التطور الطبيعي للزواج

كلمة بحبك

بعد 6 اسابيع : بحبك بحبك بحبك ... بحبك

بعد 6 شهور : أه طبعا اكيد بحبك

بعد 6 سنين : ياساتر! .... يعنى لو مش بحبك كنت هاتجوزك ليه ؟؟؟

ـــــــــ@***@ـــــــــ


بعد الشغل

بعد 6 اسابيع : حبيبتي انا جيت من الشغل

بعد 6 شهور : انا رجعت

بعد 6 سنين : فين الاكل يا هانم؟؟

ـــــــــ@***@ـــــــــ


جرس التليفون

بعد 6 اسابيع : حبيبتي فى حد عايزك على التليفون

بعد 6 شهور : التليفون دة ليكى

بعد 6 سنين : ماتردى ! انا عندى صداع

ـــــــــ@***@ـــــــــ


وقت الغدا

بعد 6 اسابيع : ماكنتش اعرف ان نفسك حلو في الطبخ اوى كدة

بعد 6 شهور : عاملة أكل ايه النهاردة ؟؟

بعد 6 سنين : بامية تانى... اووووووووف

ـــــــــ@***@ـــــــــ


لما تشترى فستان جديد

بعد 6 اسابيع : مبروك ياحبيبتي , هياكل منك حتة

بعد 6 شهور : انتى جبتى فستان جديد تانى ؟

بعد 6 سنين : اممم... بكام ده؟

ـــــــــ@***@ـــــــــ


لما يتفرجوا على التليفزيون

بعد 6 اسابيع : تحبي نشوف فيلم ايه ؟

بعد 6 شهور : ماتقلبيش المحطة الماتش جاي حالا

بعد 6 سنين : انا رايح السينما , نامى انتى بقى

ـــــــــ@***@ـــــــــ


لما تعزم اصحابها

بعد 6 اسابيع : وماله اهلا بيهم فى اى وقت

بعد 6 شهور : انتى كل اسبوعين هاتعزميلنا حد ؟

بعد 6 سنين : يوووووه دة مابقاش بيت ده

ـــــــــ@***@ـــــــــ


لما يروحو السوبر ماركت

بعد 6 اسابيع : تحبي تروحى انهى سوبر ماركت يا حياتى

بعد 6 شهور : وماله عم انور البقال ؟

بعد 6 سنين : انتى بتودى الاكل فين !؟؟

ـــــــــ@***@ـــــــــ


لما حماته تيجي علشان تزورهم

بعد 6 اسابيع : يا سلام ده البيت والعمارة والحتة كلها منوره يا طنط

بعد 6 شهور : هي أمك فاضية ماورهاش حاجة

بعد 6 سنين : نهار إسود ده .. هى أمك كل يوم تنطلنا أنا خارج ومش عارف هرجع إمتى!؟؟

ـــــــــ@***@ـــــــــ


لما ييجى عيد ميلادها

بعد 6 اسابيع : معلش كان نفسي اجيبهولك الماظ

بعد 6 شهور : خدى 50 جنيه وهاتى اللى انتى عايزاه

بعد 6 سنين : مش عيد ميلادك كان السنة اللى فاتت هوكل سنة ولا ايه !؟

ـــــــــ@***@ـــــــــ


فى العيد

بعد 6 اسابيع : حبيبتي الكحك والبسكوت برة على السفرة

بعد 6 شهور : مش واجب بقي مامتك تجيب لنا الكحك

بعد 6 سنين : مش لازم كحك السنة دى .. انتى تخنتى اوى

ـــــــــ@***@ـــــــــ


وهى رايحة للدكتور

بعد 6 اسابيع : حبيبتي قولى لى قبلها عشان اعمل حسابي فى الشغل

بعد 6 شهور : خدى مامتك ولا حد من اصحابك

بعد 6 سنين : دكتور دكتوووووووور ... مانتى زى البمب اهو

ـــــــــ@***@ـــــــــ


مع المولود الأول

المولود الاول : ما شاء الله زى القمر .... شبهك

المولود التانى : شبه اخوه

المولود التالت : ياريت تخللى بالك المرة الجايه.

ـــــــــ@***@ـــــــــ


لما يجي يزورك واحد صاحبك

بعد 6 اسابيع : تقابله من ع الباب وتستضيفه بالكتير ربع ساعة..وتنصحه إن الجواز ما فيش احسن منه

بعد 6 شهور : تاخده وتخرج بيه البلكونة وتشكي من مشاكل الزواج وتنصحه بعدم خوض التجربة..إبقى تعالى بكره..هستناك

بعد 6 سنين : تقوله ما تخليك تبيت معانا .. بجد والله

ـــــــــ@***@ـــــــــ


لما يزوركم حد من قرايبها ومعاه طفل صغير وشقي

بعد 6 اسابيع : لا لا براحته .. ما شاء الله ده عسل قوي ودمه خفيف

بعد 6 شهور : حاسب يا حبيبي .. إنزل من على الأنتريه يا بابا

بعد 6 سنين : إنزل يا بن الـ......

ـــــــــ@***@ـــــــــ


وهو ده التطور الطبيعي للزواج

متشكر جدا لمرورك وردك الكريم

يا ابو حميد


نورت الموضوع


وده تنبيه مني لكل اللي داخلين على المرحلة دي

علشان ميرجعوش يقولوا محدش نبهنا

والله على ما اقول شهيد

متشكر جدا يا ساره على مرورك وردك الكريم

نورتي الموضوع