ماذا تفعل لو تركك من تركت الحياه من اجله

ماذا تفعل اذا باعك من بعت الحياه من اجله ؟؟؟

تركت جميع البشر والحياه من اجل عينيه

واحببت الحياه من اجله

واحببت مايحب وكرهت مايكره

كرست حياتك لحبه وحده

وبعد ذلك يلفت ظهره عنك ويقول لك

اسف فانا لا اريدك لكى تكمل معى حياتى

وتبكى امامه

ولكنه لا يشعر

فقد مات وماتت احاسيسه

ومات ايضا من نظرك ولكن يعيش على عرش قلبك

ماذا تفعل هل تستمر فى حبه ام تكرهه وتكره الحياه بسببه

هل تندم انك عرفته واحببته فى يوم؟؟

ام تدعو الله بان يهديه ويرجعه اليك؟؟؟

وماذا تفعل مع من ترتكهم وغادرتهم من اجله ؟؟؟

اريد ان اعرف رايكم وردكم؟؟

موضوع فى قمة الروعة .........ميرسى ليك على الموضوع الرائع دا
اللى يسيب الدنيا كلها علشان حبيبه يبقى أكيد بيحبه بجد......
اللى يحب بجد مبيعرفش يكره ....
أدعى له بالهدى وان ربنا يهديه ......
ولكن استحالة الرجوع اليه مرة تانية

الموضوع جميل يا احمد انا لو سابني حبيبي اللي ضحيت بكل حاجه علشانه عمري ماهكرهه لانه حياتي ومحدش بيكره حياته وهدعي انه يرجعلي ولورجع وندمان اكيدهرجعله امالو مرجعش وخلصت الحكايه على كده ف خلاص الله معه اسفه على التطويل بس انت مقولتش هتعمل ايه؟ يا احمد

mai hussin كتب:: موضوع فى قمة الروعة .........ميرسى ليك على الموضوع الرائع دا
اللى يسيب الدنيا كلها علشان حبيبه يبقى أكيد بيحبه بجد......
اللى يحب بجد مبيعرفش يكره ....
أدعى له بالهدى وان ربنا يهديه ......
ولكن استحالة الرجوع اليه مرة تانية

شكرا لردك ولمرورك الجميل يا مى

منوره الموضوع

وشكرا لوجهة نظرك الجميله

القلب المطعون كتب:: الموضوع جميل يا احمد انا لو سابني حبيبي اللي ضحيت بكل حاجه علشانه عمري ماهكرهه لانه حياتي ومحدش بيكره حياته وهدعي انه يرجعلي ولورجع وندمان اكيدهرجعله امالو مرجعش وخلصت الحكايه على كده ف خلاص الله معه اسفه على التطويل بس انت مقولتش هتعمل ايه؟ يا احمد

شكرا لردك ولمرورك يا القلب المطعون

بس انا من وجهة نظرى

لو حصلى الموقف ده

اول شئ هدرس اسباب بعدها عنى واعرفه

واعرف هى ليه عملت كده

لو كانت اسباب منطقيه ومقبوله

فخلاص انا هتمنالها كل خير وربنا يوفقها

ولو انى طبعا هدعى ربنا انها ترجع ليا تانى

اما لو كانت خيانه بقه ونداله منها

واسباب مش منطقيه وهى بعدت عنى بمزاجها كده

ساعتها انا هنتقم منها ومش هسيبها الا لما اخد حق الخيانه والنداله دى

بصراحه حاجه صعبه اوي انك تحب انسان وتسيب الدنيا

كلها علشانه وهو بسهوله يسيبك لو الحكايه دي حصلتلي

اكيد هدعيلوه بالهدايه وهندم اني عرفت انسان معرفشي يقدرني

وهندم علي الحب الي حبتهوله بس اكيد مش هكرهه لان الي يحب ميكرهشي

بس هبعد عنه وهرميه ورا ظهري زي مهو رماني ومش هفكر فيه

انا عارفه انه اكيد هيجي علي بالي بس لو جيه هقول لنفسي

هو ميستاهلكيش واكيد ربنا عاينلي الاحسن وربنا يقدرني وانساه

وانسا كل ايامه وحتي لو رجعلي مره تاني عمري مرجعله لو هيجيبلي الدنيا كلها

لان الي يبعني مره ميلزمنيش وهدعي انه ربنا يهديه ويصلح حاله وميحسش

الاحساس الي انا حسيته الي هو كان السبب فيه بس هكون متاكده انه هيحسه

لان زي مبيقولوا طباخ السم بيدوقه

تسلم الايادي يااحمد موضوع جميل جدا

شكرا لردك ولمرورك الجميل ده ياجوجو

ووجهة نظرك جميله

ويارب مايحصلنا الموقف ده

تسلم ايدك اخي احمد ع السؤال ,,

وبالنسبة ليا انا لو حصلي كده بجد هندم لاني حبيته ولاني اخلصتله واديته وامنته على قلبي وساعتها هبقى مش عاوزة لا اشوفه ولااكلمه بس ممكن اساله ليه عمل بيا كده,,بس مهما كان السبب هفضل ندمانة طول عمري لاني فكرت بيه كحبيب ,,

لا عادى بقى لازم نتعود على كدا

علشان دى الواقعيه والدنيا زى ما كتير بيقولو وكله هيتنسى

عارف انا من رايى ايه اولا اكيد هندم على كل حاجه

كانت منى وكانت صادقه معاه ومكنش ليها اى مقابل

هو اكيد هكره كل حاجه فى الدنيا لانى حسيت اننا

حاجه كانت جوايا وكنت عيشاها وحباها راحت وانتهت

بس بجد كل دا هيتنسى لان هو اللى ساب قلبك

وكل ما افتكر ان هو اللى موت كل حاجه بينا مش ظروف ولا حاجه

هزعل على نفسى مش عليه والحياه والايام هتغير كل حاجه

وهنسااااااااااه بس امتى بعد ما يكون حاجه كبيره اوى اتكسرت

بس لو رجع بعد كدا وبعد فوات الاوان

يبقى ميلزمنيش لو لسه فى حب منى

لان اللى يتخلى مره ومن غير سبب لانه زهق بمعنى اصح ودور ملقاش حب زى حبى

يبقى مع الف مليون سلاااااااااااااامه

شكرا ليك جداا على التوبيك

شكرا للمرور وللرد

نورتوا الموضوع

وشكرا لوجهات نظركم

ووجهات نظركم جميله

ويارب مايحصل الموقف ده مع حد