.. بين قدماء المنتدى .. و الجيل الجديد ,,

ذلك الشاب الذى نشأ مع نشاة المنتدى

متحمس جدا

يعمل ويعمل

ينشئ علاقات كثيرة ..

كتب مشاركات كثيرة واصبح محل اهتمام

يتعامل مع أقرانه بحب وود حقيقى

يشارك ويشارك

ياتى صباحا ليرى ماذا علق عليه زملائه

ويأتى ليلا متحمسا ليرد عليهم ( ويغيظ فيهم شوية )

علاقات أخوية

مرح
أفكار
موضوعات .. وكل شيء

ولكن دوام الحال من المحال

تمر سنة وراء الأخرى

هذا ينشغل بظروف عمله القاسية ( يعمل صباحا .. ومساءا )

وهذه أضحت مهتمة بوليدها الصغير ( البامبرز .. والسيريلاك وطبيب الأطفال ... من الواجبات الرسمية )

وهذا يحاول جاهدا ان يتزوج
وهذا يتشاجر مع هذا ..
و...

و...

ويتبقى مجموعة

مجموعة صغيرة من قدماء المنتدى ..

تنظر الى الموضوعات تجد ان هناك تغييرا فيها ..

الأشخاص نفسها .. اتغيرت

مش لاقى نفسه بينهم

حالة فتور ..

وفتور ..

وفتوووووووووووووور

حالة اغتراب كتلك التى يشعر بها

فتقل المناقشات الهادفة بينهم
وتكثر كلمة ( تسلم ايدك ، الموضوع رائع ، وشكرا )

المهم ...

يشعر بهذا الاغتراب

يتسائل ؟

أين .......
و .....
و..........
و...........

وبقية هؤلاء

فلا يجد الا مجموعة اخرى
فيشعر بالفتور .. والاغتراب

و كذلك

تشعر هى بأن ( المنتدى مش بتاعنا وانما أصبح بتاعهم )

فى إشارة أن المنتدى دوره حاليا قائم على ( الجيل الجديد )

ولو نظرنا سنجد ان كلاهما لا يعيب فى الحياة

كلاهما يعرفان ضمنيا

أنها حقا سنة الحياة

فلن يدوم اصدقاؤك فى الاعدادى .. وغالبا هتفترقوا فى الثانوى

ولو ماحصلش فى الثانوى

فاكيد هتفترقوا فى الجامعة ( بفعل مكاتب التنسيق العظيمة )

وعندها ستبدأ حياة جديدة فى الجامعة بكل ما فيها من حلو ومر

----

ولكن السؤال الاهم

الحل ايه ..؟؟

هل المشرف هو اللى هيرجع العلاقة ..

ولا المدير ..

ولا الجيل الجديد

ولا نتصل بالقدماء ..

ولا ايه بالظبط ..

طيب مفيش وسائل مساعدة ؟؟؟؟؟؟؟؟؟؟؟؟؟؟؟؟؟؟؟؟؟؟؟

الحل يمكن ان يتلخص في :

1- نوقن تماما أن سنة الحياة تقتضي التغيير ..

ودوام الحال من المحال ..

2- نترك لانفسنا فرصة اتخاذ أصدقاء من الجيل الجديد
ففيهم من الخير الكثيييير بالفعل .. جيل المنتدى الحالى به معادن جميلة .. تستحق أن تبحث عنها

3- نحاول بقدر الامكان اننا نشارك فى مواضيع الاعضاء الجدد بكثرة
لزيادة العلاقات بيننا وبينهم

4- حاول تفيد غيرك بكل ما تعلمته فى حياتك

سواء مقالات أو موضوعات .

مجال الأدب .. أو الكومبيوتر .. أو حتى السياسية ..

أى حاجة

وساعتها هتحس انك بتقدم رسالة ..

وتقديم الرسالة لا يقتضى ان تكون بين أصدقائك ..

ولكن بين كل من عرفت ومن لم تعرف

قدم حاجة مفيدة للناس .. هتفضل دايما سيرتك حلوة بين الناس ..

ومش هتحس انك غريب عنهم ...

5- البحث عن افكار جديدة من جهة الاعضاء الجداد وليس منا ( البركة فيهم بقا )

يلا بينا ...........

الدنيا إذا لم تستطع التكيف مع التغير فيها .. فاركب ألة زمن وعد إلي دنياك القديمة !

موضوعك مهم جدا يا جوجو

والمشكله دى فعلا انا حاسسها

لانى طبعا اول واحد فى المنتدى هو انا

لانى منشؤه

فاكيد عارف كويس المشكله اللى انتى عرضتيها دلوقتى

وهى ان الاعضاء الجدد بيدخلوا

بيلاقوا اسامى لاعضاء كتير قدام

ولكن طبعا محصلش ان هما التقوا ببعض

لان اكيد زى ماقولتى

فيه اسباب كتير بتمنع كتير من الاعضاء القدامى دخول المنتدى

اكيد منهم بيتجوز بيشتغل اى كان السبب

بس عموما انا بحاول بقدر الامكان اعمل تفاعل بين الاعضاء وبعض

واكيد دى مش مشكلة منتدى حبيتك فقط

لا دى مشكلة كل المواقع والمنتديات

اهم حاجه ان العضو الجديد هو اللى يقدر يتفاعل مع بقية الاعضاء

ويقدر يثبت وجوده فى المنتدى

والاعضاء القدامى طبعا يدخلوا ويحاولوا يتأقلموا مع الاعضاء الجدد

ويتفاعلوا معاهم

وزى ماقولتى فى موضوعك

صديق الاعدادى مش هيستمر معاك للثانوى

وصديق الثانوى مش هيستمر معاك للجامعه

كلها فترات وبتمر فى حياتنا

ودى اكتر شئ اتعلمته فى الحياه

ان كل مرحله وليها اصدقائها

نادرا ماهتلاقى الصداقه اللى هى بتستمر سنوات

شكرا ليكـــــــــــــــــى لعرضك للموضوع الجامد ده والمهم فعلا

شكرا يااحمد لمرورك وفعلا انت اكتر واحد تقدر

تحس المشكله دي لانك انت اول واحد في المنتدي

عموما انا مبسوطه كتير ان الموضوع عجبك

تسلم لمرورك