ساعدونى محتاجة لرأيكم

بليز انا عايزة رايكم فى الموضوع دة
لانة يخص واحدة قربتى ومش عارفة اساعدها وقولت اخد رايكم
لانى متاكدة ان الحل عندكم
هى عايزة تعرف دة حب ولا لا وبعدين تكمل ولا لا


عمتا انا مش هطول عليكوا وهخش فى الموضوع على طول

والحكاية هى ............................ عجيبة شوية

هى واحدة عندها 19 سنة تعرف واحد من 7 سنين واتعلقت بية وهو كان عايز يعلقها وخلاص كان بيعاكس وكدة يعنى

ايام ما كانت فى اعدادى ولما دخلت ثانوى كان عايز يكلمها وهى اتشدتلة بس هى محترمة ومؤدبة و قفلة على نفسها يعنى مبكلمش حد وعمرها

مكلمت حد قبل كدة

وحطت فى دماغها انة حد عايز يتسلى هى فى ثالثة ثانوى مقدرتش تقول لا على اللى كان بيعملة وقالها انة بيحبها وكان عايز يكلمها باى طريقة

وبعد عدة محاولات كتير كلمتة بس كانت اول مرة تكلم شاب وكلمتة لمدة شهر وفى كل مرة كانوا بيتخانقوا على حاجات بسيطة على اساس انهم

لسة مش فهمين بعض المهم وقالها بعد كدة انة معجب بيها وانة عايز يحبها هى مقدرتش تستحمل طريقة كلامة و انها تكلمة من ورا اهلها وقالتلة

انة يجى يتقدم وقالها انة لسة قدامة فترة وفى اخر مقابلة بينهم

قاتلة انها مش هينفع تكلمة من ورا اهلها وانها مستنياة فى بيت اهلها لما يخلص يروح يتقدم


بس هو كان زعلان من الكلام دة وعايز يكلمها لحد لما يروح يتقدم وايما يكون فى نصيب او لا وكان عايز يكلمها تانى وعدى سنتين وبرضة لسة

مصمم انة يكلم معاها تانى وهى محتارة تكلمة تانى وتديلة فرصة انة

يقرب منها ولا تنسى


كان نفسى اعرف تفاصيل اكتر عشان تساعدكم على وجود حل

هى تعبانة اوى نفسها تكلمة وترجعلة هى بتحبة اوى وفى نفس الوقت عقلها بيقولها مينفعش تعملى حاجة من ورا اهلك
وبعدين متعرفش النصيب فين

خايفة تكلمة وتتعلق بية اكتر وميبقاش فية نصيب وفى نفس الوقت مش عايزة الحب دة يروح من يدها

واللى مضايقنى انا شخصيا انة كل ما يحاول يقرب منها وعايز يرجعلها خوفها بيزيد وتفضل انها تبقى بعيد احسن
ولما يكون بعيد بتبقى هتتجنن وتكلمة

والغريب انها كل لما تبعد الظروف تجمعهم فى مكان واحد فمنها مش عارفة تنسى وفى نفس الوقت خايفة تقرب

دة حبها الوحيد عمرها مفكرت فى حد بالشكل دة

ياترى دة حب ولا وهم ولا كدب ولا اية

وتكلمة ولا تحاول تنسى مع انى انا عارفة انها مستحيل انها تنسى
وازاى تتغلب على خفها وخوفها دة شى طبيعى ولا كدة يبقى هى مبتحبوش

سمحونى ان كنت طولت عليكوا بس وحياة حبكوا اللى عيشينوا او نفسكوا تعيشوة انكوا تردوا عليا