فى الحب من شئ

دى مش حب

ده كلام فاضى ومراهقه

فين العقل

فين تفكيرك فى مستقبل الشخص ده

هل هو هيقدر يرتبط بيكى ؟؟؟؟؟؟؟

ايه هو مستقبله ؟؟؟؟؟؟؟

هل هو انسان فعلا مش بتاع بنات ؟؟؟؟ ولا بيضحك عليكى زيك زى غيرك

فارق السن بينك وبينه كام سنه ؟؟؟؟؟؟؟؟؟؟

اهله صفاتهم ايه واهلك صفاتهم ايه ؟؟؟؟؟؟؟؟؟

هو محترم ولا مش محترم

انتوا مناسبين لبعض ولا لاء ؟؟؟؟؟

كل دى اسئله المفروض اى انسانه او انسان مقبل على الارتباط او الحب يسال نفسه الاسئله دى

لكن مشكلتك دى كل اطرافها

ان كان هو او انتى او اخوه او اى بنت عرفها

من كل الاطراف اللى فيها

ده مراهقه وكلام فاضى ولعب عيال

فكرى بعقلك وارجعى لعقلك قبل قلبك

واعرفى انك لسه صغيره

ونصيحه منى بما انك زى اختى

بلاش تقعى الوقعه دى

واخيرا الحب اللى نهايته مش جواز مالوش لازمه

لان حبك ده نهايته معروفه مسبقا

كلام فاضى ويمكن السكينه سرقاكى شويه

وبكره تعرفى ان كلامى صح

بحكم انى اكبر منك

كل ده فترة مراهقه ولما تكبرى

هتعرفى ان كل ده هيافات وحب مالوش اى قيمه

كله تليفونات واتصالات ومقابلات

مقدرش اديكى رد اكتر من كده

واسف على صراحتى

فعلا كلامك صح جدا يا احمد

شكرا لمرورك يا الحلم الضائع

واسف يا القلب المطعون على صراحتى دى

ولكن ده عشان بعتبرك زى اختى

ومرداش ليكى بكده

واكيد انتى لسه صغيره ومتعرفيش

عموما ربنا يوفقك

طبعا بشكرك لردك ولرأيك ولمرورك الجميل

بس انا عاوز افهمك حاجه مهمه اوى

المشكله دى مش خاصه بيا

نهائيا

انا مالى اصلا

انا مجرد بعرض مشاكل بقرأها على النت فقط

وبنحاول نحل المشاكل دى

لكن انا عن نفسى مش بمر بأى مشاكل

ولو مريت بأى مشكله سابقا او كده

بقدر احلها لواحدى

بس مش انا صاحب المشكله دى

دى مشكله وجدتها على النت

وبنحاول نحلها سوا

شكرا لمرورك
ههههههههههههه انت فهمتني غلط انا بتكلم على صاحب المشكله كأني بخاطبه هويعني فهمتني بس مش قصدي انت معلش جت فيك وسوري

اما عن ردك في المشكله ف البنت دي مش أنا بس هي كانت معايا ووهي قالتلي اكتبي انه انتي علشان ميهملوش الموضوع وكده يعني علي سبيل الحكايه مش اكترهي كانت بتمليني مش اكتر وميرسي اوي لردك انا رأي من رأيك في عدم حبه ليها بس من رأي ان الحب مالوش سن والكبركبر عقل ممكن واحد عنده 30 سنه ميعرفش يحكم ع الاشياء الحكم الامثل والصحيح وممكن واحد اصغرمنه يحكم عليها ده حسب العقل والتجارب والناس الموجوده حوالينا وكده واسفه على التطويل وميرسى لردك لأنك نصفتني

القلب المطعون كتب:: اما عن ردك في المشكله ف البنت دي مش أنا بس هي كانت معايا ووهي قالتلي اكتبي انه انتي علشان ميهملوش الموضوع وكده يعني علي سبيل الحكايه مش اكترهي كانت بتمليني مش اكتر وميرسي اوي لردك انا رأي من رأيك في عدم حبه ليها بس من رأي ان الحب مالوش سن والكبركبر عقل ممكن واحد عنده 30 سنه ميعرفش يحكم ع الاشياء الحكم الامثل والصحيح وممكن واحد اصغرمنه يحكم عليها ده حسب العقل والتجارب والناس الموجوده حوالينا وكده واسفه على التطويل وميرسى لردك لأنك نصفتني

شكرا لردك ومرورك يا القلب المطعون

وعموما اوك انتى او صاحبتك

المهم يكون فيه افاده من كلامى ومن رأى اللى قولته

وربنا يوفقك ويوفقها