الفتاة كالطير تشرب من كل قناة

السلام عليكم ورحمة الله وبركاتة
دى اول مشاركة ليا فى المنتدى هنا وحبيت ان هيا تكون فى القسم دة قسم الحب
علشان يارب يدوم بينا الحب علطول
مش هطول عليكوا
المقولة دى لنزار قبانى قالها عن العلاقة بين الشاب والفتاة ومدى قدرت احدهم على التضحية من اجل الاخر

بيقول نزار

من السهل جدا ان يضحى الشاب من اجل فتاة
ولكن من الصعب ان تجد فتاة تستحق التضحية
لا تحزن ان خانتك فتاة
فهى كالطير يشرب من كل قناة

مضمونها زى مانتوا شايفين ان الولد ممكن يضحى اما صعب ان انت تلاقى بنت تستحق كدة
هل كلام الشاعر الكبير نزار قبانى صاحب مدرسة الحب صحيح ؟؟؟؟؟؟؟؟؟؟؟؟؟
هل البنت مش ممكن تضحى علشان حبها ؟؟؟؟؟؟؟؟؟؟؟
هل الشاب هوا الوحيد هوا القادر على كدة ؟؟؟؟؟؟؟؟؟؟؟؟؟؟؟؟
هل كل البنات بتعمل كدة ؟؟؟؟؟؟؟؟؟؟؟؟؟؟
هل فعلا البنت زى الطير؟؟؟؟؟؟؟؟؟؟؟؟؟؟؟
اسالة كتير واجاباتها ممكن تكون صعبة
بس
ياترى الاجابات اية عندكوا اية دلوقتى
ياترى اللى انت بتحبها
او اللى انتى بتحبية
هيكونوا قادرين ان هما يضحوا علشانكوا
مستنية ردودكوا
بس ياريت تكون بصراحة

هل كلام الشاعر الكبير نزار قبانى صاحب مدرسة الحب صحيح ؟؟؟؟؟؟؟؟؟؟؟؟؟

والله ممكن يكون صحيح بس مش بينطبق على كل البنات
انا عارفة ان فيه بنات بجد كده من كل قناه بتشرب
وده كلام صحيح
لكن مش الكل كده

هل البنت مش ممكن تضحى علشان حبها ؟؟؟؟؟؟؟؟؟؟؟

والله البنت بتضحي اوي
وانا عارفة لاني مريت بالتجربة دي

هل الشاب هوا الوحيد هوا القادر على كدة ؟؟؟؟؟؟؟؟؟؟؟؟؟؟؟؟

لا طبعا

هل كل البنات بتعمل كدة ؟؟؟؟؟؟؟؟؟؟؟؟؟؟

لااكيد في وحش وفيه كويس
بس المشكلة انك الخير بيخص والشر بيعم ع الكل

هل فعلا البنت زى الطير؟؟؟؟؟؟؟؟؟؟؟؟؟؟؟

اكيد كده
بس مش كلهم

احب اقولك مشاركتك جميلة جدا

تسلم ايديكي

ومستنين جديدك من المشاركات الجميلة دي

ربنا يوفقك

ميرسى نور على ردك على موضوعى ومبسوطة جدا انك اول رد عليها

اهلا وسهلا بيكى فى المنتدى

وشكرا على طرحك للموضوع الجميل والنقاش الهايل ده

مع احترامى للشاعر نزار قبانى

ولكن مقولاته فيها وجهين

وجه صح ووجه أخر خطأ او غير صحيح

لو انا بدات

بالجانب الخطأ

فهو فى المنطق

منطقيا كلامه غلط وخطأ وغير صحيح

لان من غير المعقول انى احكم على جنس كامل وهو جنس البنات او النساء بانهم كالطير يشربوا من أى بئر ولا يضحوا مثل الولد

منطقيا ده غلط لان طبعا صوابعنا مش زى بعض

وفى نفس الوقت حياتنا كلها فيها الحلو وفيها الوحش

فيه شباب كويسين وفيه شباب وحشين

وفيه بنات كويسة وبنات وحشة

فهى مقولته منطقيا خطأ ولايعتد بها كبرهان نتماشى عليه

الجانب الصح

واللى انا بستنتجه من خبراتى اللى فاتت

هو ان فعلا البنات لايضحوا بمثل تضحية الولد

وانا بقول البنات ككل وليس بعضهم

طبعا هتسالينى تقوليلى ازاى

اولا البنت كائن عاطفى رقيق كائن ضعيف

واحنا فى مجتمع شرقى ومتحفظ

فلو البنت حبت شاب لاتستطيع التضحية من اجله

لانها كائن ضعيف مغلوب على امره واحنا مجتمعنا شرقى زى ماقولتيلك

لو مثلا هى اتقدم ليها عريس اقصى حاجه هتعملها هتقعد تعيط وترفض شوية

وبعد كده هتستسلم للامر الواقع

عكس الولد طبعا واخد حريته وهو راجل وقوى وصاحب قراره

لو حب فتاه هيضحى عشانها وهيعمل المشاكل كلها فى سبيل الحصوا على حبيبته

حتى لو هيوصل الامر للعراك مع اهله عكس الفتاه طبعا

فالسبب فى ان البنت كما قال عنها نزار قبانى لاتضحى مثل الشاب

فزى ماقولتيلك بسبب ضعفها وهى انثى وساعات بتكون مغلوبة على امرها عكس الشاب

بخصوص مقولته فى انها تشرب من كل بئر

فدى ايضا انا ليا وجهة نظر كبيره فيها

اولا البنت لو ادامها فتى احلامها عمرها ماهتشرب من اى بئر

ياعنى من الاخر لو الراجل ده مالى عنيها وبتحبه عمرها ماهتشرب من اى بئر ولا هتخونه

لكن المشكلة ان البنت ممكن فعلا تضحى بسرعه بالشاب او بكل شاب شوية

عشان الشاب اللى معاها مش مالى عنيها

ياعنى مثلا هى حبت شاب

والشاب ده طلع مثلا شخصية ضعيفه او مش عجبها

فاكيد مش مالى عنيها

فى الحالة دى ممكن فعلا كما قال عنها نزار قبانى

تشرب من كل بئر

لكن لو معاها شاب صاحب شخصية قوية وهو من الاخر فتى احلامها اللى بتحلم بيها

استحاله استحاله استحاله تبص لحد غيره

وكلامى ده انا متاكد منه لانه مبنى على تجارب

لو الشاب مالى عين البنت عمرها ماتبص لبره ابدا

لكن اغلب الحالات اللى بنشوفها ان البنت كالبئر عشان الشاب ده اصلا مش مالى عنيها

وفى نقطة مهمه جدا نزار قبانى نساها او تجاهلها بمعنى أخر

وهى نقطة

ان النساء عاطفتهم تغلب عقولهم

عكس الرجل

عقول الرجال تغلب عواطفهم

الرجل صاحب عقل لانه هو اللى مطالب بالقياده والنصح والارشاد وهو القوام عن المرأه

ولكن المرأة هى ام وانثى فاكيد هى مطالبة بالعاطفة والحب والحنان والمشاعر

لذلك تجدى ان المراة لو فيه اى موضوع او اى مشكلة

ممكن الشاب يتمسك بيها لاخر لحظة عكس البنت ممكن تسيبه

لان عقلها ممكن يكون مش زى تفكير الشاب

فيه اختلاف بعض الشئ

بين الرجل والمرأه فى العقلية

لكن طبعا لا احد ينكر ان عاطفة المرأة اقوى بكثير جدا من الرجل

عشان كده هى التى تنجب وتربى الاطفال

لكن الرجل عقله فوق عاطفته

وده ايضا له دور كبير فى ان المرأه ممكن تكون تتخلى عن حبيبها

لان عقلها صغير او بمعنى تانى مش هتفكر بنفس تفكير الشاب

فى المستقبل وكده

فى نهاية كلامى نزار قبانى مجرد بشر زينا زيه

له تفكيره وله اعتقاده الشخصى

وانا ايضا ليا تفكيرى واعتقادى الشخصى

فكلامه ليس كلام منزل من السماء هو مجرد شخص كاتب شاعر

وانا احب اخد براى وبوجهة نظرى عن اى حد تانى

اسف على الاطالة

واتمنالك كل توفيق

واهلا بيكى فى المنتدى منورانا

واتمنى وجهة نظرى تكون وصلت

ميرسى جدا ا احمد على الكلام الجميل دة
وميرسى جدا ان انت شرفتنى فى موضوعى
بس انا احب اعلق على حاجة ان فى بنات كتير ممكن تضحى علشان حبها مش شرط الولد بس هوا اللى يضحى
اة انا معاك ان الولد فى المجتمع الشرقى لة حرية اكتر ولكن البنت ايضا لها حريتها واكيد مادام الشخص اللى معاها مالى عينها زى منتا قولت اكيد هتضحى علشانة لاخر لحظة
ومعلش يا احمد انا معترضة معاك فى حاجة انت قولتها ان البنت عاطفتها اقوى من الشاب فا بتالى هيا هتتمسك بية اكتر
انما هوا زى منتا قولت عقليتة بتغلب على عاطفتة وبالتالى هوا ممكن يفضل البعد عن المشاكل مع اسرتة او غيرها ويفضل البعد
وانا اسفة على الاطالة
وعلى العموم
كلها وجهات نظر