تعالوا اعرفوا حقيقة البنات ( للولاد فقط )

طبعا انا حاطط الموضوع وقاصد اكتب انه للولاد فقط ومع ذلك متاكد ان محدش هيدخله غير البنات

وده تنفيذ لوعد وعدته قبل كدة لموضوع اتكتب على الولاد

وربنا يسترها معانا

ونبدا على بركة الله صفات البنات :

1- النكد

مشفتش اى بنت مش بتحب النكد والنكد ليه صور كتير

الخناق عمال على بطال وتنكد على جوزها او خطبها الى يعينى بيكون غلبان وبيستحمل ( اى والله احنا مظلومين بقينا زى الجمال من الى

بيحصل فينا )

طيب مفيش خطيب ولا جوز يبقى التليفزيون وكام مسلسل درامى او فيلم وعلبتين مناديل وهات يا عياط

حتى الدراسة بعد اى امتحان لازم تخرج تعيط فى ايه يا بنتى مالك اصلى محلتش النقطة الاخيرة فى الامتحان هسقط ( مع العلم ان النقطة دى

فى سوال اختيارى وهى حلته زيادة تاكيد)


2- الميول العدوانية

عمرك شفت بنت بتتفرج على مصارعة ؟؟؟

ايوة والله فى بنات كتير بتتفرج على مصارعة وحافظين اسماء المصارعين كمان وحركتهم ...غير ان فى بنات كتير بطلات رفع اثقال -

وتايكوندو- والعاب عنيفة كتير ( يارب لما تعاكس متقعش فى ايد وحدة منهم)


3- الاصراف

بيحبو يشترو اى حاجة مش مهم هى ايه او بتعمل ايه او فايدتها ايه بس هى حاجة جيدة وخلاص غير اللبس والميك اب والجيم..الخ الخ

تعالى فى مرة اعمل دور جنتلة وقول لبنت انا عزمك فى اى مكان تحبيه بس تكون عامل حسابك وبايع بيتكم قبلها عشان تسدد الفاتورة

لان مفيش بنت هتدخلك محل كشرى ولا مطعم فول


4- الغيرة

الغيرة للبنت حاجة عادية للولد تبقى شك

طيب والبنت الى بتبص للبنات الى فى الشارع او الكلية او الشغل عشان تشوفهم بيعملو ايه وتعمله ( تلقيها ديما تقولك هى فلانة حلوة كل ده

ميك اب بس / عليا انا دى اصلا كانت كذا وكذا وكذا ...)


5- العند

العند ده صفة منتشرة جدا بيحبو يعندو عشان يحسسو الشباب انه بيتفقو عليهم تعالى كلم وحدة فى التليفون وقولها اقفلى تقولك لا انت الاول انت

تصر انها تقفل الاول هتعند معاك لحد مارصيدك يخلص والخط يقطع من عندك ( مهو طبعا انت الى متصل ...يا جنتل )

6- البراءة المصطنعة والهدوء

البنت ديما تلقيها فى اول مرة تتعرف عليها بتكون هدية ولذيذة ودمها خفيف ولو زعلتها بتسكت وممكن تعيط كمان...بعد فترة لو لمحت من غير

ماتقصد وزعلتها هتتمنى لو كنت فى قفص الاسد دلوقتى على الاقل ممكن يتفاهم معاك عنها


7- التعذيب

البنات بتحب جدا تعذب الولاد جرب مرة كدا متردش عليها لما تتصل بيك دا اذا كانت هي الي بتتصل واستني بليل هتلاقي رسالة ظريفة علي

موبايلك تقولك انا زعلانة منك عشان مرديتش عليا تقعد انت تهري في نفسك وتحاول تتصل بيها وهي متردش تبعت رسايل بالهبل انا اسف

صدقيني مكنت اقصد وهي ولا هنا ومصدرالك الطارشة لية عشان هي بتحب تشوفك بتتعذب وملهوف عليها


8- اصتناع الخجل

ايوة يتصنعو الخجل يعملو نفسهم خجولين وبيتكسفوا

9- التضامن مع الاخرين

البنت لو شافت بنت عاملة تاتش مع ولد وهى غلطانة مش هتقولها انها غلطانة بالعكس هتستنىلما يبقى الولد غلطان عشان يتحدو عليه



وفي الآخر كلمة للشباب

اوعو تخافوا ربنا على الظالم وربنا يورينا فيهم يوم

ههههههههههه


منورة التوبيك يا مرمورة


لا والله ... اصل في عضو او بمعنى اصح عضوة من الاعضاء كتبت

موضوع زي ده عن الولاد وانا وعدتها ان فيه رد على موضوعها

وده تنفيذ لوعدي

وطبعا كل ده هزار في هزار

عشان محدش يزعل


شكرا لمرورك الكريم وردك

نورتي الموضوع يا جميل

ههههههههههه


مش كلامي صح بردو


عشان محدش يقول ان بظلمهم وبقول حاجات مبتحصلش


وشاهد شاهد من اهلها

تسلمي يا مايا على مرورك وردك الجميل اللي اسعدني جدا


اشكرك على تاييدك ليا


نورتي الموضوع يا جميل

في البداية يا شوشو انتي قلتي ان عندي حق

ورجعتي تاني غلطيني في تقريبا كل اللي قلته

وده طبعا رد فعل طبيعي منك لانك بنت ههههههه ( مع احترامي طبعا ليكي ولاي بنت )

يا شوشو انا مقصدش كل البنات

وفي الاول وفي الآخر الموضوع كله هزار في هزار وضحك

وعلى العموم حقك عليا يا جميل

اهم حاجة بس تكوني سعيدة

شكرا لردك ومرورك

نورتيني