سؤال ياريت حد يرد علية ضرورى للغاية

لو واحد بيبص لوحده اووى ولما يشوفها بيتلغبط ولما بيبصلها الناس اللى حوليه بتاخد بالها وعينية بتكون بتلمع اووى اووى والناس تاخد بالها انه بيبص للبنت دى بس هما ميعرفوش بعض الا شكلاوعمرهم ما اتكلموا وبيشوفوا بعض بالصدفة ولما يشوفها بيرتبك ياريت حد يرد عليا ضرورى ويقول دة يبقى اية والبنت دى تعمل اية يا ريت حد يرد ضرورى جدااااااااااااااااا جداااااااااااااااااا
تنطيط جامد

اولا المفروض متكتبيش موضوعك فى اى مكان

فيه اماكن مخصصه لكتابة المواضيع

زى منتدى الحب ومشاكله

او منتدى الحوار المفتوح

لكن موضوعك انا شايفه فى رسايل الجوال

وفى الطرائف والمنوعات وده غلط كتابته فى الاقسام دى

وسيتم نقل الموضوع

ثانيا بخصوص مشكلتك فنا هقولك رأى فيها بمنتهى الصراحه

مش كل النظرات دليل على الحب فيه واحد ممكن يبص لواحدة ويفضل مراقبها

ومراقب كل تصرفاتها لمجرد ان هى عجباه شكليا وعاوز يتعرف بيها ويكلمها وخلاص زى كتير من الشباب فى الجامعه وفى المدن وفى الارياف كمان

لو فى بنت عجباه شكليا مبيسبهاش ومش بينزل عينه عليها لحد ماتقع وتكلمه ويتعرف عليها ويتسلى بيها

وممكن تكون فعلا تدل على الحب بس مش قادر يعبر عن حبه الا من خلال النظرات خايف يتكلم فيتحرج او يتصد وكرامته وكدة فاقصى حاجة بيعملها

هو انه ينظر ليها ومافيش حل للموضوع ده نهائى غير انه لازم يكون جرئ ويتكلم ويعترف باعجابة وحبه وانتى هتعرفى ان كان هو جد ولا بيهزر

ولو انى مرجحش الجديه وخصوصا ان كتير من الشباب مافيش فى دماغهم ارتباط او زواج او خطوبه

بس انتى
متعمليش حاجة خالص انتى بنت ومش ينفع تعملى اى حاجة حتى لو شاغل جزء من تفكيرك

لانك لو عملتى اى حاجة مثلا ممكن تنزلى من نظره ممكن هو يكون راسم صورة حلوة ليكى وبيحبك فعلا

وتيجى انتى بمجرد انك مثلا عاوزة تتكلمى ممكن يظن فيكى ظن مش حلو فلازم هو اللى يبدا بكل حال من الاحوال

ولو هو مبداش ولا اتكلم يبقى خلاص انسيه وده مجرد اى كلام وعادى وبيحصل كتير موضوع النظرات ده

لازم هو اللى يبدا ويدخل يتكلم وعلى فكرة انا مقدرش احكم عليه ان كان هو فعلا انسان صادق فى مشاعره

ولا لاء انتى اللى هتقدرى تحكمى عليه وعشان تحكمى عليه لازم هو يدخل ويتكلم ويكلمك ويقولك على مشاعره

ويعترف وكل حاجة يتكلم فيه ساعتها انتى تقدرى تحكمى عليه وتقدرى تحكمى على مشاعره وانتى ادرى باللى ادامك

لكن انتى متحوليش تعملى اى حاجة عشان فى كلا الحالات ممكن تبقى انتى فى صورة مش كويسة

والبنت لازم يكون معروف عنها الحياء والادب والخجل والكرامة حاجات كتير معروفة عن البنت

فاياكى انك تفقديها لاى سبب من الاسباب وهو فعلا لو جاد هييجى يكلمك لو مش جاد يبقى كان واخدها تسلية وتقضية وقت وكلام فاضى

فسيبى كل حاجة ليه هو هو اللى يدخل يتكلم وهو اللى لازم يكون جد

وانا من راى متفكريش كتير لان التفكير بيتعب تفكرى فى حالة واحدة بس وهى انه دخل وكلمك لما يكلمك ساعتها

ابقى فكرى فى كلامه وفكرى صح وشوفيه ان كان جاد ولا مش جاد لكن نظرات وكدة متفكريش خالص

سيبى الموضوع عادى وحافظى على كرامتك ومشاعرك وخجلك وحيائك للانسان اللى يستاهلهم

لحد ماهو ييجى ويكون جرئ ويكون فعلا عنده مشاعر صادقة ويدخل يعترف ليكى بحبه

لكن لو هتعملى غير كده

فنا مضمنش عواقب ذلك

ممكن يكلمك ويطلع انسان بيتسلى وييجى فى دماغه انك بنت عاديه وبتيجى بسهوله

ومش هيحط فى دماغه ارتباط ولا خطوبه وده فى الاغلبيه بيحصل

افاحسنلك تسيبى الموضوع ومتفكريش فيه نهائى

ومتجريش ورا الحب ولا الارتباط

صدقينى اللى بيجرى وراهم بيفشل

الحب والارتباط ده بييجى صدفه

وعمره ماييجى بالجرى وراه

فده رأى ودى نصايحى

واتمنالك التوفيق

شكرا على الرد الجميل اووى دة انا فعلا من رايك وعمرى ما كنت هعمل حاجة خلاف اللى انت قلتة لان اهم حاجة عند البنت هى الكرامة والادب والحياء وانا مش بفكر ولا بجرى ورا الحب والاتباط سيباهم خالص وانا اسفة عشان كتب الموضوع فى مكان تانى خلاف مكانةالصحيح انا كنت عايزة اخد راى حد اكبر منى شكرا اوى وانا اسفة مره تانية

بيحبك

رايك صحيح يا احمدوعلى فكره حتى لوقالها بحبك مش كفايه حتى لو بكالها وعنيه دمعت مش كفايه حتي لو حلفلها انه بيحبها اكترمن مره مش كفايه كفايه في حاله واحده انه يطلع يخطبها

طبعا انا معاك يااحمد في كل كلامك لان ده الكلام المظبوط

والي لازم اي واحده تحطه في دماغها وبصراحه يا ملاك احمد مسبشي

اي كلام حد يقوله بس انا معاه في كل كلمه هو قالها وياريت ياجميل

متجريش ورا وهم ولا حتي ورا نظرات من اي حد ممكن تكون نظراته

مجرد نظره اعجاب بالشكل باللبس وصدقيني الحب عمره مكان بالمظاهر

الحب ما هو الا عقل بيفكر وقلب بيحس وبينبض بعيد كل البعد عن المظاهر

زالشكل واللبس وكل الكلام الفاضي ده . تقبلي مروري ياقمر وربنا يوفقك

شكرا جداااا للردود وانا فعلا من رأيكم شكرا اووى اووى جزاك الله خيرا

شكرا جداااا للردود وانا فعلا من رأيكم شكرا اووى اووى جزاك الله خيرا

اكيد مش في اي راي ممكن يتقال بعد كلام احمد

ربنا يحميكي ويحفظك يا قمر