ياريت ادارة المنتدي تساعدني ضروري جدااااااااااااااااااااا

عايزة اغير اسمي علي المنتدي ومش عارفة او ياريت يفضل سارة بس

بخصوص تغيير اسمك فى المنتدى

انتى سبقتينى لانى انا كان فى دماغى

انى اعمل موضوع وهترك فرصة اسبوع للاعضاء

اللى عاوز يغير اسمه فى المنتدى يقول ويترك الاسم اللى يحبه يكون موجود

لان طبعا تغيير الاسم بيتم عن طريقى فقط

وغير مسموح للعضو بتغيير اسمه

وانا طبعا لما شوفت اسم عضويتك فى المنتدى

اكيد هو محتاج يتغير

لان لايوجد عضو يكتب اسمه بالكامل كاسم عضو

لان اسامى الاعضاء بتكون اغلبها اسامى مستعاره

مثل اسمى المونتو مثل اى اسم مستعار أخر

وعموما انا هقوم بتغيير اسمك لان انا كنت هبعتلك رسالة

اقولك فيها تغيرى اسمك

اتركى لى هنا اسم مستعار عشان اضعه ليكى بدل اسمك ده

لان اسم سارة موجود قبل ذلك

وفيه عضوات اشتركوا باسم سارة وساره

بالتاء المربوطة وبالهاء

فشوفى انتى اسم يكون مستعار ليكى او اى اسم ترغبيه

ونزليه هنا فى الموضوع

وانا هغيرهولك

وبعد كده تدخلى بالاسم المستعار اللى هتختاريه وبباسوردك

دومتى بخير

شكرا علي الرد وعموما انا ماكنتش اعرف ان الاسم لازم يكون مستعار وانا حاولت اغيره معرفتش وياريت لو سمحت تغيره ل ملائكة النور

اوك

فيه مسالة تانيه احب اقولك عليها برده

طبعا انتى بتضعى فى القسم الاسلامى مواضيع كتير جدا جدا

انا بشكرك على عطائك واجتهادك فى المنتدى

ولكن غلط وضع اكثر من 10 مواضيع فى اليوم الواحد فى اى قسم

لان المواضيع القديمه بتنزل تحت

والاعضاء مش هيلحقوا يشوفوا كل المواضيع دى

مثلا انتى بتنزلى حوالى 30 موضوع فى القسم الاسلامى

الاعضاء ممكن يشوفوا 4 او 5 او 6 مواضيع والباقى بينزل تحت فى الصفحات التانيه والتالته

وبالتالى مجهودك بيروح

وزعى نشاطك على المنتدى كله

ياعنى مثلا

لو هتنزلى 30 موضوع

اجعلى مثلا 5 فى الاسلامى

5 فى الطرائف

5 فى الحب والرومانسية

وهكذا

توزيع النشاط ده مهم جدا جدا

لانه بيرتقى بالاقسام

وبيجعل مجهودك لايضيع هباءا

لان انتى لو لاحظتى ستجدى ان ليكى مواضيع اصبحت فى

الصفحات التانية

وبالتالى لن ينظر اليهم احد من الزوار او الاعضاء

فلاز توزيع المجهود على جميع الاقسام

بحد اقصى من 5 ل 10 مواضيع فى كل قسم كحد اقصى

لكى يتاح للكل من الزوار والاعضاء رؤية مواضيعك والرد عليها

وكمان حتى لايضيع تعبك

لان فيه مواضيع كتيره جدا ليكى سيكون مصيرها ان لن يستطيع احد رؤيتها او متابعتها

طبعا ده قانون من قوانين المنتدى

وده لمصلحتك ولتعبك لايضيع هباءا

وفى نفس الوقت الظاهره دى غير مسموح بيها فى اى منتدى

اى موع او منتدى

بيمنع اعصاؤه من وضع اكثر من 5 مواضيع فى القسم الواحد

لان ده بيأثر على المنتدى فى قوته وبيجعله متاخر

لازم توزيع النشاااااااااااط

واخيرا فى نقطه احب اقولهالك برده

حاولى تتفاعلى معانا

ياعنى مثلا انا رديت على موضوعك بكلمة شكر

المفروض تردى بعدى بكلمة شكر

يكون فيه تفاعل بينك وبين اللى بيردوا على موضوعاتك

لانى اجد ان اى حد بيرد على موضوعاتك

انتى مبتروديش عليهم

فدى بعض الملحوظات احب اقولهالك

لان الواضح انك جديده فى التعامل مع المنتديات

وده عشان تصبحى عضوه متألقة ومتميزه دائما

وتعطى للمنتدى مزيد من المواضيع والردود القيمه اللى تعبر عن شخصيتك

وعموما ان شاء الله كل مابتدى للمنتدى

كل مافيه اوسمه ممكن تاخديها

ويتعمل ليكى لقب مميز ..... ويتحط اسمك فى لوحة الشرف

وغيرها من الامور الحلوه والمكافئات المعنوية

دومتى بخير

واسف على الاطالة

وسيتم تغيير اسمك

متشكرة جداااااااااااااا يا احمد علي النقد والمعلومات الجميلة دي وطبعا هعمل بيها وطبعا الغلط مش مقصود لاني زي ما حضرتك قولت جديدة في التعامل في المنتديات لك افضل تحياتي

ولايهمك

اتمنى انك تبقى عضوه نشيطه وتتفاعلى معانا

وانا كنت حابب اقولك المعلومات دى للعلم

انتى بتقومى كبير وجميل لا احد ينكره

واتمنى انك تستمرى على هذا المجهود وهذا العطاء

بس زى ماقولتيلك وزعى مجهودك على جميع الاقسام

بحد اقصى من 5 ل 10 مواضيع فى كل قسم

وعلى فكره دى ايضا مهمه لسبب

ان ممكن عضو يضع موضوع

وانتى تحطى بعده حوالى 30 موضوع

فبتالى موضوع العضو ده بينزل تحت ويصبح فى الصفحات التاليه

وبالتالى يضيع هو ايضا تعبه وموضوع لا احد يراه

برغم اهميته

العملية ياساره ليست بالكثره

ولكن بتوزيع المجهود وبالمتابعه وبالتفاعل

وعندى برده ملاحظات اخرى احب اقولهالك

حاولى تنسقى موضوعاتك

من حيث اللون والخط والحجم

وكيفية تنزيل صور فى الموضوع

حاجات كتير محتاجه تتعلميها

عموما انا واضع فى القسم ده

كيفية عمل موضوع جديد ومنسق بشكل جميل

وحاطط كيفية ادراج صور ف المواضيع

وكيفية عمل توقيع ليكى

عموما اقراى المواضيع فى القسم ده

كيفية التعامل مع المنتدى

واتعلمى كيفية التنسيق

هى سهله جدا

حددى كل موضوعك

واختارى ايقونة اللون

واختارى لون

وبعد كده حدديه تانى واختارى حجم الخط مثلا كبير جدا

وبكده هيكون منسق

حاولى وهتتعلمى وهتبقى سهله

شكرا ليكى

وربنا يوفقك

وتعتبر من اشه

ميرسي ليك يا احمد

العفو

ربنا يوفقك