شقق ووظايف وناس مؤدبه .... الحياه زي الفــــــــــل !!!

مالك مكشر كده ليه
مالِك فيكى ايه
هو انتى ناقصك حاجه
طيب انت زعلان من حاجه معينه
دى الحياه حلوه على الاخر
وعمرها ما كانت وحشه فى يوم

عندك صحاب وزى اخواتك
بيسألوا عليك كل لحظه
واقفين معاك فى الوحشه قبل الحلوه

مفيش صاحب عمره ما غدر بيك
ولا طعنك فى ظهرك
ولا قال عليك كلام وحش
ولا خبى عليك حاجه او سر كبير

عندك اهل طيبيين
اسره مترابطه ومفيش مشاكل ولا خناق

بتحب وحتوصل مع اللى بتحبه
لحد الحواز ان شاء الله
مش بيضحك عليك ومعيشك فى الافلام او الاوهام

عندك 25 سنه
وكونت نفسك بنفسك
جبت الشقه والعربيه
والوظيفه جاتلك بكل سهوله
من غير وسايط ولا كوسه

دورت على وظيفه
ولقيتها بعدها بكام يوم

دورت على شقه
وكانت ب4 الالاف جنيه
مش بالملايين

اتقدمت للى بتحبها
وقالولك احنا بنشترى راجل

بتنزل الشارع تلاقى المواصلات فاضيه
والشوارع نظيفه
والناس مؤدبه

مفيش معاكسات ولا تحرشات ولا قله ادب

الخضار والفاكهه
مش مسرطنيين
وطعم الحاجه جميل اوى
يا سبحان الله

بتأكل لحمه كل يوم
ما هى بقيت ب19 جنيه
ومتوافره للمواطن البسيط

مفيش امراض
ولا فيروسات

البلد زى الفل
طيب ايه ناقصك
اتقى الله بقى وافرح
وابتسم للدنيا
مش تستاهل منك كده
مش متوافرلك كل ده
ده انت طماع اوى يا بنى ادم
ده احنا عايشين فى الجنه

.................................................. .........................

كل الكلام اللى فوق ده حلم
هو حرام نحلم
سيبونا نحلم شويه بقى

كل اللى قولتيه ده كوم وكوسه الوظيفه دى كوم لوحده خالص لانها فعلا كوسه تضايق0

شكرا جوجو

ههههههههههههههههههههههههه

والله عندك حق

انا فى اول الموضوع

بقول جوجو بتقول ايه

شكلها شربت حاجه قبل ماتكتب الموضوع هههههههه

استغربت والله

مش تقولى ان دى احلام

ههههههههه

طيب احلمى واتغطى كويس

وربنا يستر على الشباب

بس احلى حته عجبتنى

حكاية شاب 25 سنه ويجيب عربية وشقة ويشتغل وكمان من غير وسايط ولا كوسة

ياسلااااااااااااااااااااااااااااااااام

طيب قولى 35 سنه ولا 40 ههههههه

ده مستحيل يحصل

الا بالاحلام

تسلم ايديكي ع الحلم الجميل

اقصد ع التوبيك الجميل

مستنين جديدكــ،،