دع ـٌـوه لفنـُـجـُانـُ قهـُوه وافـُـتـحٌ قلـٌـبُـكـُ مـٌـع جوجو

بجد موضوع هايل وجميل جدا ياجوجو

وفكرة روووووووعة

بشكرك طبعا على الدعوة الجميلة دى منك

بس احب فى الاول انك انتى تجاوبى على الاسئلة دى

عشان تشجعى بقية الاعضاء على الرد مثلك

وانا ان شاء الله اول مافضى واكون فاضى هرد عليكى

لانى للاسف والله بكون مشغول بعض الشئ

بس انتى جاوبى الاول على الاسئلة وانا هجاوب بعدك وتختارى عضو جديد ندخله يشرب القهوة معاكى


وعشان متقوليش احمد بخيل

اتفضلى دى كوباية عصير فراولة عشان تركزى كده

ومعاهم فروليتين هديه مجانيه هههههههههه




تكبير الصورةتصغير الصورة



اتمنالك التوفيق

وفى انتظار ردك على الاسئلة

وانا هرد بعدك اول مافضى ان شاء الله




اوك يااحمد ولا يهمك انا هرد الاول واسفه للتاخير


غصب عني النت كان فاصل وميرسي كتير للعصير

أهلاً بك فرحت لإستجابتك لدعوتي



هاهي الطاولة لقد حُجزت لنا..


كيف حالك؟

الحمد لله ماشي الحال


وكيف هي الدُنيا معك؟

ايام وبتعدي والله مش مريحاني خالص زي مبيتقال مش بتدي


للانسان كل الي هو عاوزه بس الحمد لله علي كل حاجه ومعايا


احسن من غيري كتير الحمد لله


عبر لنا عن شعورك عندما تلقيت الدعوة ؟؟

شعور جميل اني معاكوا

لحظة !!


سـ اقطع حديثك فقد جاء الجرسون لأخذ الطلب


1-مارايك بالحب؟


الحب اجمل حاجه في الدنيا مهما قولت عنده مش هقدر اوصفه


لان الحب الحقيقي مينفعشي يتوصف لازم يتحس



2- هل تعيش قصه حب الان؟


بصراحه اه واجمل قصه حب في حياتي هي اول واخر قصه


ان شاء الله واتمني انها تكمل زي مانا بتمني ووووووو وبس



3-هل ان مؤمن بالحب الاول ؟


بجد انا بحس انه زيه زي اي حب اصل انا شوفت ناس كتير


بتقول انا حبيت والحب ده حبي الاول ومش هقدر اعرف ولا احب بعده


بس للاسف بيعرفوا تاني وبيحبوا فا من وجهه نظري انه زي اي حب


وبيكون في حياه الانسان ما هو الا ذكري حلوه بيقتكرها بس ممكن يكون


عند غيري حاجه تانيه بس جايز علشان انا مجربتش حاجه زي دي



4-لو حبيبتك زعلتلك تقدر تسامحها؟


اه طبعا اكيد بسامحه ومش بقدر اشيل في قلبي اي حاجه منه ابدا


بس بيختلف بقي من زعل لزعل يعني ممكن في موقف معين باي كلمه منه


ارضي واسامح علي طول لانه وقتها مش بيكون الموقف يستاهل بس في


مواقف تانيه طبعا لازم بزعل وبحسسه بزعلي وممكن كمان احسسه اني


مش انا علشان وقتها الموقف يستاهل ده علشان محبش انه يتكرر تاني


بس بجد انا من جوايا بكون راضيه ومش زعلانه لان الي بيحب بجد بيقدر


يسامح وينسي اي حاجه بسرعه وده مش ضعف دا حب



5-تقدر تغير من نفسك عشان ترضى حبيبتك ؟

لو حبيت بجد اكيد هتتغير من غير متحس بس مش كل التغير


يعني لتتغير لحاجه احسن لاما بلاش وانا عن نفسي اتغيرت


من غير محس وكمان من غير ماحبيبي يطلب مني التغير ده



6- هل تؤمن بالحب ؟


هههههههههه اكيد طبعا والا مكنتش حبيت ولا فكرت اني احب اصلا



7- هل تؤمن بالحب من أول نظرة؟


لا خالص ازاي هحب واحد من اول ماشوفه الحب ده حاجه تانيه


الحب من اول نظره ده بنشوفه في الافلام بس لكن انا هحب واحد


من غير معرف اخلاقه ايه متدين ولا لا انسان عاقل وناضج ولا لا


واهم حاجه اهله ناس كويسين ومحترمين ولا ايه نظامهم وكمان ان


كان الانسان ده يناسبني ولا مينفعنيش تفتكروا كل الحاجات دي


هعرفها من نظره عنيه اول نظره دي بتبقي مجرد اعجاب مش اكتر



8- هل يختلف معنى الحب عبر العصور؟


الحب هو هو علي مر العصور معناه زي مهو الطيبه والحنيه والاخلاص


والاحساس بالامان والوفاء كل ده موجود بس الي بيتغير نظره الناس ليه


واحساسهم وعقلهم كمان يعني زمان الحب كان كله طهاره ونقاء


مكنشي الواحد ولا الواحده يقول الكلمه دي الا لما يحسها صح


لكن الوقت بقت سهله اوي وبتتقال علشان التسليه بس برده فيه الي بيقولها


وهو حاسسها ومقدرها كويس



9- ما هو تأثير العمر على معنى الحب في المراحل التالية ( مراهقة , شباب , بعد الأربعين )


اكيد الحب بيختلف من مرحله لمرحله


في مرحله المراهقه بيكون مجرد اعجاب وتعلق بالشخص الي معاك ومش


بحب اقول عليه حب لاني بحس الفتره دي فتره طيش


والمرحله التانيه وهي الشباب الواحد او الواحده بيكون انسان ناضج وعاقل


فبيفكر بعقله وبيوزن الامور كويس فبحس انها احسن فتره الانسان يقدر


يحس الحب فيها بس طبعا بتختلف من شاب لاخر حسب طريقه تفكيره


المرحله التالته وهي بعد الاربعين بيسموا المرحله دي المراهقه المتاخره


فهي زي فتره المراهقه بتبقي برده الواحد كبر ومحتاج حد جمبه


يحسسه بالحنيه ويقول دايما كلام حلو وبصراحه بحس ان الواح


الي يحب واحده وسنه بعد الاربعين انه راجل ناقص سوري يعني


بس اكيد بيكون متجوز بس عنيه زايغه بقي عاوز يشوف واحده صغيره


تقوله كلام حلو وتدلعه شوفوا بقي من الاخر مش بيبقي حب بيبقي تعلق



10- فرق العمر بين الطرفين هل يؤثر على علاقة الحب؟


فرق السن ده بيختلف حسب التفكير وطبيعي لازم ياثر يعني لو واحد مرتبط


بواحده اصغر منه ب 20 سنه اكيد مليون في الميه هياثر علي حبهم


لكن ممكن يكون الفرق ده في المعقول من 6 الي 10 سنين بيبقي


تقريبا الي حد ما كويس علشان يبقي الراجل راجل والست ست


بس برده لازم التفكير يكون متقارب لكن لو الفرق ده وكل واحد تفكيره


في ناحيه غير التاني يبقي هيدمر علاقتهم يعني اهم حاجه مهما كان فرق


السن لازم يكون التفكير وطريقتهم متقاربه






اتفضل اشربي العصير وبعدين نكمل




11- أيهما أنجح ,الزواج عن طريق الأهل أو عن معرفة سابقة؟


عن نفسي مش بحب الجواز عن طريق الاهل بفضل كتير الجواز


عن معرفه سابقه وحب كمان بس طبعا بتختلف من واحد لواحد


ومن واحده لواحده يعني ممكن تكون العلاقه الي قبل الجواز دي


علاقه كويسه ونضيفه هيعيشوا هما الاتنين اجمل حياه في الدنيا


لكن ممكن تكون علاقه يعني مش تمام فبتدمر الاتنين بعد كده


فوقتها تبقي الجواز التقليدي احسن كتير بالنسبه للاتنين دول



12- هل ممكن ان تحب أكثر من مرة؟


لا طبعا الحب الحقيقي بيجي مره واحده بس في الحياه


بس طبعا في ايامنا دي الواحد او الواحده ممكن يحبوا 100 مره


مش الكل طبعا واكيد ده مش بيكون حب وانا عن نفسي مليش غير قلب واحد


ومينفعشي يحب غير مره واحده



13-هل يمكن أن يكره الأنسان الشخص بعد أن أحبه؟


لا طبعا الي بيحب عمره ميعرف الكره ده ابدا ولو حصل لحد


وكره الانسان الي كان بيحبه يعرف انه محبش والي كان بينهم كان


مجرد علاقه معرفه والسلام بس زياده عليها شويه كلام حب وخروج


وهدايا لكن الي بيحب مبيعرفشي يكره ابدا



14- هل للمادة دور رئيسي في استمرار الحب؟


اكيد طبعا لان الحب مش بيكمل غير بالجواز والاطفال والعشره


كمان ليها دور كبير في ان الحب يكبر ويستمر وطبعا الجواز وتكاليفه


مبني اصلا علي الفلوس لكن لو مفيش فلوس كل واحد هيبعد


وربنا يوفقه مع ناس تانين غصب عنه هيحبهم وحبه مش هيبقي


مجرد ذكري او ميفتكرها يفتكر ايام حلوه



15- نجاح الحب مستحيل أم ممكن , و كم نسبة نجاحه؟

مش عارفه والله اقول ايه بس ده بيتبني علي حاجات تانيه


مثلا لو واحد ظروفه كويسه وبيحب بجد والانسانه الي معاه بتحبه


والشخصيه كويسه ومحترمه واهله كويسين اكيد الحب ده هينجح


لكن بقي لو الواحد ظروفه مش تمام او حتي لو طروفه كويسه


بس هو شخصيه مش كويسه يبقي اكيد الحب ده مستحيل يكمل


بس في حالات كتير اوي نجاح الحب ممكن بس المهم ان الواحد


يسلم امره لله وبدام ماشي تمام وعلي طاعه ربنا اكيد ربنا هيقف جمبه


ومش هيزعله اما بقي النسب فهي نسب تقديريه وبتختلف اكيد



16- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية


لا طبعا ازاي الحب هيستمر لو الطرف الاخر مشاعره اتغيرت


انما بقي غير عاطفيه مثلا اخلاقيه بتختلف برده لو مثلا الطرف الاخر


تعب ممكن اني اكمل معاه حياتي عادي خالص انما لو مثلا اتغير


بقي حد تاني شخصيته اتغيرت مشي مثلا مشي غلط بيشرب والكلاه


ده استحاله اني اكمل معاه



17- أيمكن للحب ان يغير مجرى حياتك؟


هو اصلا بيغير مجري حياه الانسان من اول ميحس بيه


حياه جديده ومشاكل جديده واحساس جديد وغريب اكيد طبعا هيغير


الانسان نفسه مش حياته بي



18- البعد أيخفف المشاعر أم يلهب الأشواق؟


شوفوا هو بيختلف من شخص لاخر بس الحب الحقيقي طبعا ومن غير كلام


البعد يلهب الاشواق وبيزود احساسك بالطرف الاخر وتحس بيه


في كل حاجه ويخليك تتمني اللحظه الي ايديك تلمس فيها ايده


او حتي عنيك تلمحه من بعيد



19- هل يتغير الحب بعد الزواج؟


اكيد بيتغير وطبعا التغير ده برده بيختلف من شخص لاخر


ممكن يتغير لعشق وجنون بزوجك وممكن عند ناس تانيه يتغير لملل


وظروف الحياه ثاتر علي كل حاجه بينهم



20- بوجود الحب أيشترط وجود السعادة؟


اكيد السعاده هتبقي موجوده بوجود الحب كفايه اني افضل


شايفه حبيبي ادامي واقعد معاه واشوف منه ابني او بنتي


دي لواحدها فيها سعاده الدنيا كله والنظره في عيوني جوزي او اطفالي


بالدنيا والي فيها وتنسي الانسان هموم الدنيا



21- هل الغيرة ضرورية في الحب و ما دورها ؟ سلبي أم ايجابي؟


اه طبعا الغيره لابد منها بس في حدود فيه غيره تزود الحب وفيه غيره


تخنق وتضيع الحب وتدمره


دورها فيه السلبي وفيه الايجابي كل حاجه موجوده بتختلف


حسب طبيعه الانسان



22- أيهما أخلص الشاب أم البنت؟


بصراحه البنات فيها المخلصه وفيهم الي في طبعها الخيانه


والشباب برده فيهم المخلص وفيه الي في طبعه الخيانه



23- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )


لا طبعا استحال ده يكون حب ده ممكن اعجاب بالشخصيه


وبعدين ممكن الانسان الي بتكلمه علي النت ده انسان وهمي



شخص بيخترع شخصيه ويمثلها يعني انسان مش صادق


انا مش مقتنعه بالحب عبر النت وغرف الدردشه ده نهائي




أجد الوقت قد أُختُلس بسرعة..




فقد استمعت أنا معك بِ هذهـ الدعوة


وأنت ماهو شعورك بعد هذه الدعوة ؟؟


بصراحه مبسوطه كتير اني معاكوا انا تعبت في الرد


علي الاسئله بس قولت كل الي في قلبي








وأوقات سعيدة مع فنجان قهوتي



انتظروني مع الضيف القادم


مع تحياتى

جوجو

<P><FONT color=red>&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; تسلمي حبيبه قلبي نور علي مرورك نورتي التوبيك</FONT></P>
<P><FONT color=red></FONT>&nbsp;</P>
<P><FONT color=red></FONT>&nbsp;</P>
<P><FONT color=red></FONT>&nbsp;</P>
<P><FONT color=red>&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; واستعدي بقي بعد المونتو ان شاء الله تشربي القهوه معايا</FONT></P>
<P><FONT color=red></FONT>&nbsp;</P>
<P><FONT color=red></FONT>&nbsp;</P>
<P><FONT color=red></FONT>&nbsp;</P>
<P><FONT color=red>&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;<IMG src="https://arabiec.hooxs.com/users/3115/49/63/92/smiles/656933.gif" border=0 smilieid="1">&nbsp;</FONT></P>