يا ترى ايه اللى فى دماغ الشباب

طبعا كلنا
عارفين الاعلان ده

وكانت الاجابه ايه

دماغى فيها حاجات كتير اوى

الكورة والبلاى ستيشن والفيديو جيم والبرامج الا القشره و.........

ونضيف ع القشره دى كمان كذا حاجه

منها طبعا القران وديننا للاسف كل الشباب دلوقتى مشغول بالبنات وازاى
يكلم دى ويحب فى دى وياللا نلعب كوره وياللا نروح البلاى ستيشن ده ان
هاقطعكم بس زى مادماغنا فيها الحاجات دى لازم يكون فيها اهتمام بديننا
وبالمسلمين

وادينا شايفين المسجد الاقصى بيروووووووووح من ايدينا واحنا واقفين

مش عارف مستنيين ايه

احنا عاملين زى مايكون فيه واحد قاعد فى بيته وجه ضيف عنده ورحب بيه
وشويه شويه الضيف جاب قرايبه وقعدوا وصاحب البيت مرحب وبعد كده الضيف طرد
صاحب البيت وقعد هو وقرايبه وصاحب البيت مرحب برضه بكده

انا عارف ان مش فى ايدينا حاجه وكل اللى فى ايدينا اننا ندعى ان ربنا
يسترها معانا والعرب يفوقوا من نومهم لاحسن نلاقى الضيوف جم عندنا وهانفضل
مرحبين

زى ما دماغك فيها بنات وبلاى ستيشن وكوره لازم يكون فيها نصره لدينك
وندعى ان ربنا ينصرنا على الجزم والقرود دول

ومحدش يقوللى تعالى نعمل مظاهرة لانها مش هاتفيدك بحاجه ومش بعيد تلاقى
نفسك محبوس بسبب اثارة الشغب

الحل فى ايد حكامنا هما فين وايه السكووووووووت ده وطبعا احنا عارفين
ايه اللى هايحصل هايقولوا انعقاد قمة عربيه طارئه وايه النتيجه؟

ياريت حد يقوللى

اصحوا للاقصى يروح اصحوا قبل فوات الاوان اصحوا قبل ما الضيوف يدخلوا
بيوتنا احنا كمان ويقعدوا فيها وبرضه هانرحب بيهم

غير الاقصى وفلسطين وبنقول لما نحل مشكاكل بلدنا
الاول

انتوا عندكوا حق

البلد خربانه ومحتاجه تتظبط من اول وجديد

وطبعا الحكومه سبب رئيسى فى البوظان ده

بس احنا سبب رئيسى برده

لاننا بقينا مهملين فى حياتنا وبنرمى المشاكل والاتهامات على بعض وبنهرب من
حلها

انا كل الى عايز اقولوه

ان مدام فى دماغنا كوره وبليستيشن ونت وبنات

نبص برده على الحاجات المهمه

مش هقولك روح حرر فلسطين ولا حارب امريكا واسرائيل

بس اهتم بحياتك وخلى فيها هدف

يفيدك اولا ويفيد الى حواليك ويفيد البلد

وصدقنى هتلاقى فى الاخر الحاجه ديه مهما كانت قليله بس ليها طعم

على الاقل هتحس انك عملت قيمه لنفسك

فى اخر كلامى هسألك سؤال واحد

ورد عليه

ونشوف كل واحد فينا جواه ايه

ياترى بقى انت كمان دماغك فيها ايه؟

الحقيقه احنا فعلا مهملين فى حق الاقصى وفى حق دينا ودفعنا عن نفسنا

وكل واحد مشغول بحاجه اللى يقول انا طالب وبذاكر وبدرس قدامى مستقبل وطبعا المستقبل بايد ربنا وبس

واللى يقول انا عندى اسره وعايز اربى اطفالى وهما عندهم حق فى الاغلب بس نسيوا واجبتهم نحو دينهم

كمسلمين نسيوا ان ربنا خلقنا اصلا عشان نعمر الارض ونعبده عز وجل ومن ضمن العباده اننا نتكاتف ونقف

بجوار بعض

ربنا يهدى الجميع وياريت نفوق لان فى حاجات كتيره فى حياتنا مش محتاجه غفوه اكتر من كده

تسلمى ياقمرايه على الموضوع الهام ده

فى انتظار مزيدك

وسورى على الاطاله

والــلــه مــوضــوع رائــع وفــكــرتــه جــدا جــمــيــلــه ..

بس احب اضيف حاجه .. مشكلة الاقصى مش بيد الشباب محدش يقدر يلوم الشباب عشان مشكلة الاقصى وبعدين مش كل الشباب مشغولين بالبنات .. يعني نقدر نقول الاغلبيه ..

يا ترى ايه اللى فى دماغ الشباب 34ijyx5

ياترى بقى انت كمان دماغك فيها ايه ؟

بعيدا عن المستقبل والدراسه والحاجات دي .. انا اتمنى ان العراق يتحرر ويرجع زي زمان عشان انا كمان عايش في بلد محتل وحاسس بمعاناة الاقصى بس مقدرش اعمل حاجه ..

شكل رائع وحلو

المشكله فينا
ان تنصروا الله ينصركم
لو كل واحد فى مكانه بيعمل واجبه ومش بيظلم حد وبيتقى ربنا ف الى بيعمله
وربنا يهدينا مرسى ليك ومشكورة ع موضوعك

هقولك دماغي فيها ايه ؟

فيها مسؤلية واجبه لازم اتحملها

فيها تفكير في مستقبل جميل بتمناه

فيها اماني اتمني تحققها

فيها اخواتي اتمني اشوفهم احلي ناس في الدنيا

فيها حياة بتمني تتغير للاحسن

فيها منتدي حبيتك واتمني له مزيد من التميز له ولكل اعضاءه

ميرسي علي التوبيك الجميل